ປຸ້ນຊິງຊັບແລະສໍ້ໂກງຊັບ 16 ຄັ້ງ ຖືກຈັບມາລົງໂທດ

ປຸ້ນຊິງຊັບແລະສໍ້ໂກງຊັບ 16 ຄັ້ງ ຖືກຈັບມາລົງໂທດ

ກອງບັນຊາການ ປກສ ນະຄອນ ໄກສອນ ພົມວິຫານ ໄດ້ມ້າງຄະດີຊິງຊັບ,ສໍ້ໂກງຊັບ ພົນລະເມືອງໃນວັນ 7 ເມສາ2022ນີ້,ເຈົ້າໜ້າທີ່ ປກສ ນະຄອນ ໄກສອນ ພົມວິຫານ ໄດ້ລາຍງານຕໍ່ນັກຂ່າວພວກເຮົາໃຫ້ຮູ້ວ່າ: ໃນໄລຍະຕົ້ນປີ2022 ໄດ້ມີເຫດການຄົນຮ້າຍໄດ້ເຄື່ອນໄຫວກໍ່ເຫດປຸ້ນຊັບ,ຊິງຊັບ,ສໍ້ໂກງຊັບ ຂອງປະຊາຊົນຢູ່ພາຍໃນນະຄອນ ໄກສອນ ພົມວິຫານ ເຮັດໃຫ້ເກີດຜົນເສຍຫາຍຕໍ່ຊັບສິນຂອງປະຊາຊົນ

ຈາກນັ້ນທາງຄະນະພັກ ກອງບັນຊາການປກສ ນະຄອນ ຈຶ່ງໄດ້ແຕ່ງຕັ້ງທາງເຈົ້າໜ້າທີ່ວິຊາສະເພາະກໍໄດ້ລົງເກັບກຳຂໍ້ມູນຫຼັກຖານໃນສະຖານ ແລະ ພາບຈາກກ້ອງວົງຈອນປິດໃກ້ສະຖານທີ່ເກີດເຫດ.ມາຮອດວັນທີ 4 ມີນາ 2022 ທາງເຈົ້າໜ້າທີ່ ປກສ ນະຄອນ ຈຶ່ງໄດ້ຈັບຕົວ ທ້າວ ອາລຸນ (ປໍ) ອາຍຸ27 ປີ ອາຊີບ ວ່າງງານ ບ້ານ ດົງດຳດວນ ນະຄອນ ໄກສອນ ພົມວິຫານ ແຂວງສະຫວັນນະເຂດ.

ເຊິ່ງຜ່ານການສືບສວນ-ສອບສວນ ຜູ້ກ່ຽວແມ່ນໄດ້ເຄື່ອນໄຫວກໍ່ເຫດຊີງຊັບ ມີທັງໜົດຈຳນວນ 05 ຄັ້ງ ໄດ້ໂທລະສັບ 05 ໜ່ວຍ,ສໍ້ໂກງຊັບ 11 ຄັ້ງ ໄດ້ໂທລະສັບ 09 ໜ່ວຍ,ເງິນສົດ 40 ພັນກີບ,ລົດຈັກ 01 ຄັນ ເຊິ່ງຜູ້ກ່ຽວໄດ້ໃຊ້ຮູບການຂັບຂີ່ລົດຈັກເລາະຕາມເສັ້ນທາງໃນຂອບເຂດນະຄອນ ໄກສອນ ພົມວິຫານ

ຊຶ່ງຜູ້ກ່ຽວໄດ້ສັງເກດເຫັນເປົ້າໜາຍແມ່ຍິງນັ່ງຂາຍເລກຢູ່ແຄມທາງຈຶ່ງເຂົ້າໄປທຳທ່າຈະຊື້ເລກໃນເມືອເຫັນເປົ້າໜາຍເຝີຈຶ່ງໄດ້ຍາດດຶງເອົາໂທລະສັບແລ້ວຂັບຂີ່ລົດປົບໜີໄປ ໃນນັ້ນຜູ້ກ່ຽວກໍ່ຍັງໄດ້ໃຊ້ວິທີການຕົວະຂໍຢືມໂທລະສັບເມືອເຈົ້າຂອງເຝີກໍ່ໄດ້ຂື້ນລົດປົບໜີເອົາໄປເລີຍ.

ດັ່ງນັ້ນທາງເຈົ້າໜ້າທີ່ ປກສ ນະຄອນ ເຊິ່ງສາມາດໄຕນຳໄດ້ເຄື່ອງຂອງກາງຄືນໄດ້ຈຳນວນ05 ໜ່ວຍແລະທາງເຈົ້າໜ້າທີ່ ຈຶ່ງໄດ້ກວດກາ ແລະຈະໄດ້ມອບຊັບຄືນໃຫ້ເຈົ້າຂອງເດີມ.

ເຊິ່ງສ່ວນຜູ້ກະທຳຜິດແມ່ນຈະໄດ້ດຳເນີນຄະດີຕາມລະບຽບກົດໜາຍ ແລະສ່ວນຊັບທີ່ຍັງເຫຼືອແມ່ນຈະໄດ້ສືບຕໍ່ໄຕນຳເກັບກູ້ຄືນເພື່ອສົ່ງຄືນໃຫ້ເຈົ້າຊັບຕໍ່ໄປໃນໂອກາດນີ້,ທາງເຈົ້າໜ້າທີ່ ກໍ່ໄດ້ຮຽກຮ້ອງມາຍັງປະຊາຊົນ, ຊາວຄ້າຂາຍ ,ນັກ ຮຽນ-ນັກສຶກສາ ແລະ ຜູ້ປະກອບການຕ່າງໆ ໃຫ້ມີສະຕິວັງຕົວໃນການຮັກສາຊັບສິນຂອງຕົນ ເປັນຕົ້ນ ແມ່ນ ໂທລະສັບ ແລະ ອື່ນໆ ພ້ອມທັງເປັນຫູເປັນຕາຊ່ວຍເຈົ້າໜ້າທີ່ ຖ້າພົບເຫັນເຫດການບໍ່ດີ ໃຫ້ຮີບຮ້ອນລາຍງານຕໍ່ເຈົ້າໜ້າທີ່ ເພື່ອແກ້ໄຂເຫດການໃຫ້ທັນເວລາ.

ข่าวทั่วไป