ບໍລິສັດທາງລົດໄຟລາວ-ຈີນ ເປີດນຳໃຊ້ລົດໄຟທຳມະດາຊ່ວງສະຖານີນະຄອນຫຼວງວຽງຈັນ ຫາ ສະຖານີບໍ່ເຕ່ນ

ບໍລິສັດທາງລົດໄຟລາວ-ຈີນ ເປີດນຳໃຊ້ລົດໄຟທຳມະດາຊ່ວງສະຖານີນະຄອນຫຼວງວຽງຈັນ ຫາ ສະຖານີບໍ່ເຕ່ນ

ເຖິງຜູ້ໂດຍສານທີ່ຮັກແພງທຸກທ່ານ:

ເພື່ອຕອບສະໜອງຄວາມຕ້ອງການໃນການເດີນທາງໃນໄລຍະພັກເທດສະການປີໃໝ່ລາວ ແລະ ຄວາມຕ້ອງການທົດລອງນັ່ງລົດໄຟທຳມະດາຂອງປະຊາຊົນ, ບໍລິສັດ ທາງລົດໄຟລາວ-ຈີນ ຈຳກັດ ມີຄວາມຍິນດິທີ່ຈະແຈ້ງໃຫ້ຊາບວ່າ ນັບແຕ່ວັນທີ 13 ເມສາ ເປັນຕົ້ນໄປ ພວກເຮົາຈະເລີ່ມເປີດນຳໃຊ້ລົດໄຟທຳມະດາຖ້ຽວລົດໄຟ K12/11 ລະຫວ່າງສະຖານີນະຄອນຫຼວງວຽງຈັນ ຫາ ສະຖານີບໍ່ເຕ່ນ,  ໂດຍນຳໃຊ້ລົດໄຟທຳມະດາ 1 ຂະບວນ.

ລົດໄຟທຳມະດາແມ່ນລົດໄຟທີ່ແລ່ນດ້ວຍຄວາມໄວ 120 km/h, ມີບ່ອນ ນັ່ງທັງໝົດ 732 ບ່ອນນັ່ງ. ໃນນັ້ນ, ຕັ່ງນັ່ງທົ່ວໄປ 590 ບ່ອນນັ່ງ, ຕັ່ງນັ່ງກວ້າງ 106 ບ່ອນນັ່ງ, ຕຽງນອນ (solf sleeper) 36 ບ່ອນ.

ພ້ອມດຽວກັນນີ້, ນັບວັນທີ 14 ເມສາ ເປັນຕົ້ນໄປ ຈະມີການເປີດໃຫ້ບໍລິການຂົນສົ່ງໂດຍສານສະຖານີກາສີ ແລະ ສະຖານີເມືອງງາ.

ข่าวทั่วไป