ແມ່ນແທ້ບໍ່ ຫາກິນນຳນັກຮຽນ ເງີນໃນຊ່ອງມີ 650.000ກີບ ແຕ່ຂຽນເປັນໂຕໜັງສື 750.000ກີບ

ແມ່ນແທ້ບໍ່ ຫາກິນນຳນັກຮຽນ ເງີນໃນຊ່ອງມີ 650.000ກີບ ແຕ່ຂຽນເປັນໂຕໜັງສື 750.000ກີບ

#ເອົາແລ້ວບາດນີ້!!!

#ເມື່ອນັກຄະນິດສາດບໍ່ມັກຕົວເລກ

ໂດຍປະຕິບັດຕາມຫຼັກມູນການສຶກສາ (ປັນຍາສຶກສາ) ສະນັ້ນ, ຈຶ່ງຈັດໃຫ້ມີການສອບເສັງຄັດເລືອກນັກຮຽນເກັ່ງ ໂດຍຄັດເລືອກແຕ່ຂັ້ນໂຮງຮຽນ, ຂັ້ນເມືອງ, ຂັ້ນແຂວງ ແລະ ຂັ້ນປະເທດຕາມລໍາດັບ.

ແຕ່ປີນີ້ ຫາກໍເສັງມາຮອດຂັ້ນເມືອງ

ໃນຕອນເຊົ້າຂອງວັນທີ 25 ມີນາ 2022 ເລີ່ມຕົ້ນສອບເສັງ ເວລາ 8 ໂມງ 30 ນາທີ ພາຍຫຼັງການເສັງສໍາເລັດແລ້ວ ຄະນະກຳມະການກວດກາບົດ ຂັ້ນປະຖົມ ປີທີ 5 ກໍໄດ້ໃຫ້ຄະແນນຢ່າງເປັນເອກະສັນ ວ່າ: ທ້າວ ວິທະຍາ (ນາມສົມມຸດ) ໄດ້ຄະແນນ 8,5 ເຊິ່ງສູງກວ່າໝູ່ໃນສູນສອບເສັງແຫ່ງນີ້ ຈາກນັ້ນ, ພາກບ່າຍຈຶ່ງໄດ້ມີພິທີປະກາດຜົນການສອບເສັງ ແລະ ມອບລາງວັນຕ່າງໆ ໃຫ້ແຕ່ລະນ້ອງຕາມລໍາດັບ ເຊິ່ງຄູພິທີກອນເພິ່ນ ປະກາດເລີ່ມແຕ່ລາງວັນຊົມເຊີຍມາຫາທີ 3-2-1 ຕາມລໍາດັບ ແຕ່ພໍມາຮອດອັນດັບທີ 1 ວິຊາຄະນິດສາດ ພິທີກອນຈຶ່ງເອີ້ນຊື່ 🤵‍♂️

– ທ້າວ ວິທະຍາ (ນາມສົມມຸດ) ໄດ້ອັນດັບທີ 1 ເຊິ່ງມີເງິນລາງວັນ ຈໍານວນ 650.000 ກີບບບບບບ!🌟⭐🏆🏆

ພາຍຫຼັງມອບປ້າຍ ແລະ ໃບຢັ້ງຢືນແລ້ວ ຄູພິທີກອນເລີຍເຫຼືອດຕາໄປເບິ່ງປ້າຍ ເຫັນ #ຕົວໜັງສື ທີ່ຂຽນເປັນຕົວເລກ ວ່າ: #ເຈັດແສນຫຼ້າສິບພັນກີບ (ເຈັດແສນຫ້າສິບພັນກີບ) ເລີຍຕົກໃຈ🤗
– ໂອ່ຍ! ຕົວເລກກັບຕົວໜັງສືບໍ່ຄືການນນ! (ກັນ) ¿•~<>¤?!!!🙄 …

ພາຍຫຼັງຕັ້ງສະຕິໄດ້ແລ້ວ ຈຶ່ງໄດ້ຢັ້ງຢືນອີກວ່າ: 650.000 ກີບຫັ້ນລະ!!!

ແຕ່ ທ້າວ ວິທະຍາ (ນາມສົມມຸດ) ລາວກໍຢັ້ງຢືນວ່າ:

– #ຫຼານຂໍເອົາຕາມຕົວໜັງສື
ສ່ວນ #ຫຼ້າສິບພັນ ຂໍເປັນ ຫ້າສິບພັນ ລວມແລ້ວເປັນ 750.000 ກີບ 🤣🤣

ເຮັດໃຫ້ປະທານສູນ, ຄະນະກຳມະການ, ຄູອາຈານ ແລະ ນັກສອບເສັງນໍາກັນ ພາກັນງົງໆ, ບາງຄົນກໍພາກັນຫົວແຊວໆຂຶ້ນ ໃນພາຍຫຼັງ ທ້າວ ວິທະຍາ (ນາມສົມມຸດ) ເວົ້າສຸດ.

ຈາກນັ້ນ, ຄູພິທີກອນຈຶ່ງໄດ້ເວົ້າຂຶ້ນວ່າ: ເອົ້າ! ເງິນລາງວັນໃນຊອງຮອດ 750.000 ກີບຢູ່ບໍ? ຖ້າບໍ່ພໍໃຜຊິຕື່ມ?

ເພື່ອແກ້ໜ້າໃຫ້ຄະນະກຳມະການ ແລະ ຄູອາຈານ… ຄູພິທີກອນກໍເລີຍໄດ້ຈົກເງິນຕົວເອງອອກຕື່ມໃຫ້😊☺

ຈາກນັ້ນ, ທຸກຄົນກໍໄດ້ມາສະແດງຄວາມຍິນດີ ແລະ ຖ່າຍຮູບຮ່ວມກັນ ເພື່ອເປັນທີ່ລະນຶກໃນບັ້ນສອບເສັງນັກຮຽນເກັ່ງໃນປີນີ້.

#ຕັ້ງຂໍ້ສັງເກດ: ເລກ 6 ອາດຈະມີການດັດແກ້ ແຕ່ຕົວໜັງສືພັດລືມແກ້ (ຜີຂາຍໜ້າຍ້ອນລັກຈົກຊອງກໍອາດຈະເປັນໄປໄດ້)🤫🤭

#ເລື່ອງນີ້ສອນໃຫ້ຮູ້ວ່າ :
ຈະເຮັດຫຍັງ? ເຮັດອັນໃດ? ກໍຕ້ອງໄດ້ມີສະຕິ, ຮອບຄອບ, ເຮັດແລ້ວຕ້ອງກວດກາຄືນ ຍິ່ງເປັນຂະແໜງການສຶກສາແລ້ວ ຍິ່ງຕ້ອງມີສະຕິໃນການ #ຂຽນການພິມແລະການນໍາໃຊ້ພາສາລາວ ເພາະເປັນຂະແໜງທີ່ສ້າງໃຫ້ຄົນຮູ້ ແລະ ສາມາດນໍາໃຊ້ພາສາລາວໃຫ້ຖືກຕ້ອງຢ່າງເປັນເອກະພາບກັນໃນທຸກຂົງເຂດວຽກງານ ແລະ ທົ່ວສັງຄົມ.

#ຂໍອະໄພບໍ່ໄດ້ໃສ່ຮ້າຍ_ຫຼືສຽດສີໃສ່ພາກສ່ວນທີ່ກ່ຽວຂ້ອງໃຫ້ເສື່ອມເສຍແຕ່ຢ່າງໃດ
#ພຽງແຕ່ເຕືອນສະຕິຜູ້ທີ່ເປັນເສນາທິການ_ເລຂານຸການເທົ່ານັ້ນເອງ 🙏🙏🙏

#ຂອບໃຈອຈສົມປອງ💝

ข่าวทั่วไป