ໜຸ່ມຫວຽດນາມຂັບລົດຈັກ ຕໍາລົດໄຖ ຂາດເຄິ່ງ

ໜຸ່ມຫວຽດນາມຂັບລົດຈັກ ຕໍາລົດໄຖ ຂາດເຄິ່ງ

ໜຸ່ມຫວຽດນາມ ຂັບຂີ່ລົດຈັກຕໍາລົດໄຖນາ ດ້ວຍຄວາມໄວ ບວກໃສ່ຄວາມແຮງ ເຮັດໃຫ້ຫົວຈັກລົດໄຖຂາດເຄິ່ງ ຜູ້ຂັບຂີ່ເສຍຊີວິດ.

ເຈົ້າໜ້າທີ່ຕໍາຫຼວດຈະລາຈອນ ໃຫ້ຂໍ້ມູນວ່າ: ໃນເວລາ 9:30 ໂມງ ຂອງວັນທີ 6 ເມສາ 2022 ຢູ່ທີ່ເສັ້ນທາງບ້ານພູນາງ ເມືອງທ່າປາງທອງ ແຂວງສະຫັວນນະເຂດ, ທ້າວ ກາວຊວນຈູງ ອາຍຸ 29 ປີ ກໍາມະກອນ ສັນຊາດຫວຽດນາມ ບ້ານກວາງຮາຍ ເມືອງ ບາໂດນ ແຂວງກວາງບິງ ພັກເຊົາ ຢູ່ບ້ານນາຫ່ອງໃຫຍ່ ເມືອງຕຸ້ມລານ ແຂວງສາລະວັນ ຂັບຂີ່ລົດຈັກ ໝາຍເລກທະບຽນ ຈທ 5423 ສະຫວັນນະເຂດ ຕາມເສັ້ນທາງບ້ານພູຜານາງ ມຸ່ງໜ້າແຕ່ທິດຕາເວັນຕົກ ຫາ ທິດຕາເວັນອອກ.

ພໍຂັບຂີ່ມາຮອດຈຸດເກີດເຫດ ໄດ້ຕໍາກັບລົດໄຖນາ ຂັບຂີ່ໂດຍ ທ້າວ ວຽງທອງ ອາຍຸ 22 ປີ, ປະຊາຊົນ ບ້ານພູຜານາງ ເມືອງທ່າປາງທອງ ແຂວງສະຫວັນນະເຂດ ເຊິ່ງຜູ້ຂັບລົດໄຖນາໄດ້ປ່ຽນທິດທາງກະທັນຫັນ ເຮັດໃຫ້ລົດຈັກທີ່ສວນທາງມາຕໍາໃສ່ຫົວຈັກຂອງລົດໄຖ ດ້ວຍຄວາມແຮງເຮັດໃຫ້ຈັກລົດໄຖຂາດອອກ ສົ່ງຜົນໃຫ້ຜູ້ຂັບຂີ່ລົດຈັກ ເສຍຊີວິດຄາທີ່.

ข่าวทั่วไป