ມອບ-ຮັບຮູບປັ້ນຫຼໍ່ຈຳລອງພໍ່ກະດວດ ທີ່ຂຶ້ນຊື່ລືນາມໃນຂະບວນການຕໍ່ສູ້ຕ້ານພວກລ່າເມືອງຂຶ້ນຝຣັ່ງ

ມອບ-ຮັບຮູບປັ້ນຫຼໍ່ຈຳລອງພໍ່ກະດວດ ທີ່ຂຶ້ນຊື່ລືນາມໃນຂະບວນການຕໍ່ສູ້ຕ້ານພວກລ່າເມືອງຂຶ້ນຝຣັ່ງ

ພິທີ ມອບ-ຮັບ ຮູບປັ້ນຈໍາລອງ ພໍ່ກະ ດວດ ຜູ້ລືນາມ ຊຶ່ງເປັນວິລະບູລຸດນັກ ຕໍ່ສູ້ຜູ້ພິລາດອາດຫານຂອງແຂວງສະ ຫວັນນະເຂດ ໄດ້ຈັດຂຶ້ນໃນວັນທີ 3 ເມສາ 2022 ນີ້. ເຖິງວ່າພາລະກິດຂອງ ເພິ່ນໄດ້ລ່ວງເລີຍມາເປັນເວລາ120 ປີແລ້ວ ກໍ່ຕາມແຕ່ກໍ່ເວົ້າໄດ້ວ່າເປັນຜູ້ມີ ຄຸນງາມຄວາມດີໃນການຕໍ່ສູ່້ ກັບລັດທິລ່າເມືອງຂຶ້ນຝຣັ່ງ ດ້ວຍນໍ້າໃຈຮັກຊາດ, ຮັກບ້ານ ເກີດເມືອງນອນ ແລະຕໍ່ສູ້ຈົນ ເຖິງວິນາທີສຸດທ້າຍ.

ເຂົ້າຮ່ວມໃນພິທີດັ່ງກ່າວ ມີທ່ານ ປອ. ສິລະວົງ ຄຸດໄພ ທູນ ກໍາມະການກົມການເມືອງ ສູນກາງພັກ ປະທານສູນກາງ ແນວລາວສ້າງຊາດ, ທ່ານ ສັນຕິພາບ ພົມວິຫານ ເຈົ້າ ແຂວງໆສະຫວັນນະເຂດ, ທ່ານ ນາງ ສວນສະຫວັນ ວິຍະ ເກດ ລັດຖະມົນຕີກະຊວງ ຖວທ, ທ່ານ ປອ ໂພໂຊ ໄຊຍະສອນ ເຈົ້າ ແຂວງໆສາລະວັນ, ທ່ານ ອາດສະ ພັງທອງ ສີພັນດອນ ເຈົ້າຄອງນະ ຄອນຫລວງ ວຽງຈັນ, ປ້າຄໍາ ເມິງ ວໍລະຈິດພັນລະຍາທ່ານ ບຸນຍັງ ວໍລະຈິດ ອະດີດປະທານປະເທດ, ທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດ ສູນກາງພັກ ຈາກນີ້, ກໍ່ມີການນໍາ ຂອງແຂວງສະຫວັນນະເຂດ ອະ ດີດການນໍາພັກ-ລັດຂັ້ນສູນກາງ ແລະແຂວງ ພະນັກງານປະຕິວັດ ອາວຸໂສບໍານານ, ພະນັກງານ-ລັດ ຖະກອນ ພໍ່ແມ່ປະຊາຊົນພາຍໃນ ຕົວເມືອງ ແລະຕ່າງເມືອງເຂົ້າ ຮ່ວມຢ່າງຄັບຄາໜ້າແໜ້ນ.


ກົມວິຈິດສິນ ກະຊວງ ຖວທ ມີຄໍາເຫັນວ່າ: ໃນການປັ້ນຫລໍ່ຮູບ ຈໍາລອງພໍ່ກະດວດ ຜູ້ລືນາມແມ່ນ ໄດ້ລິເລີ່ມແຕ່ປີ 2013 ເປັນຕົ້ນ ມາ ຊຶ່ງເປັນການປັ້ນຫລໍ່ດ້ວຍທອງ ເຫລືອງຈາກນາຍຊ່າງທີ່ມີສີມື ຢ່າງປານີດຄົນລາວເຮົາເອງມີຂະ ໜາດສູງ 4,50 ແມັດ ມີນໍ້າໜັກ ເກືອບ 3.000 ກິໂລ ຕົກເປັນມູນ ຄ່າໃນການປັ້ນຫລໍ່ ປະມານເກືອບ 1 ຕື້ກີບ ໂດຍແມ່ນການປະກອບ ທຶນຈາກຫລາຍພາກສ່ວນຢູ່ສູນ ກາງ ແລະທ້ອງຖິ່ນແຂວງສະຫວັນ ນະເຂດ.

ໃນບົດຄໍາເຫັນກ່າວບາງ ຕອນໃນພິທີມອບ-ຮັບຮູບປັ້ນຈໍາ ລອງພໍ່ກະດວດກໍ່ເຫັນໄດ້ວ່າໃນ ປະຫວັດສາດຜ່ານມາປະເທດ ລາວໄດ້ຖືກສັກດີນາ ແລະມາຫາ ອໍານາດຕ່າງດ້າວລ່າເມືອງຂຶ້ນມາ ທໍາລາຍ ແລະຢຶດຄອງຂົ່ມເຫັງໃຫ້ ຢູ່ໃນແອກ ທົນທຸກທໍລະມານຢ່າງ ແສນສາຫັດແຕ່ປະຊາຊົນບັນດາ ເຜົ່າຍາມໃດກໍ່ບໍ່ຍອມອ່ອນຂໍ້ໃຫ້ ສັດຕູ ໂດຍມີຜູ້ນໍາທ້ອງຖິ່ນ, ຜູ້ນໍາ ເຜົ່າ ແລະໃນທີ່ສຸດກໍ່ມີພັກການ ເມືອງ ແລະຜູ້ນໍາເກີດຂຶ້ນມານໍາພາ ຕໍ່ສູ້ເພື່ອບກອບກູ້ເອົາເອກະລາດ.

ຊຶ່ງໃນບັ້ນບຸກໂຈມຕີກອງກໍາລັງ ຝຣັ່ງ ໂດຍພໍ່ກະດວດໄດ້ວາງແຜນ ເຄື່ອນທັບສູ່ບ້ານທ່າແຮ່ ເຫັນວ່າ ການກໍ່ສ້າງກໍາລັງທີ່ທົດສອບ ຕົວຈິງໄດ້ດໍາເນີນມາດີ, ທະຫານ ທຸກຄົນມີຂວັນກໍາລັງໃຈ, ມີສຸຂະ ພາບເຂັ້ມແຊງ ພ້ອມທີ່ຈະເຂົ້າສູ່ ສະໜາມຮົບມີຈໍານວນທະຫານ 3 ກອງພັນ ໄດ້ແບ່ງອອກເປັນສອງ ທັບໃຫຍ່ທັບໜຶ່ງມີທະຫານ 1.500 ຄົນ,ທັບມ້າ 100 ຄົນ, ທັບປືນ 400 ຄົນ.

ທັບພົນຫອກ ດາບທໍາມະດາ 1.000 ຄົນ; ໃນ ສອງທັບນີ້ມີສອງແມ່ທັບໃຫຍ່ ຄວບຄຸມ. ສ່ວນຍາທ່ານ ແກ້ວ ພ້ອມ ຍາດໂຍມເຖົ້າແກ່ບ່າວສາວຊາວ ບ້ານໜອງກະດັບ, ຄໍາສີດາ, ກະ ດານ, ເຫລົ່າໜາດ, ຫ້ວຍຊາຍ, ສີໂຄດ ແລະສິບໝູ່ບ້ານແຖບນັ້ນ ຕ້ອງອອກຄໍາສັ່ງໃຫ້ກຽມສ້າງອາ ວຸດຍຸດໂທປະກອນ ເພື່ອແຮໄວ້ ເປັນກອງຫລັງ ແລະຈັດເປັນຄັງ ພະລາທິການສົ່ງໃຫ້ທັບໜ້າ.

ສ່ວນ ທ້າວ ພໍ່ກະດວດ ຂີ່ມ້າອອກ ໜ້າ ຕາມດ້ວຍຂຸນຄ້ອນ, ເພຍອິນ, ຈານລີ, ເຊື້ອຊາດບຣູເກັ່ງກ້າແຄ້ວ ຄົງໄດ້ນໍາພາກໍາລັງທະຫານ 1500 ຄົນມຸ້ງໜ້າໄປທາງດົງ ກວາງໂຕນ ຕັດໃສ່ບ້ານນໍ້າພຸ,ນາ ຄໍາ, ນາໃຕ້, ເບັດລົງໃສ່ແຄມຂອງ ເລາະຂຶ້ນຮອດຫ້ວຍສົ້ມປ່ອຍໄປ ຈັ້ງຢູ່ຂ້າງຫົວເຊັງ, ໃນການບຸກ ຕີຄ້າຍທະຫານຝຣັ່ງ ທີ່ບ້ານທ່າແຮ່ ມີຂຶ້ນໃນວັນພະຫັດແຮມ 11 ຄໍ່າ ເດືອນ 4, ກົງກັບວັນທີ 24 ເມສາ ຄ.ສ 1902 ກໍ່ເລີ່ມຕົ້ນບຸກປະຈັນ ບານ ກໍາລັງທັງໝົດແບ່ງອອກ ເປັນ 3 ທັບໃຫຍ່ ຄືທັບທີໜຶ່ງແມ່ນ ຂຸນເທງ ເປັນແມ່ທັບ ພ້ອມເພຍ ອີນ, ຊຽງຫລ້າ, ທິດຫຍຸຍກັບທະ ຫານ 700 ຄົນ, ມີພົນປືນ 20 ຄົນ ເຫລືອນັ້ນແມ່ນຄົນຖືຫອກ, ຍົກໄປ ທາງທິດເໜືອ ຕັດໃສ່ໂຄກນ້ອຍ ຫາງເດີ່ນຍົນໃນປະຈຸບັນເຂົ້າໃສ່ ທາງເບື້ອງຕາເວັນອອກສ່ຽງ ເໜືອ ຫ້ວຍລົງກົງ, ແລ້ວຕີຂະໜາບ ແຕ່ເໜືອ (ເໜືອຄຸ້ມຝຣັ່ງ) ລົງໄປ ຫາຄ້າຍທະຫານຝຣັ່ງ; ທັບທີສອງ ແມ່ນ ທ້າວກະດວດ ແລະຂຸນຄ້ອມ ເປັນຜູ້ນໍາ ຍົກພົນ 1.000 ຄົນ ເລາະ ໄປເຂົ້າເບື້ອງໃຕ້ຂອງປາກຫ້ວຍ ລົງກົງ.

ຕີຂຶ້ນຄ້າຍທະຫານຝລັ່ງ. ອີກທັບໜຶ່ງ ແມ່ນອາຢີເອງພ້ອມ ຂຸນຂ້ຽວຍົກພົນລະວັງຂວາ. ລະ ວັງຊ້າຍ ໂດຍໃຫ້ເພຍອິນ ຄຸມທະ ຫານປືນຈໍານວນ 80 ກະບອກ ພ້ອມທະຫານທະນູໜ້າໜ້ອງໃຫ້ ເພຍໄຊຍະມຸງຄຸນເປັນກອງລະວັງ ຊ້າຍ, ໃຫ້ຈານລີເປັນກອງລະວັງ ຫລັງ, ພໍ່ກະດວດເອງຂີ່ມ້າອອກ ໜ້າຖືປືນພາຍຫອກ ແລະດາບ ພວນໄຄ່ວຕິດຕາມດ້ວຍ ຈານຂໍາ ແລະຂຸນເສິກໜັງຫຍາບອີກ 12 ຄົນຕາມຫລັງຕິດຕາມດ້ວຍພົນ ທະຫານປະມານ 1000 ຄົນ ສ່ວນທ້າວສີໂຫຮັກສາທັບມ້າ 300 ຄົນ ແລະພົນທະຫານຈໍານວນ ເຫລືອໃຫ້ຖ້າຢູ່ນາເຊັງ.

ທຸກຄົນ ກ່ອນຈະເລີ່ມໂຈມຕີຕ້ອງໄດ້ ພ້ອມກັນຈົ່ມຄາຖາ ແລະເຮັດຕາມ ໄດ້ສິດສອນໃຫ້ຄື: ທຸສາ ໂມສາ ຕາມດ້ວຍຄາຖາທ່ອງຕ່າງໆ ຮອດ ເວລາຂ້ອນແຈ້ງ,ອາຍີ່ໄດ້ສັ່ງໃຫ້ ທະຫານທຸກຄົນເລັ່ງຝີຕີນຂື້ນໃຫ້ ໄວ. ພໍຂວ້າມຫ້ວຍລົງກົງແລ້ວຂຸນ ຂຽວ ແລະເພຍອົ້ນ ສັ່ງໃຫ້ທະ ຫານ ຍິງປືນສະບູໃຫຍ່ 2 ນັດ ເພື່ອພັງ ຮົ້ວໜາມໝາກຈັບ, ແຕ່ ລູກປືນໄປບໍ່ຖືກຕາມຕັ້ງໃຈ ຮົ້ວ ໜາມບໍ່ຖືກພັງຊໍ້າຍັງມີທະຫານ ຝຮັ່ງໄດ້ແລ່ນອອກມາຢູ່ຂຸມຄອງ ປະຊິດກັບຮົ້ວຕື່ມ ແຕ່ເວລານັ້ນ ຫລຽວເຫັນວ່າທະຫານຂອງພວກ ເຂົາຖືກລູກປືນຕາຍແລ້ວ 3 ຄົນ.

ອາຍີ່ເຫັນດັ່ງນັ້ນກໍ່ຟ້າວລະດົມ ພົນເຂົ້າທັນທີຫວັງຈະແຫກຄ້າຍ ເຂົ້າໄປໃຫ້ໄດ້ ແຕ່ທະຫານຄົນ ຫວຽດນາມຍິງສະກັດບໍ່ຖອຍ ເຮັດໃຫ້ທະຫານອາຍີ່ລົ້ມຕາຍ ຫລວງຫລາຍປານຂອນໄມ້ສ່ວນ ທັບຂອງທ້າວກະດວດ ທີ່ຍົກທັບ ມາທາງປາກຫ້ວຍລົງກົງກໍ່ພົບ ກັບທະຫານຝຣັ່ງອີກໝູ່ໜຶ່ງ ຊຶ່ງ ພະຍາຍາມຈະອອກຕີຕັດຫລັງ ແຕ່ຍ້ອນພົບກັນກ່ອນຈຶ່ງສູ້ກັນ ແລ້ວທະຫານທ້າວກະດວດອ້ອມ ຈັບໄດ້ແລະຂ້າຕາຍເກືອບເໝິດ .

ລອດໄປພຽງຫົວໜ້າຂອງມັນ ທີ່ປົບຄືນທະຫານມ້າໄດ້ຄວບ ມ້າໄລ່ ເລີຍຖືກມັນຍິງຕາຍສາມໂຕ ເຫັນດັ່ງນັ້ນທະຫານມ້າເລີຍ ເອົາຕົວຫລີກແຕ່ພົນຫອກປະ ມານ 10 ກວ່າຄົນ ຍັງໄລ່ຕາມ ໄປຈົນໃກ້ຮອດຄ້າຍ. ທະຫານ ຝຣັ່ງອອກມາຕ້ານແຮງຕໍ່ແຮງ ຂຸນຄ້ອມ ເຊິ່ງເຂົ້າປະຊິດຕົວແລ້ວ ໄດ້ຍົກດາບຟັນທະຫານຝຣັ່ງ ລົ້ມລົງສາມບັກພົນທະນູໜ້າ ໜ້ອງກໍ່ຍິງຊໍ້າຕື່ມເຮັດໃຫ້ພວກ ມັນຕາຍຄາທີ່ພໍທະຫານຂອງທ້າວ ກະດວດແລ່ນມາເຖິງກໍ່ຈະໂຫ້ ບຸກ ເຂົ້າຄ້າຍທັນທີເລີຍໄປຕໍາລະເບີດ ທີ່ຝຣັ່ງຫ້າງໄວ້ຢູ່ແຄມຄ້າຍພາ ກັນຕາຍບໍ່ຈັກວ່າເທົ່າໃດແຕ່ກອງ ຫລັງໜູນມາບໍ່ຖອຍສາມາດປະ ຊິດແຄມຮົ້ວໄດ້ແລ້ວກໍ່ເລີຍຕໍາ ເອົາລູກສະໝຸສເກີຕົງ 28 ຂອງ ຝຣັ່ງລົ້ມຕາຍລະເດຍລະດາດ./.

ข่าวทั่วไป