ອາ​ເມ​ຣິ​ກາ​ຄື​ມື​ມືດ​ຜູ້​ບົງ​ການຢູ່ຫຼັງ​ສາກ

ອາ​ເມ​ຣິ​ກາ​ຄື​ມື​ມືດ​ຜູ້​ບົງ​ການຢູ່ຫຼັງ​ສາກ

ວັນ​ທີ 26 ມີ​ນາ​ນີ້​ຕາມ​ເວ​ລາ​ທ້ອງ​ຖິ່ນ, ​ຢູ່​ປະ​ເທດ​ໂປ​ໂລຍ, ທ່ານ​ໂຈ ໄບ​ເດັນ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ ໄດ້​ກ່າວ​ປາ​ຖະ​ກະ​ຖ​າ​ກ່ຽວ​ກັບ​ການ​ປະ​ທະ​ກັນ​ລະ​ຫວ່າງຣັດ​ເຊຍ-ອູ​ແກ​ຣນ ໂດຍ​ກ່າວ​ວ່າ: “​ບຸກ​ຄົນ​ນີ້(ທ່ານ​ວາ​ລາ​ດີ​ເມຍ ປູ​ຕິນ ປະ​ທາ​ນາ​ທິ​ບໍ​ດີ​ຣັດ​ເຊຍ) ​ ​ບໍ່​ຄວນກຳ​ອຳ​ນາດ​​ຕໍ່​ໄປ​ອີກ.”

ເຖິງ​ວ່າຫຼັງ​ຈາກ​ນັ້ນ ທຳ​ນຽບ​ປະ​ທາ​ນາ​ທິ​ບໍ​ດີ​​ຂອງ​ອາ​ເມ​ຣິ​ກາໄດ້​ແກ້​ຕົວ​ຕໍ່​ຄຳ​ເວົ້າ​ດັ່ງ​ກ່າວ​ທີ່​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​ອື່ນ​ຢ່າງ​ເປີດ​ແປນກໍ​ຕາມ, ແຕ່​ຄຳ​ເວົ້າ​ນີ້​ໄດ້​ເປີດ​ເຜີຍ​ຈຸດ​ປ​ະ​ສົງທີ່​ແທ້​ຈິງ​ຂອງ​ການ​ກໍ່​ເລື່ອງ​ຂອງອາ​ເມ​ຣິ​ກາ​ ກໍ​ຄືເຮັດ​ໃຫ້​ຣັດ​ເຊຍ​ຊຸດ​ໂຊມ​ລົງ, ​ແລ້ວໂຄ່ນ​ລົ້ມ​ລັດ​ຖະ​ບານ​ຣັດ​ເຊຍ ເພື່ອ​ຊ່ວຍ​ອາ​ເມ​ຣິ​ກາ​ເປັນ​ປະ​ເທດ​​ມະ​ຫາ​ອຳ​ນາດ​ຂອງ​ໂລກ.

ອ​າ​ເມ​ຣິ​ກາ​ໄດ້​ສ້າງ​ຄວາມ​ປັ່ນ​ປ່ວນ​ຢູ່​ແຫ່ງ​ຕ່າງໆ​ຂອງ​ໂລກ ດ້ວຍ​ຂໍ້​ອ້າງ “ສິດ​ທິ​ມະ​ນຸດ” “ປະ​ຊາ​ທິ​ປະ​ໄຕ” “ເສ​ລີ​ພາບ” ແລະ​ອື່ນໆ. ເມື່ອ​ທົບ​ທວນ​ຄືນ​ປະ​ຫວັດ​ສາດ​​ການຮຸ​ກ​ຮານ ແລະ​ປະ​ຫວັດ​ສາດ​​ການແຊກ​ແຊງ​ຂອງ​ອາ​ເມ​ຣິ​ກາ, ພວກ​ເຮົາ​ສາ​ມາດ​ພົບ​ເຫັນ​ໄດ້​ງ່າຍ​ວ່າ: ອາ​ເມ​ຣິ​ກາ​ຄື​ມື​ມືດ​ຜູ້​ບົງ​ການ​ຢູ່ຫຼັງ​ສາກ ​ເປັນ​ແຫຼ່ງ​ກຳ​ເນີດຄວາມ​ປັ່ນ​ປ່ວນ ແລະ​ຄວາມ​ວຸ້ນ​ວາຍ​ຂອງ​ໂລກ.

ອາ​ເມ​ຣິ​ກາ​ເປັນ​ປະ​ເທດ​ທີ່​​ກະ​ຫາຍ​ສົງ​ຄາມ​ບໍ່? ຖ້າ​ເບິ່ງ​ຈາກ​​ຖານຂໍ້​ມູນ​ໃຫຍ່ ຫຼື​ບິກ​ດາ​ຕາ, ​ຄຳ​ຕອບ​ກໍ​ຄື “​ແມ່ນແນ່ນອນ” .

​ອີງຕາມ​ສະ​ຖິ​ຕິ​ທີ່​ບໍ່​ຄົບ​ຖ້ວນ, ໃນ​ປະ​ຫວັດ​ສາດ 240 ກວ່າ​ປີ ພາຍຫຼັງ​ອາ​ເມ​ຣິ​ກາ​ໄດ້​ປະ​ກາດ​ເອ​ກະ​ລາດ​ໃນ​ປີ 1776 ເປັນ​ຕົ້ນ​ມາ, ໄລ​ຍະ​ເວ​ລາ​ທີ່​ອາ​ເມ​ຣິ​ກາ​ບໍ່​ໄດ້​ເຂົ້າ​ຮ່ວມ​ສົງ​ຄາມ​ນັ້ນ ​ມີບໍ່​ຮອດ 20 ປີ; ນັບ​ແຕ່​ສົງ​ຄາມ​ໂລກ​ຄັ້ງ​ທີ 2 ສິ້ນ​ສຸດ​ລົງ​ເມື່ອ​ປີ 1945 ມາ​ຮອດ​ປີ 2001, ຢູ່ 153 ປະ​ເທດ ແລະ​ເຂດ​ແຄວ້ນໃນ​ທົ່ວ​ໂລກ​ໄດ້​ເກີດ​ການ​ປະ​ທະ​ກັນດ້ວຍ​ກຳ​ລັງອາ​ວຸດ​ເຖິງ 248 ຄັ້ງ, ໃນ​ນັ້ນ, ການ​ປະ​ທະ​ກັນ​ທີ່​ກໍ່​​ຂຶ້ນໂດຍ​ອາ​ເມ​ຣິ​ກາ​​ແມ່ນມີ​ເຖິງ 201 ຄັ້ງ ກວ​ມ 81%.

ນັບ​ແຕ່​ສົງ​ຄາມ​ໂລກ​ຄັ້ງ​ທີ 2 ເປັນ​ຕົ້ນ​ມາ, ​ເກືອບ​ວ່າປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ທຸກ​ຄົນ ຕ່າງ​ກໍ​ມີ “ສົງ​ຄາມ​ຂອງ​ຕົນ”, ສົງ​ຄາມ​ເຫຼົ່າ​ນີ້ ເຮັດ​ໃຫ້​ປະ​ເທດ​ທີ່​ຖືກ​ຮຸ​ກ​ຮານ​ປະ​ສົບ​ໄພ​ພິ​ບັດ​ສົງ​ຄາມ, ປະ​ຊາ​ຊົນຫຼາຍ​ລ້ານ​ຄົນ​ເສຍ​ຊີ​ວິດ​, ຫຼາຍ​ສິບ​ລ້ານ​ຄົນ​ແຕກ​ບ້ານ​ແຕກ​ເມືອງ ແລະຂາດ​ທີ່​ເພີ່ງ​ພາ​ອາ​ໄສ.

ຫຼັງ​ຈາກ​ສົງ​ຄາມ​ໂລກ​ຄັ້ງ​ທີ​ສອງ​ສິ້ນ​ສຸດ​ລົງ​ແລ້ວ,ອາ​ເມ​ຣິ​ກາ​ຍາດ​ໄດ້​ຖາ​ນະ​ເປັນ​ຜູ້​ນຳ​ພາ​ໃນ​ລະ​ບ​ຽບ​ສາ​ກົນ, ແຕ່​ຍັງ​ກໍ່ແລະ​ເຂົ້າ​ຮ່ວມ​ສົງ​ຄາມ​​ເລື້ອຍໆ. ເຂົາ​ເຈົ້​າ​ໄດ້ທ່ຽວ​ຫາ​ຜູ້​ເປັນ​ສັດ​ຕູ​ໃນ​ທົ່ວ​ໂລກ, ໂດຍ​ສະ​ເພາະ​ແມ່ນ​ພາ​ຍຫຼັງ​ສົງ​ຄາມ​ເຢັນ​ສິ້ນ​ສຸດ​ລົງແລ້ວ, ອາ​ເມ​ຣິ​ກາ​ໄດ້​ປັ່ນ​ກະ​ແສ​ລັດ​ທິ​ແຊກ​ແຊງ​ຢູ່​ທົ່ວ​ໂລກ ດ້ວຍ​ແນວ​ຄິດ “ໂລກ​ຂົ້ວ​ດຽວ” ຢ່າງ​ປ່ວງ​ບ້າ, ກໍ່​ສົງ​ຄາມ, ​ດຳ​ເນີນການ​ເຄື່ອນ​ໄຫວ​ໂຄ່ນ​ລົ້ມ ແລະ​ການ​ເຄື່ອນ​ໄຫວ​ແຊກ​ຊຶມ​ປະ​ເທດ​ອື່ນ ໂດຍ​ມີ​ຈຸດ​ປະ​ສົງ​ອັນ​ດຽວ ກໍ​ຄື​ເປັນ​ມະ​ຫາອຳ​ນາດ​ຂອງ​ໂລກ.

ຍິ່ງ​ໄປ​ກວ່າ​ນັ້ນ, ອາ​ເມ​ຣິ​ກາ​ກໍ​ບໍ່​ໄດ້​ປ່ອຍ​ອາ​ເມ​ຣິ​ກາ​ລາ​ຕິນ ທີ່​ຖື​ເປັນບໍ​ລິ​ເວນຫຼັງ​ບ້ານ​ຂອງ​ຕົນ​ມາ​ໂດຍ​ຕະຫຼອ​ດ. ໃນ​ປະ​ຫວັດ​ສາດ, ອາ​ເມ​ຣິ​ກາ​ໄດ້​ສະ​ແຫວງ​ຫາ “​ການ​ມີທ່າ​ແຮງ​​ຢ່າງ​ຂາດ​ຂັ້ນ” ຢູ່​ອາ​ເມ​ຣິ​ກາ​ລາ​ຕິນ. ຕໍ່​ກັບ​ປະ​ເທດ​ທີ່​ໄດ້​ເລືອກ​ຕັ້ງ “ປະ​ທາ​ນາ​ທິ​ບໍ​ດີ​ຕໍ່​ຕ້ານ​ອາ​ເມ​ຣິ​ກາ”​ນັ້ນ, ອາ​ເມ​ຣິ​ກາ​ໄດ້​ກໍ່​ການ​ລັດ​ຖະ​ປະ​ຫານ ຫຼື​ໃຊ້​ກອງ​ທັບ​ເຂົ້າ​ຮຸກ​ຮານ.

ສົງ​ຄາມ​ຫວຽດ​ນາມ, ສົງ​ຄາມ​ອ່​າວ, ສົງ​ຄາມ​ອັ​ຟ​ກາ​ນິ​ສະ​ຖານ, ສົງ​ຄາມ​ອີ​ຣັກ, ສົງ​ຄາມ​ຊີ​ຣີ……ສົງ​ຄາມ​ເຫຼົ່າ​ນີ້ ບໍ່​ພຽງ​ແຕ່​ໄດ້​ສ້າງ​ຄວາມ​ປັ່ນ​ປ່ວນ​ໃນ​ໂລກ, ຍັງ​ໄດ້​ເຮັດ​ໃຫ້​ປະ​ຊາ​ນິ​ຍົມ​ຢູ່​ອາ​ເມ​ຣິ​ກາແຜ່​ຂະ​ຫຍາຍ​ຢ່າງກວ້າງ​ຂວາງ, ​ການ​ເປັນ​ປໍ​ລະ​ປັກ​ກັນ​ດ້ານ​ການ​ເມືອງ​ພາຍ​ໃນ​ປະ​ເທດ​ເພີ່ມ​ຂຶ້ນ​ຢ່າງຫຼວງຫຼາຍ, ຢູ່​ໃນ​ປະ​ເທດ​ອາ​ເມ​ຣິ​ກາ​ໄດ້​ເກີດ​ມີ​ວິ​ກິດ​ການ​ຢ່າງ​ຮອບ​ດ້ານ.
ເມື່ອ​ກໍ່​ສົງ​ຄາມ​ໃນ​ທົ່ວ​ໂລກ, ອາ​ເມ​ຣິ​ກາ​ມັກ​ໃຊ້​ຂໍ້​ອ້​າງ​ທີ່​ວ່າ: “ສິດ​ທິ​ມະ​ນຸດ” “ປະ​ຊາ​ທິ​ປະ​ໄຕ” ແລະ​ອື່ນໆ. ແຕ່​ເຮັດ​ເລື່ອງ​ແບບ​ນີ້ຫຼາຍຂຶ້ນ​ແລ້ວ, ປະ​ຊາ​ຊົນ​ໂລກ​ກໍ​ໄດ້​ຮູ້​ຈັກ​ທາດ​ແທ້​ຂອງ​ອາ​ເມ​ຣິ​ກາ.

ອາ​ເມ​ຣິ​ກາ​ເປັນ​ມື​ດຳ​ຢູ່ຫຼັງ​ສາກ ທີ່​ກໍ່​ຄວາມ​ປັ່ນ​ປ່ວນ​ໃນ​ທົ່​ວ​ໂລກ, ມື້​ໃດ​ຈຶ່ງຍອມ​ເຊົາ​ເຮັດ? ບຸກ​ຄົນ​ທີ່​ຮັກ​ຫອມ​ສັນ​ຕິ​ພາບທັງຫຼາຍ​ໃນ​ໂລກ​ກຳ​ລັງ​ສອບ​ຖາມ!

ข่าวทั่วไป