ອຸຕຸເຕືອນ! ໃຫ້ລະວັງຈະມີຝົນຕົກຟ້າຮ້ອງ-ຟ້າເຫຼື້ອມ ວັນທີ 24 ຫາ 27 ມີນາ 2022 ນີ້

ອຸຕຸເຕືອນ! ໃຫ້ລະວັງຈະມີຝົນຕົກຟ້າຮ້ອງ-ຟ້າເຫຼື້ອມ ວັນທີ 24 ຫາ 27 ມີນາ 2022 ນີ້

ກົມອຸຕຸນິຍົມ ແລະ ອຸທົກກະສາດ. ໄດ້ໃຫ້ຮູ້ວ່າ: ວັນທີ 24 ຫາ 27 ມີນາ 2022 ສອງກະແສລົມຕາເວັນຕົກ ແລະ ຕາເວັນອອກສ່ຽງໃຕ້ ຈະເພີ່ມກຳລັງແຮງຂຶ້ນພັດປົກຄຸມເປັນສ່ວນໃຫຍ່ຊຶ່ງຈະເຮັດໃຫ້ອາກາດຮ້ອນຂຶ້ນໃນຕອນບ່າຍ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມ ແລະ ມີລົມພັດແຮງຢູ່ບາງທ້ອງຖີ່ນ ເປັນບາງໂອກາດໃນແຕ່ລະພາກຢູ່ໃນທ້າຍຕອນບ່າຍ ຫາ ຕອນກາງຄືນ.

ສະຫຼຸບສະພາບອາກາດ ແລະ ລະດັບນ້ໍາ ໃນໄລຍະວັນທີ 14 ຫາ 20 ມີນາ 2022ແລະ ຄາດຄະເນສະພາບອາກາດ ແຕ່ວັນທີ 21 ຫາ 27 ມີນາ 2022
I. ສະຫຼຸບສະພາບອາກາດ ແລະ ລະດັບນ້ໍາ ໃນໄລຍະວັນທີ 14 ຫາ 20 ມີນາ 2022.1.1 ສະພາບອາກາດໂດຍທົ່ວໄປ;

_ ໃນໄລຍະຕົ້ນອາທິດ ວັນທີ່ 14 ຫາ 20 ມີນາ 2022 ບໍລິເວນຄວາມກົດດັນຕໍ່າຂອງອາກາດຮ້ອນໄດ້ມີກໍາລັງ ອ່ອນ ຫາ ປານກາງ ປົກຄຸມຢູ່ທຸກພາກຂອງປະເທດລາວ, ສົມທົບກັບລົມຕາເວັນຕົກພັດປົກຄຸມເປັນສ່ວນໃຫຍ່, ຊຶ່ງ ໄດ້ເຮັດໃຫ້ອາກາດຮ້ອນ ຫາ ຮ້ອນເອົ້າ ຢູ່ແຂວງພາກເຫນືອດ້ານຕາເວັນຕົກ, ພາກກາງ ແລະ ພາກໃຕ້ ແລະ ມີຫມອກ ແຫ້ງປົກຫຸ້ມໃນຕອນກາງເວັນຢູ່ໃນແຕ່ລະພາກ, ພ້ອມດຽວກັນນີ້ໄດ້ມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ແລະ ຕົກປານກາງ ຫາ ຕົກຫນັກພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ກ, ລາຍງານສະພາບອຸນຫະພູມ: ໃນໄລຍະຫນຶ່ງອາທິດຜ່ານມາ ວັນທີ 14 ຫາ 20 ມີນາ 2022 ອາກາດເປັນໃນຕອນ ກາງຄືນ ຫາ ຕອນເຊົ້າ ໂດຍສະເພາະ ແຂວງພາກເຫນືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງບໍລະ ເວນ ອຸນຫະພູມຕ່ໍາສຸດແທກໄດ້ 15 – 17 ອົງສາ ແລະ ອຸນຫະພູມ ສູງສູດແທກໄດ້ 25 – 27 ອົງສາ,ສໍາລັບແຂວງ ພາກເຫນືອດ້ານຕາເວັນຕົກ ລົງຫາພາກກາງ ແລະ ພາກໃຕ້ ອາກາດຮ້ອນ ຫາ ຮ້ອນເອົ້າ ອຸນຫະພູມຕໍ່າສຸດແທກໄດ້ 22 – 24 ອົງສາ ແລະ ອຸນຫະພູມສູງສຸດແທກໄດ້ 36 – 39 ອົງສາ.

ຊຶ່ງອຸນຫະພູມສູງສຸດຂີດແທກໄດ້ ທີ່ ສະຖານີ້ ໄຊຍະບູລີ ແລະ ນະຄອນຫຼວງວຽງຈັນ ແທກໄດ້ 36.0 ອົງສາ, ທ່າແຂກ ແລະ ສະຫວັນນະເຂດ 36,4 ອົງສາ, ເຊໂນ 37.4 ອົງສາ, ເຊກອງ ແລະ ອັດຕະປື 39.0 ອົງສາ ໃນວັນທີ 14 ມີນາ 2022.

ຂ. ລາຍງານສະພາບຝົນ: ໃນໄລຍະຫນຶ່ງອາທິດຜ່ານມາ ວັນທີ່ 14 ຫາ 20 ມີນາ 2012 ໄດ້ມີຝົນຕົກໃນລະດັບຄ່ອຍ ຢູ່ໃນແຕ່ລະພາກ ແລະ ຕົກປານກາງ ຫາ ຫນັກ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ,

ຊຶ່ງປະລິມານນ້ໍາ ຝົນ 24 ຊົ່ວໂມງ ແທກໄດ້ແຮງສຸດ ທີ່ສະຖານີ ຜົ້ງສາລີ 33.0 ມິນລີແມັດ, ຊໍາເຫນືອ 20.4 ມິນລີແມັດ, ຊຽງຂວາງ 20.5 ມິນລີແມັດ, ອຸດົມໄຊ 50.3 ມິນລີແມັດ, ຫຼວງນ້ໍາທາ 23,9 ມິນລີແມັດ,ຫຼວງພະບາງ 55.4 ມິນລີແມັດ (ໃນວັນທີ 15 ມີນາ 2012), ໄຊຍະບູລີ 46.4 ມິນລີແມັດ (ໃນວັນທີ 16 ມີນາ 2022), ໄຊສົມບູນ 40.9 ມິນລີ ແມັດ, ປາກຊັນ 43.1 ມິນລີແມັດ (ໃນວັນທີ 16 ມີນາ 2012), ນິຄົມ34: 29.4 ມິນລິແມັດ ແລະ ອັດຕະປື 32.0 ມິນລີແມັດ ໃນວັນທີ 17 ມີນາ 2022.

ข่าวทั่วไป