ໂສມໜ້າໂຈນທີ່ດຶງສາຍຄໍຄໍາໜ້າວຽງຈັນເຊັນເຕີ້

ໂສມໜ້າໂຈນທີ່ດຶງສາຍຄໍຄໍາໜ້າວຽງຈັນເຊັນເຕີ້

ໄລຍະນີ້ອີ່ສັງກະຂື້ນເຮັດໃຫ້ໂຈນມັນກໍ່ເຫດ ໂດຍສະເພາະຄໍາບາດລະເກືອບ12ລ້ານ ໃຫ້ພາກັນລະມັດລະວັງມີສະຕິລະວັງຕົວກັນເດີ້ພໍ່ແມ່ພີ່ນ້ອງບ້ານເຮົານັບມື້ນັບແຮງ.

ຜູ້ກໍ່ເຫດດຶງສາຍຄໍຄຳຢູ່ໜ້າວຽງຈັນ ເຊັນເຕີ້ ເຄີຍດຶງມາແລ້ວຮອບໜຶ່ງຢູ່ ບ້ານຫ້ອມໃຕ້
ພັທ ອິນປັນ ຫາດາວເຮືອງ ຮອງຫົວໜ້າ ກອງບັນຊາການ ປກສ ເມືອງສີສັດຕະນາກ ລາຍງານວ່າ: ເວລາ 15 ໂມງ ຂອງວັນທີ 18 ມີນາ 2022 ຜ່ານມາ ໄດ້ມີໂຈນຊີງຊັບ ຢູ່ທີ່ຖະໜົນຄູວຽງ ໜ້າສູນການຄ້າວຽງຈັນເຊັນເຕີ້ ຜູ້ກໍ່ເຫດຊື່ ທ້າວ ພະນົມພອນ ອາຍຸ 30 ປີ ອາຊີບພະນັກງານ ບ້ານໂພນສະຫວາດ ເມືອງສີໂຄດຕະບອງ ນວ.

ຜູ້ກ່ຽວໃຫ້ການວ່າ ຕົນເອງໄດ້ຂັບຂີ່ອອກຈາກບ້ານ ເລາະໄປຕາມຖະໜົນ ພໍຮອດໜ້າສູນການຄ້າ ວຽງຈັນເຊັນເຕີ້ ພົບເຫັນ ເປົ້າໝາຍກຳລັງຍ່າງຂ້າມທາງ ຈິ່ງໄດ້ລົງມືດຶງສາຍຄໍຂອງນາງ ແລະ ຈະເອົາຕົວຫລົບໜີ ແຕ່ມີພົນລະເມືອງດີ ຈຳນວນຫຼາຍຄົນເຂົ້າສະກັດກັ້ນຈັບສົ່ງຕົວໃຫ້ ກອງບັນຊາການ ປກສ ເມືອງສີສັດຕະນາກ ດຳເນີນຄະດີຕາມກົດໝາຍ.

ກອ່ນໜ້ານີ້ ໃນ ເດືອນ ມີນາ 2022 ຜູ້ກ່ຽວເຄີຍ ເຄື່ອນໄຫວຍາດຊີງຊັບຜູ້ຍີງນັ່ງຂາຍໝາກເບັງ ແຄມທາງ ເຂດບ້ານຫອມໃຕ້ ເມືອງຫາດຊາຍ ຟອງ ໄດ້ສາຍຄຳ 1 ບາດ ແລະ ໄດ້ລົງມືອີກ ແຕ່ ເທື່ອນີ້ໂຊກບໍ່ເຂົ້າຂ້າງ ຖືກຈັບໄດ້.

Cr:ລາວພັດທະນາ

ข่าวทั่วไป