ຊາອຸດິອາຣາເບຍ ກຳລັງຫາຂໍ້ຕົກລົງຊື້ຂາຍນ້ຳມັນກັບຈີນ ໂດຍໃຊ້ເງີນຢວນເປັນຫຼັກ

ຊາອຸດິອາຣາເບຍ ກຳລັງຫາຂໍ້ຕົກລົງຊື້ຂາຍນ້ຳມັນກັບຈີນ ໂດຍໃຊ້ເງີນຢວນເປັນຫຼັກ

ຕາມການລາຍງານຂອງ ໜັງສືພິມ Wall Street Journal ລະບຸວ່າ ຊາ​ອຸ​ດິ ອາ​ຣາ​ເບຍ (Saudi Arabia) ແມ່ນກຳລັງ​ຢູ່​ໃນ​ການ​ເຈ​ລະ​ຈາ​ເພື່ອ​ຂາຍ​ນ​້​ໍາ​ມັນ​ໃຫ້ ສ.ປ ​ຈີນ ​ແລະ ​ຈະ​ຈ່າຍເປັນ​ເງິນ​ຢວນ​ແທນ​ເງິນ​ໂດ​ລາ, ເຮັດໃຫ້ບັນດາປະເທດທີ່ສົ່ງອອກນ້ຳມັນ ແລະ ປະເທດທີ່ນຳເຂົ້ານ້ຳມັນລາຍໃຫຍ່ຂອງໂລກ ທີ່ຖືເງິນໂດລາຂອງອາເມຣິກາໄວ້ອາດຈະຕ້ອງສັ່ນສະເທືອນ ໃນຕະຫຼາດນ້ຳມັນໂລກ.

ປະມານ 80% ຂອງການຂາຍນ້ໍາມັນທົ່ວໂລກແມ່ນເຮັດເປັນເງິນໂດລາ, ແລະ Saudi Arabia ໄດ້ດໍາເນີນການສັນຍາຊື້ຂາຍເປັນເງິນໂດລາຕັ້ງແຕ່ປີ 1974. ດັ່ງນັ້ນ, ຖ້າຂໍ້ຕົກລົງທີ່ຈະຊື້ຂາຍກັນເປັນເງິນຢວນນີ້ສຳເລັດ ມັນຈະເຮັດໃຫ້ສະກຸນເງິນຂອງຈີນ ມີບົດບາດຫຼາຍຂຶ້ນ ແລະ ກ້າວຂຶ້ນມາທ້າທາຍອຳນາດກັບເງິນໂດລາຂອງສະຫະລັດ ໃນຕະຫຼາດການເງິນໂລກ.

ຄວາມເປັນໄປໄດ້ຂອງຂໍ້ຕົກລົງລະຫວ່າງ ຊາ​ອຸ​ດິ ອາ​ຣາ​ເບຍ ແລະ ຈີນ ມີທ່າອ່ຽງທີ່ດີຂຶ້ນເມື່ອບໍ່ດົນມານີ້, ເມື່ອພັນທະມິດຕາເວັນອອກກາງບໍ່ພໍໃຈສະຫະລັດອາເມຣິກາ ເນື່ອງຈາກລັດຖະບານໃນຍຸກຂອງປະທານາທິບໍດີ ໂຈ ໄບເດັນ (Joe Biden) ບໍ່ສະໜັບສະໜູນການແຊກແຊງໃນສົງຄາມກາງເມືອງຂອງເຢເມນ ແລະ ມີຄວາມພະຍາຍາມທີ່ຈະຟື້ນຟູຂໍ້ຕົກລົງນິວເຄຼຍຂອງອີຣ່ານ.

ข่าวทั่วไป