ປະຕິບັດຢ່າງຕໍ່ເນື່ອງ! ປກສ ແຂວງສະຫວັນນະເຂດ ປະກາດລົງວິໄນນາຍຕໍາຫຼວດທີ່ກະທຳຜິດ

ປະຕິບັດຢ່າງຕໍ່ເນື່ອງ! ປກສ ແຂວງສະຫວັນນະເຂດ ປະກາດລົງວິໄນນາຍຕໍາຫຼວດທີ່ກະທຳຜິດ

ການລະເມີດລະບຽບກົດໝາຍຂອງເຈົ້າໜ້າທີ່ ເຊິ່ງເປັນຜູ້ຮັກສາກົດໝາຍເອງເມື່ອເຮັດຜິດກໍ່ຕ້ອງປະຕິບັດວິໄນໃຫ້ສົມມາພາຄວນ ໂດຍສະເພາະພະນັກງານທີ່ປະຕິບັດໜ້າທີ່ຢ່າງບໍ່ໂປ່ງໃສ ແລະ ຊອບທຳ ໂດຍໃນສ່ວນຂອງນາຍຕຳຫຼວດທີ່ນຳໃຊ້ຖານະຕຳແໜ່ງຕົນເອງໃນການຫາຜົນປະໂຫຍດໄປໃນທາງທີ່ຜິດແມ່ນຕ້ອງໄດ້ລົງວິໄນ ບໍ່ໃຫ້ພະນັກງານຄົນອື່ນໆເອົາເປັນແບບຢ່າງ.

ເມື່ອບໍ່ດົນມານີ້ ກອງບັນຊາການ ປກສ ແຂວງສະຫວັນນະເຂດ ປະກາດປະຕິບັດວິໄນນາຍຕໍາຫຼວດ ຜູ້ທີ່ເຄື່ອນໄຫວລະເມີດລະບຽບວິໄນ, ມີການກະທຳຜິດຕໍ່ລະບຽບ, ກົດໝາຍວ່າດ້ວຍກຳລັງປ້ອງກັນຄວາມສະຫງົບ, ໃຊ້ຖານະຕຳແໜ່ງ, ເພື່ອຫາຜົນປະໂຫຍດສ່ວນຕົວ ແລະປະມວນກົດໝາຍອາຍາແຫ່ງສາທາລະນະລັດ ປະຊາທິປະໄຕ ປະຊາຊົນລາວ.

ພິທີໄດ້ຈັດຂຶ້ນໃນວັນທີ 14 ມີນາ 2022ນີ້ ທີ່ຫ້ອງປະຊຸມກອງບັນຊາການ ປກສ ແຂວງສະຫວັນນະເຂດ ໂດຍເປັນປະທານຂອງ ພັອ ສົມໝາຍ ພົມມະຈັນ ຫົວໜ້າ ກອງບັນຊາການ ປກສ ແຂວງ ພ້ອມຄະນະ, ມີຄະນະພັກ-ຄະນະບັນຊາ, ຄະນະກອງບັນຊາການ ປກສ 14ຕົວເມືອງ, 1ນະຄອນເຂົ້າຮ່ວມ.

ໂດຍປະຕິບັດຕາມ ຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 421 ຫາ 430, ລົງວັນທີ 3 ມີນາ 2022 ວ່າດ້ວຍການປະຕິບັດວິໄນນາຍຕໍາຫຼວດ ໃນນີ້ ປະຕິບັດວິໄນນາຍຕໍາຫຼວດ ອອກຈາກກຳລັງ ປ້ອງກັນຄວາມສະຫງົບ ຂັ້ນນໍາພາບັນຊາ ຂັ້ນຫົວໜ້າ ແລະ ຮອງຫົວໜ້າ ກອງບັນຊາການ ປກສ ເມືອງ

ເຊິ່ງໃນນີ້ ຊັ້ນ ພັທ ຈໍານວນ 5 ສະຫາຍ ປົດຊັ້ນ, ປົດຕໍາແໜ່ງ ຊັ້ນ ພັນຕີ ລົງເປັນ ຮ້ອຍເອກ ຈໍານວນ 1 ສະຫາຍ, ປະຕິບັດວິໄນ ປົດຊັ້ນ, ປົດຕໍາແໜ່ງ ແລະ ຍ້າຍບ່ອນປະຈຳການຊັ້ນ ຮ້ອຍເອກ ລົງເປັນ ຮ້ອຍໂທ ຈໍານວນ 5 ສະຫາຍ, ນອກຈາກນີ້ຍັງໄດ້ໂຈະ, ປົດຊັ້ນ, ຕໍາແໜ່ງຂັ້ນຕ່າງໆ ແລະ ຍ້າຍບ່ອນປະຈໍາການ ຊັ້ນຮ້ອຍໂທ ຈໍານວນ 5 ສະຫາຍ ແລະ ຮ້ອຍຕີ ຈໍານວນ 3 ສະຫາຍ, ຊັ້ນວາທີ ລົງເປັນ ສິບເອກ, ໂຈະການຍ້ອງຍໍ ຈໍານວນ 2 ສະຫາຍ.

ຈາກ: ຄວາມສະຫງົບ Lao Security News

ข่าวทั่วไป