ຈະປັບລາຄານໍ້າມັນເຊື້ອໄຟ ຈາກ 15ວັນ ມາເປັນ 5-7ວັນ

ຈະປັບລາຄານໍ້າມັນເຊື້ອໄຟ ຈາກ 15ວັນ ມາເປັນ 5-7ວັນ

ກະຊວງອຸດສາຫະກຳ ແລະ ການຄ້າ ຈະປັບລາຄານໍ້າມັນເຊື້ອໄຟ ຈາກ 15ວັນ ມາເປັນ 5-7ວັນປະຈຸບັນ ລາຄານ້ຳມັນໂລກ ປັບຂຶ້ນສູງເຖິງ 150-180 ໂດລາສະຫະລັດຕໍ່ບາເຣວແລ້ວ ທ່ານ ຄຳແພງ ໄຊສົມແພງ ກຳມະການສູນກາງພັກ, ລັດຖະມົນຕີກະຊວງອຸດສາຫະກຳ ແລະ ການຄ້າ ໃຫ້ສຳພາດຕໍ່ສື່ມວນຊົນ ກ່ຽວກັບສະພາບລາຄານໍ້າມັນເຊື້ອໄຟ ຕະຫລາດໂລກເໜັງຕີງຂຶ້ນສູງ:

ຖ້າສະພາບຕົ້ນທຶນ ກໍຄືລາຄາ ຂອງຜູ້ສະໜອງຢູ່ຕ່າງປະເທດ ຍັງມີລາຄາສູງກວ່າລາຄາໂຄງສ້າງ ທີ່ເຮົາຈັດຕັ້ງປະຕິບັດປັດຈຸບັນ, ອີກໜຶ່ງຫາສອງອາທິດ ອາດບໍ່ມີນໍ້າມັນພຽງພໍກັບຄວາມຕ້ອງການຊົມໃຊ້ ຍ້ອນຜູ້ສະໜອງນໍ້າມັນພາຍໃນ ເຫັນໄດ້ສະພາບການຂາດທຶນຄືທີ່ໄດ້ກ່າວມານັ້ນ.

ສະນັ້ນ, ເພື່ອແກ້ໄຂສະພາບການສະໜອງໃຫ້ພຽງພໍກັບຄວາມຕ້ອງການຊົມໃຊ້, ໃນຕໍ່ໜ້າຖ້າລາຄາຍັງສືບຕໍ່ປັບຂຶ້ນສູງ ກະຊວງອຸດສາຫະກໍາ ແລະ ການຄ້າ ຈະໄດ້ຈັດຕັ້ງການປັບລາຄານໍ້າມັນເຊື້ອໄຟ ຈາກ 15 ວັນ ມາເປັນ 5-7 ວັນ ເຊິ່ງແນ່ນອນວ່າ ຈະເຮັດໃຫ້ລາຄານໍ້າມັນເຊື້ອໄຟ ພາຍໃນປະເທດ ຕ້ອງໄດ້ປັບຂຶ້ນສູງ.

ຕໍ່ບັນຫາດັ່ງກ່າວ, ບັນດາຂະແໜງການລັດທີ່ກ່ຽວ ຂ້ອງກໍຈະໄດ້ເອົາໃຈໃສ່ເລັ່ງ ຄົ້ນຄວ້າຊອກຫາວິທີທາງ ເພື່ອຫລຸດຜ່ອນ ເຊັ່ນ: ການຫລຸດກອງທຶນບູລະນະທາງຫລວງ ຫລື ກອງທຶນທາງ, ການກໍານົດວິທີການຈັດເກັບລາຍຮັບຂອງລັດ ດ້ານພັນທະພາສີ, ອາກອນຕ່າງໆເປັນອັນສະເພາະໃນໄລຍະທີ່ລາຄານໍ້າມັນເຊື້ອໄຟປັບຂຶ້ນສູງ ເພື່ອເຮັດໃຫ້ລາຄານໍ້າມັນເຊື້ອໄຟ ພາຍໃນປະເທດຂອງເຮົາ ຄ່ອຍປັບຂຶ້ນຢ່າງເປັນລະບົບ ແລະ ບໍ່ຂຶ້ນສູງຫລາຍຈົນເກີນໄປ.

ข่าวทั่วไป