” ປກສ ເມືອງຈັນທະບູລີ ແກ້ໄຂກຸ່ມມົ້ວສຸມຢາເສບຕິດ 16 ຄົນ ຍິງ 7 ຄົນພ້ອມຂອງກາງ

” ປກສ ເມືອງຈັນທະບູລີ ແກ້ໄຂກຸ່ມມົ້ວສຸມຢາເສບຕິດ 16 ຄົນ ຍິງ 7 ຄົນພ້ອມຂອງກາງ

ໃນວັນທີ 27 ກຸມພາ 2022, ເຈົ້າໜ້າທີ່ ປກສ ເມືອງຈັນທະບູລີ ນວ, ໄດ້ແກ້ໄຂກຸ່ມແກ້ງມົ້ວສຸມຢາເສບຕິດ ຢູ່ບ້ານພັກແຫ່ງໜື່ງ ເຂດບ້ານໂພນຕ້ອງສະຫວາດ ເມືອງຈັນທະບູລີ ນວ ກັກຕົວກຸ່ມແກ້ງມົ້ວສຸມຢາເສບຕິດໄດ້ 16 ຄົນ, ຍິງ 7 ຄົນ ພ້ອມຂອງກາງ ຢາບ້າ 27 ເມັດ.

ພັທ ພົມມີ ແສນຈົ່ງຮັກ ຫົວໜ້າພະແນກຕໍາຫຼວດ ປກສ ເມືອງຈັນທະບູລີ ນວ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກພົນລະເມືອງ ໃນວັນທີ 27 ກຸມພາ 2022 ວ່າ: ມີກຸ່ມແກ້ງມົ້ວສຸມຢາເສບຕິດ ຢູ່ບ້ານພັກແຫ່ງໜຶ່ງ ເຂດບ້ານໂພນຕ້ອງສະຫວາດ ຈຶ່ງໄດ້ລົງກວດກາ ເຫັນວ່າມີມູນຄວາມຈິງແທ້ ຈຶ່ງໄດ້ນໍາກໍາລັງເຂົ້າແກ້ໄຂ.

ພົບເຫັນກຸ່ມມົ້ວສຸມ ຈໍານວນ 16 ຄົນ, ຍິງ 7 ຄົນ ໃນສະຖານມີຂອງກາງຢາບ້າ 27 ເມັດ; ກວດພົບຢາບ້າ ຢູ່ນໍາ ທ້າວ ຫຼ່ອນ ອາຍຸ 28 ປີ ກໍາມະກອນ ຢູ່ບ້ານໂພນຕ້ອງສະຫວາດ ແລະ ນາງ ແຫຼ້ ອາຍຸ 27 ປີ ວ່າງງານ ຢູ່ບ້ານ ໂພນກອກ ເມືອງຫາດຊາຍຟອງ ນວ ຈໍານວນ 20 ເມັດ ແລະ ກວດພົບເຫັນຢູ່ນໍາ ນາງ ນໍ້າຝົນ ອາຍຸ 25 ປີ ວ່າງງານ ຢູ່ບ້ານໜອງທາເໜືອ ເມືອງຈັນທະບູລີ ຈໍານວນ 7 ເມັດ

ເຈົ້າໜ້າທີ່ໄດ້ນໍາຕົວມາດໍາເນີນຄະດີຕາມກົດໝາຍ ສ່ວນຜູ້ທີ່ເສບ ຈໍານວນ 13 ຄົນ, ຍິງ 5 ຄົນ ປກສ ເມືອງ ສົມທົບກັບ ປກສ ກຸ່ມ, ອໍານາດການປົກຄອງບ້ານ ແລະ ຜູ້ປົກຄອງຮ່ວມກັນສຶກສາອົບຮົມ ໃຫ້ພວກກ່ຽວຮູ້ເຖິງຜົນຮ້າຍ ແລະ ໄພອັນຕະລາຍຂອງຢາເສບຕິດ ຈາກນັ້ນ ນໍາສົ່ງໄປບໍາບັດ ຢູ່ສູນປິ່ນປົວ ແລະ ຝຶກວິຊາຊີບ ປກສ ນວ.

ข่าวทั่วไป