ໃຊ້ງົບກ່ວາ 6 ຕື້ກີບ ສ້ອມແປງ ເຂດອະນຸສອນສະຖານ ປະທານໂຮ່ຈີມິນ ຢູ່ ແຂວງຄໍາມ່ວນ

ໃຊ້ງົບກ່ວາ 6 ຕື້ກີບ ສ້ອມແປງ ເຂດອະນຸສອນສະຖານ ປະທານໂຮ່ຈີມິນ ຢູ່ ແຂວງຄໍາມ່ວນ

ເມື່ອບໍ່ດົນມານີ້ , ທີ່ບ້ານຊຽງຫວາງ ເມືອງໜອງບົກ ໄດ້ມີການເປີດໂຄງການສ້ອມແປງ ເພື່ອຍົກລະດັບ ເຂດອະນຸສອນສະຖານ ປະທານ ໂຮ່ຈີມິນ ລວມມູນຄ່າ 13 ຕື້ດົງ (6,486,195,600 ກີບ) , ໂດຍຜູ້ທີ່ຮັບເໝົາກໍ່ສ້າງ ສ້ອມແປງ ໃນຄັ້ງນີ້ແມ່ນ ບໍລິສັດມືເສດຖະກິດໂກເອໂກ ແລະ ບໍລິສັດຫຸ້ນສ່ວນສະຖາປັດຕະຍາກຳຕົວແທນເມືອງຫວຽດນາມ.

ທ່ານ ວູ ມິງ ຫາ ອໍານວຍການຫໍພິພິທະພັນ ໂຮ່ຈິ່ມິນ ໄດ້ກ່າວວ່າ: ຂ້າພະເຈົ້າ ມີຄວາມປິຕິຊົມຊື່ນຍິນດີ ແລະ ຮູ້ສຶກດີໃຈເປັນຢ່າງຍິ່ງ ທີ່ໄດ້ຕາງໜ້າເປັນຜູ້ແທນນໍາພາ ຈາກຫໍພິພິທະພັນ ໂຮ່ຈິມິນ ກະຊວງວັດທະນະທໍາ, ກິລາ ແລະ ທ່ອງທ່ຽວ ສສ ຫວຽດນາມ ມາຈັດຕັ້ງພິທີເພື່ອເປີດໂຄງການສ້ອມແປງ,ຍົກລະດັບເຂດອະນຸສອນສະຖານປະທານ ໂຮ່ຈິມິນ ຢູ່ແຂວງຄໍາມ່ວນ ສປປ ລາວ.

ຂ້າພະເຈົ້າຕາງໜ້າໃຫ້ລັດຖະບານ ສສ ຫວຽດນາມ ສະແດງຄວາມຂອບໃຈມາຍັງຄະນະພັກ, ອໍານາດການປົກຄອງຈາກຂັ້ນສູນກາງ ແລະ ທ້ອງຖິ່ນ ທີ່ໄດ້ໃຫ້ການສະໜັບສະໜູນ ແລະ ສ້າງເງື່ອນໄຂອໍານວຍຄວາມສະດວກ ໃນການກໍ່ສ້າງໃນຄັ້ງນີ້,

ທ່ານ ຄໍາຜາ ພິມມະສອນ ຮອງຫົວໜ້າຫ້ອງວ່າການສູນກາງພັກ ໄດ້ກ່າວວ່າ: ເພື່ອຈັດຕັ້ງຜັນຂະຫຍາຍໂຄງການ ໃຫ້ມີຄວາມຮັບປະກັນທາງດ້ານຄຸນນະພາບ ແລະ ຖືກຕ້ອງຕາມເຕັກນິກ, ມີຄວາມຈົບງາມ ແລະ ຈັດພິທີມອບ-ຮັບໂຄງການໃຫ້ທັນເວລາ ແລະ ຖືກຕ້ອງຕາມແຜນການທີ່ວາງໄວ້ ຕາມທິດຊີ້ນໍາຂອງຂັ້ນເທິງ ຈຶ່ງຂໍສະເໜີການຮ່ວມມື ແລະ ປະສານສົມທົບກັນຢ່າງແໜ້ນແຟ້ນຂອງແຕ່ລະພາກສ່ວນ ເປັນຕົ້ນ ຫໍພິພິທະພັນ ໂຮ່ຈິ່ມິນ, ກົມພິພິທະພັນໄກສອນ ພົມວິຫານ ແລະ ອານຸສອນສະຖານຜູ້ນໍາປະຕິວັດ ຕະຫລອດເຖິງທ້ອງຖິ່ນ

ໃນໄລຍະຈັດຕັ້ງຜັນຂະຫຍາຍໃຫ້ທັນເວລາ, ການຈັດ ຕັ້ງກວດກາ ບັນດາກິດຈະການກໍ່ສ້າງຢ່າງຮອບຄອບລະອຽດຖີ່ຖ້ວນ ແລະ ຖືກຕ້ອງຕາມລະບຽບການ, ຖືກຕ້ອງຕາມແບບເຕັກນິກ, ຮັບປະກັນໃຫ້ມີຄຸນນະພາບ, ທັນຕາມກໍານົດເວລາ, ມີຄວາມສະອາດ ແລະ ເປັນມິດຕໍ່ສິ່ງແວດລ້ອມ.

ເຊິ່ງຖືວ່າເປັນເຫດການທີ່ສໍາຄັນ ແລະ ເຕັມໄປດ້ວຍຄວາມໝາຍອັນຈົບງາມ.

ຂ່າວ-ພາບ: ແດງສະຫວັດ

ข่าวทั่วไป