ຍ້ອນຫຍັງ ຈຶ່ງເຮັດໃຫ້ເງິນກີບອ່ອນຄ່າ?

ຍ້ອນຫຍັງ ຈຶ່ງເຮັດໃຫ້ເງິນກີບອ່ອນຄ່າ?

ອ້າງອີງຈາກ ບົດຄວາມຂອງ ທິດກ່ຳ
ເຫດຜົນທີ1: ຄົນລາວປະເທດລາວ ມີກໍາລັງຊື້-ຂາຍ ຫລາຍກວ່າກໍາລັງການຜະລິດ
(ຫມາຍວ່າຄົນລາວເຮົາເປັນຄົນມັກຊື້ຫລາຍກວ່າມັກຜະລິດ ເພື່ອເປັນສິນຄ້າທີ່ຫລາກຫລາຍສົ່ງຂາຍໄປຍັງຕ່າງ ປະເທດ, ປະເທດລາວຄົນລາວເຮົາມີການອາໄສແຕ່ສິນຄ້າຂອງໄທເປັນຫລັກ, ຈົນວ່າປະເທດລາວຂອງພວກເຮົາກາຍເປັນຕະຫລາດຈໍາຫນ່າຍສິນຄ້າລາຍໃຫຍ່ໃຫ້ປະເທດໄທ,

ໃນເມື່ອ ບໍ່ມີການຜະລິດສິນຄ້າທີ່ຫລາກຫລາຍ ເພື່ອສົ່ງອອກໄປຂາຍຢູ່ຕ່າງປະເທດແລ້ວກໍຍິ່ງເຮັດໃຫ້ການນໍາເຂົ້າສິນຄ້າ ຈາກພາຍນອກຫລາຍກວ່າການສົ່ງອອກ ສຸດທ້າຍມາກໍມີການຂາດດູນຢ່າງຫລວງຫລາຍ).

ເຫດຜົນທີ2: ແມ່ນຍ້ອນຄົນລາວເຮົາເອງພາກັນຫັນໄປນິຍົມຊົມຊອບເງິນຕາຕ່າງປະເທດເກີນໄປ ໂດຍສະເພາະແມ່ນເງິນ (ບາດໄທ) ກັບ (ເງິນໂດລາສະຫະລັດ), ມັນກໍເປັນສິ່ງທີ່ແນ່ນອນ ປະຕິເສດບໍ່ໄດ້ວ່າ ໃນເມື່ອເງິນກີບລາວອ່ອນຄ່າ ໃຜໆກໍບໍ່ຢາກຄອບຄອງຊົມໃຊ້ ຍ້ອນມັນບໍ່ມີຄວາມຫມັ້ນຄົງ.

“ເຫັນໄດ້ແມ່ນມີບາງປະເພດສິນຄ້າທີ່ມັກຂາຍເປັນ ເງິນບາດ ຫລື ເງິນໂດລາສະຫະລັດເຊັ່ນ: ຂາຍດິນ, ຂາຍລົດຍົນ, ຂາຍງົວ, ຂາຍຄວາຍ ແລະ ຂາຍສິນຄ້າປະເພດອື່ນໆອີກຫລາຍຢ່າງ”

ແລະ ເມື່ອບໍ່ດົນມານີ້, ໃນໂອກາດໄປຢ້ຽມຢາມ ບໍລິສັດ ລົດໄຟຄວາມໄວສູງ ລາວ-ຈີນ ຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ, ຄະນະນໍາບໍລິສັດດັ່ງກ່າວ ກໍໄດ້ສະເໜີ ຂໍອະນຸຍາດຈໍາຫນ່າຍປີ້ໂດຍສານເປັນເງິນຕາຕ່າງປະເທດ. ນີ້ກໍສະແດງໃຫ້ເຫັນວ່າພວກເຂົາຍັງບໍ່ມີຄວາມຫມັ້ນ ໃຈໃນຄຸນຄ່າຂອງເງິນກີບຂອງລາວ.

ນີ້ຄືສອງສາເຫດຫລັກໆທີ່ເຮັດໃຫ້ເງິນກີບລາວນັບມື້ອ່ອນຄ່າໃນຫລາຍທົດສະວັດ ຜ່ານມາ.
ຂໍ້ມູນ ລາວພັດທະນາ

ข่าวทั่วไป