ເຂດເສດຖະກິດພິເສດ ສາມຫຼ່ຽມຄຳ ພັດທະນາຢ່າງວ່ອງໄວ ແລະ ຫຼາຍດ້ານ

ເຂດເສດຖະກິດພິເສດ ສາມຫຼ່ຽມຄຳ ພັດທະນາຢ່າງວ່ອງໄວ ແລະ ຫຼາຍດ້ານ

ເຂດເສດຖະກິດພິເສດສາຫຼ່ຽມຄຳ ແຂວງບໍ່ແກ້ວ ໄດ້ຮັບການພັດທະນາຢ່າງຕໍ່ເນື່ອງ ມີຫຼາຍຫຼາກຢ່າງທີ່ເກີດຂຶ້ນໃໝ່ໆ ໂດຍສະເພາະໃນຂົງເຂດການບໍລິການ ແລະ ທ່ອງທ່ຽວ ເປັນເຂດທີ່ມືຊື່ສຽງເປັນທີ່ຮູ້ຈັກກັນຢ່າງກວ້າງຂວາງທັງໃນ ແລະຕ່າງປະເທດ ໂດຍສະເພາະນັກທຸລະກິດແມ່ນຢາກໄປລົງທຶນໃນຫຼາຍໂຄງການ.

ຕາມຂໍ້ມູນລາຍງານໃນວັນທີ 18 ກຸມພາ 2022ນີ້ ,ທີ່ເຂດເສດຖະກິດພິເສດ ສາມຫຼ່ຽມຄຳໄດ້ຕ້ອນຮັບ, ທ່ານ ຄຳພັນ ເຜີຍຍະວົງ ເລຂາທິການສູນກາງພັກ,ຫົວຫນ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະໄດ້ລົງມາຢ້ຽມເຂດເສດຖະກິດພິເສດ ສາມຫຼ່ຽມຄຳ.

ໃຫ້ກຽດຕ້ອນຮັບໂດຍ ທ່ານ ນາງ ທອງຄູນ ພົນທອງສີ ຫົວໜ້າຂະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ, ທ່ານ ຈ້າວເຫວີຍ ປະທານສະພາບໍລິຫານ ເຂດເສດຖະກິດພິເສດສາມຫຼ່ຽມຄຳ ແລະ ບັນດາການນຳທີ່ກ່ຽວຂ້ອງໄດ້ຕ້ອນຮັບຢ່າງອົບອຸ່ນ.

ທ່ານ ຄຳພັນ ເຜີຍຍະວົງ ໄດ້ຖືໂອກາດມາອວຍພອນ ທ່ານ ຈ້າວເຫວີຍ ປະທານສະພາບໍລິຫານເຂດ ເນື່ອງໃນໂອກາດປີໃໝ່ຈີນວ່າ: ຮູ້ສືກຊົມເຊີຍຕໍ່ກັບການພັດທະນາຢ່າງໄວວາຂອງເຂດເສດຖະກິດພິເສດ ສາມຫຼ່ຽມຄຳ.

ຄັ້ງສຸດທ້າຍທີ່ໄດ້ມາແມ່ນ (ເດືອນມັງກອນ 2020 ) ໃນຕອນນັ້ນສະໜາມບີນຍັງເປັນບ່ອນຫຼົບຫຼີກວ່າງເປົ່າ, ມາເຖິງປັດຈຸບັດນີ້ສະໜາມບີນໄດ້ກະກຽມຈະເປີດໃຫ້ບໍລິການແລ້ວ.

ທ່ານກ່າວຕື່ມວ່າ: ໃນຊ່ວງນີ້ເປັນຊ່ວງທີ່ດອກງີ້ວກຳລັງເບັ່ງບານເຕັມທີ່ ແຕ່ກໍ່ເປັນສີ່ງທີ່ໜ້າເສຍດາຍຢ່າງຢີ່ງທີ່ເທດສະການດອກງີ້ວບານທີ່ດອນຊາວບໍ່ສາມາດຈັດຂື້ນຕາມທີ່ກຳນົດໄດ້ ,ຍ້ອນການແຜ່ລະບາດຂອງເຊື້ອພະຍາດໂຄວິດ-19 ຈື່ງເຮັດໃຫ້ບໍ່ສາມາດຈັດງານຂື້ນໄດ້ ແຕ່ກໍ່ຫວັງວ່າການແຜ່ລະບາດ ຂອງພະຍາດດັ່ງກ່າວຈະຫຼຸດລົງ ເພື່ອທີ່ຈະຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມສະຖານທີ່ແຫ່ງນີ້ໃນອະນາຄົດອັນໃກ້ນີ້.

ທ່ານ ຈ້າວເຫວີຍ ປະທານສະພາບໍລີຫານເຂດ ຍັງໄດ້ກ່າວວ່າ: ໃນຊ່ວງທີ່ທ່ານ ຄຳພັນ ເຜີຍຍະວົງຮັບໜ້າທີ່ເປັນເຈົ້າແຂວງໆບໍ່ແກ້ວກໍໄດ້ໃຫ້ການສະໜັບສະໜຸນຢ່າງເຕັມທີ່. ພ້ອມສະແດງຄວາມຂອບໃຈທີ່ທ່ານພ້ອມດ້ວຍຄະນະໄດ້ເສຍສະຫຼະເວລາອັນມີຄ່າເພື່ອລົງມາຢ້ຽມຢາມ.

ແລະຈະບໍ່ລືມຄຳສັນຍາທີ່ຈະສະໜັບສະໜູນການພັດທະນາເຂດໃຫ້ຈະເລີນກ້າວຫນ້າ ,ບໍ່ລືມຄວາມຕັ້ງໃຈເດີມທີ່ມາສຳປະທານທີ່ດີນຂອງຄົນລາວເພື່ອພັດທະນາ ແລະ ຈະມອບຄືນໃຫ້ຄົນລາວ ແມ່ນຄຳຫມັ້ນສັນຍາທີ່ບໍ່ປ່ຽນແປງ.

ຫລັງຈາກນັ້ນໄດ້ລົງຢ້ຽມຢາມສະໜາມບີນສາກົນບໍ່ແກ້ວ, ເຂດຟາມລ້ຽງງົວ,ສະຖານີຂົນສົ່ງສີນຄ້າສາກົນສາມຫຼ່ຽມຄຳ ແລະ ປ່ອງຢ້ຽມສາມຫຼ່ຽມຄຳ ດອນຊາວ. ແລະ ສະຖານທີ່ໂຄງການພັດທະນາຕ່າງໆພາຍໃນເຂດອີກດ້ວຍ.

ข่าวทั่วไป