ກະຊວງການຕ່າງປະເທດລາວຖະແຫຼງ ສະໜັບສະໜູນນະໂຍບາຍ ຈີນດຽວ

ກະຊວງການຕ່າງປະເທດລາວຖະແຫຼງ ສະໜັບສະໜູນນະໂຍບາຍ ຈີນດຽວ

ວັນທີ 3 ສິງຫາ 2022 ໂຄສົກກະຊວງການຕ່າງປະເທດລາວ ໄດ້ອອກຖະແຫລງການ ວ່າ: ສປປ ລາວ ໄດ້ຕິດຕາມຢ່າງໃກ້ຊິດ ແລະ ສະແດງຄວາມເປັນຫ່ວງ ຕໍ່ສະພາບການຢູ່ຊ່ອງແຄບໄຕ້ຫວັນ, ລວມທັງການກະທຳທີ່ເປັນການຍຸແຍ ່ຊຶ່ງອາດຈະນໍາໄປສູ່ຄວາມເຄັ່ງຕຶງໃນພາກພື້ນ.
ສປປ ລາວ ເວລາໃດກໍຖືວ່າ ສັນຕິພາບ ແລະ ສະຖຽນລະພາບຢູ່ທຸກພາກພື້ນໃນໂລກ ລວມທັງພາກພື້ນອາຊີ- ປາຊີຟິກ ເປັນເງື່ອນໄຂຕັດສິນ ແລະ ພື້ນຖານຕົ້ນຕໍ ໃຫ້ແກ່ການຮ່ວມມື ແລະການພັດທະນາຂອງບັນດາປະເທດໃນພາກພື້ນ ແລະ ໃນໂລກ.


ສປປ ລາວ ຢືນຢັນຄືນນະໂຍບາຍອັນສະເໝີຕົ້ນສະເໝີປາຍຂອງຕົນໃນການສະໜັບສະໜູນນະໂຍບາຍຈີນດຽວ ແລະ ຖືວ່າໄຕ້ຫວັນ ເປັນສ່ວນໜຶ່ງທີ່ຕັດແຍກອອກບໍ່ໄດ້ ຂອງ ສປ ຈີນ, ຄັດຄ້ານທຸກເຈດຈຳນົງທີ່ມຸ່ງຫວັງສ້າງສະຖານະການເພື່ອສ້າງ “ສອງປະເທດຈີນ” ຫຼື “ໜຶ່ງຈີນ, ໜຶ່ງໄຕ້ຫວັນ”.ສປປ ລາວ ຄືນການສະໜັບສະໜູນນະໂຍ ບາຍຂອງລັດຖະບານ ສປ ຈີນ ໃນການທ້ອນໂຮມປະເທດ ຊາດໂດຍສັນຕິວິທີ.

ข่าวทั่วไป