ນັກກິລາ ທີມຊາດລາວເຂົ້າຮ່ວມ AFF U19 CHAMPIONSHIP 2022

ນັກກິລາ ທີມຊາດລາວເຂົ້າຮ່ວມ AFF U19 CHAMPIONSHIP 2022

ຕອນບ່າຍວັນທີ 29 ມິຖຸນາ 2022 ຢູ່ທີ່ສະຫນາມບິນສາກົນວັດໄຕ ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ອອກເດີນທາງເຂົ້າຮ່ວມ ການແຂ່ງຂັນບານເຕະຊາຍ ຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ ປະຈໍາປີ 2022 AFF U19 CHAMPIONSHIP 2022 ເຊິ່ງຈັດຢູ່ທີ່ປະເທດອິນໂດເນເຊຍ ໃນລະຫວ່າງວັນທີ 02-15 ກໍລະກົດ 2022 ເຊິ່ງມີ 11 ປະເທດເຂົ້າຮ່ວມການແຂ່ງຂັນ ໂດຍແບ່ງອອກເປັນ 2 ກຸ່ມມີ່ດັ່ງນີ້:

ກຸ່ມເອ ປະກອບມີ: ອິນໂດເນເຊຍ, ມຽນມາ, ຫວຽດນາມ, ໄທ, ບຣູໄນ ແລະ ຟີລິບປິນ, ກຸ່ມບີ ປະກອບມີ: ມາເລເຊຍ, ລາວ, ຕີມໍ ເລສເຕ, ກຳປູເຈຍ ແລະ ສິງກະໂປ.ສຳລັບ ທີມຊາດລາວ ແມ່ນຈະພັກຢູ່ປະເທດໄທ 1 ມື້ ແລະຈະອອກເດີນທາງໄປ ປະເທດອິນໂດເນເຊຍ ໃນຕອນເຊົ້າ ວັນພະຫັດ 30 ມິຖຸນາ 2022 ເຊິ່ງມີນັກກິລາທັງໝົດ 24 ຄົນມີລາຍຊື່.

ຕາຕະລາງ ການແຂ່ງຂັນ ທີມຊາດລາວ- ວັນທີ 03/07/2022 ເວລາ 15:00 ທີມຊາດລາວ ພົບ ທີມຊາດຕີມໍ ເລສເຕະ ແຂ່ງຂັນຢູ່ທີ່ສະຫນາມ Madya Senayan.- ວັນທີ 07/07/2022 ເວລາ 19:00 ທີມຊາດລາວ ພົບ ທີມຊາດກໍາປູເຈຍ ແຂ່ງຂັນຢູ່ທີ່ສະຫນາມ Madya Senayan.- ວັນທີ 09/07/2022 ເວລາ 15:00 ທີມຊາດລາວ ພົບ ທີມຊາດສິງກະໂປ ແຂ່ງຂັນຢູ່ທີ່ສະຫນາມ Madya Senayan.- ວັນທີ 11/07/2022 ເວລາ 15:00 ທີມຊາດລາວ ພົບ ທີມຊາດມາເລເຊຍ ແຂ່ງຂັນຢູ່ທີ່ສະຫນາມ Patriot Candrabhaga.


ແຫຼ່ງຂ່າວ: ສະຫະພັນບານເຕະແຫ່ງຊາດລາວ Lao Football Federation

ข่าวทั่วไป