ປກສ ເມືອງຄູນຄຳ ຢຶດຄັນຊາອັດແທ່ງ ໄດ້ 10 ເປົາ ນໍ້າໜັກ 488 ກິໂລກ

ປກສ ເມືອງຄູນຄຳ ຢຶດຄັນຊາອັດແທ່ງ ໄດ້ 10 ເປົາ ນໍ້າໜັກ 488 ກິໂລກ

ໃນວັນທີ 5/06/2022 ເວລາ 6 ໂມງ ປກສ ເມືອງຄູນຄໍາ ທີ່ປະຈໍາການຢູ່ປ້ອມສາມແຍກກອງລໍ ໄດ້ຮັບແຫຼ່ງຂ່າວ ຈະມີລົດ ກະບະ TOYOTA VIGO ສີຂາວ ໝາຍເລກທະບຽນ ລລ 7778 ກໍາແພງນະຄອນ ເປັນເປົ້າຫມາຍ ຈະເອົາຢາ ເສ ບຕິ ດ ປະເພດຄັນຊາແຫ່ງ ມາຈາກເມືອງຄໍາເກີດ ແຂວງບໍລິຄໍາໄຊ ໂດຍນຳໃຊ້ ເສັນທາງຜ່ານເມືອງຄູນຄໍາ ໄປເມືອງປາກກະດິງ

ຮອດເວລາ 07 ໂມງ ຂອງວັນດຽວກັນ ເຈົ້າໜ້າທີພວກເຮົາຈຶ່ງໄດ້ເຫັນລົດເປົ້າຫມາຍຂັບຂີ້ມາແຕ່ເມືອງຄໍາເກີດ ມຸ່ງ ໜ້າອອກໄປທາງແບ່ງບ້ານວຽງຄໍາ ເມືອງປາກກະດິງ ແຂວງບໍລິຄໍາໄຊພໍໄປຮອດປ້ອມຈະລາຈອນສາມແຍກກອງລໍ ຫນ້າທີ່ ວິຊາສະເພາະ ຈິ່ງໄດ້ເຂົ້າສະກັດກັ້ນເພື່ອກວດຄົ້ນລົດຄັນດັ່ງກ່າວ ແຕ່ວ່າເຈົ້າຂອງຜູ້ຂັບຂີ້ລົດຄັນດັ່ງກ່າວເລັ່ງລົດດ້ວຍຄວາມໄວສູງ

ຈາກນັ້ນທາງເຈົ້າຫນ້າທີ່ ກໍ່ໄດ້ຕິດຕາມລົດເປົ້າໝາຍຈົນຮອດເຂດບ້ານຄູນເງິນ ເມືອງຄຳເກີດ ແຂວງ ບໍລິຄຳໄຊ ຈຶ່ງພົບເຫັນລົດຄັນດັ່ງກ່າວຈອດຢູ່ແຄມທາງ ຈາກນັ້ນທາງເຈົ້າຫນ້າກໍ່ໄດ້ສະແດງຕົວ ພ້ອມທັງຄຸມຕົວ ຜູ້ຂັບຂີ້ ຜ່ານການກວດຄົ້ນ ລົດຄັນດັ່ງກ່າວແມ່ນບໍ່ພົບວັດຖຸຂອງກາງ ເຈົ້າໜ້າທີ່ໄດ້ສືບສວບ – ສອບສວນ ຜູ້ຂັບຂີ່ລົດຄັນດັ່ງກ່າວ ແຕ່ຜູ້ກ່ຽວບໍ່ຮັບສາລະພາບ.

ຫຼັງຈາກນັ້ນທາງເຈົ້າຫນ້າທີ່ໄດ້ຈັດຕັ້ງວາງກຳລັງອອກຄົ້ນຫາເຄື່ອງຂອງກາງຢູ່ເຂດດັ່ງກ່າວ ແລະ ໄດ້ພົບເຫັນ ຖົງ ສີດຳຈໍານວນ 10 ເປົາ, ຊຸກເຊື້ອງໄວ້ຢູ່ໃນປ່າແຄມຫ້ວຍທອນ ເຂດບ້ານນາພົງ ເມືອງ ປາກກະດິງ ແຂວງບໍລິຄໍາໄຊ ຫ່າງຈາກທາງເລກ 8A ປະມານ 100 ເມັດ ພາຍຫຼັງທາງເຈົ້າຫນ້າທີ່ ປກສ ເມືອງຄູນຄໍາ ພົບເຫັນວັດຖຸຂອງກາງຈຳນວນດັ່ງກ່າວ ກໍ່ໄດ້ ປະສານສົມທົບກັບ ປກສ ກຸ່ມ ບ້ານວຽງຄໍາ, ອໍານາດການປົກຄອງບ້ານນາພົງ ແລະ ພາກສ່ວນທີ່ກ່ຽວຂ້ອງ ຮ່ວມກັນກວດຄົ້ນຖົງດັ່ງກ່າວ ຈິ່ງຮູ້ວ່າເປັນຢາເສບຕິດ ເປັນປະເພດຄັນຊາແຫ່ງ,ອັດແທ່ງ ຈຳນວນ 10 ເປົາ ເທົ່ກັບ 488 ກິໂລກຣາມ.

ເມື່ອພົບເຫັນເຄື່ອງຂອງກາງແລ້ວທາງເຈົ້າໜ້າທີຕຳຫຼວດ ປກສ ເມືອງຄູນຄຳກໍ່ໄດ້ ສືບສວນ – ສອບສວນຂັ້ນເບື້ອງຕົ້ນຈຶ່ງຮູ້ວ່າຜູ້ກ່ຽວຊື່ ທ້າວ ຊ໋ອດກີ້ ວົງຄຳຄູນ ອາຍຸ 27 ປີ,ເປັນປະຊາຊົນຢູ່ບ້ານທົ່ງຈະເລີນ ເມືອງຄຳເກີດ ແຂວງ ບໍລິຄຳໄຊ. ພ້ອມທັ້ງຮັບສາລະພາບວ່າເຄືອງຂອງກາງດັ່ງກ່າວເປັນຂອງຜູ້ກ່ຽວແທ້. ປັດຈຸບັນຄະດີດັ່ງກ່າວແມ່ນໄດ້ສົ່ງໃຫ້ກອງບັນຊາການ ປກສ ແຂວງຄຳມ່ວນ ເປັນຜູ້ດຳເນີນຄະດີຕາມຂັ້ນຕອນຂອງກົດໝາຍ.

ພາບ-ຂາວ:ອາລຸນ

ข่าวทั่วไป