ຫຼຸດເວລາລົງເປັນເຄິ່ງ ຫຼັງເສັ້ນທາງດ່ວນເກີດ ວຽງຈັນ-ປາກເຊ

ຫຼຸດເວລາລົງເປັນເຄິ່ງ ຫຼັງເສັ້ນທາງດ່ວນເກີດ ວຽງຈັນ-ປາກເຊ

ເສັ້ນທາງດ່ວນ ທາງເລືອກໃໝ່ຂອງການເດີນທາງ ກຳລັງປ່ຽນໄປເທື່ອລະໜ້ອຍ ຈາກທາງຫຼວງແຫ່ງຊາດສູ່ເສັ້ນທາງດ່ວນທີ່ຂັບຂີ່ສະບາຍ ໂດຍປະຈຸບັນປະເທດເຮົາແມ່ນໄດ້ໃຊ້ໄລຍະທຳອິດແມ່ນວຽງຈັນ-ວັງວຽງ ແຕ່ເປົ້າໝາຍຄືໃຫ້ທາງດ່ວນທະລຸແຕ່ເໜືອຮອດໃຕ້ ຈາກບໍ່ເຕັນສູ່ປາກເຊ.

ຕາມລາຍງານຂ່າວໃໝ່ຫຼ້າສຸດນີ້ແມ່ນໄດ້ສຳເລັດການສຶກສາສຳຫຼວດຂັ້ນພື້ນຖານແລ້ວ ໃນເສັ້ນນະຄອນຫຼວງວຽງຈັນ-ປາກເຊ ໂດຍກຸ່ມ ບໍລິສັດ ດວງຈະເລີນ ພັດທະນາ ຄົບວົງຈອນ .


ເສັ້ນທາງຖືກອອກແບບ ມາຄື : ຫນ້າທາງກວ້າງ 23 ແມັດ ມີ4ຊ່ອງຈາລະຈອນ (ມີຊ່ອງສຸກເສີນ1ຊ່ອງ) ອອກແບບ ເປັນມາດຕະຖານ ຊັ້ນໜຶ່ງ ຂອງ ອາຊຽນ ແລະ ສາກົນ .

ຄວາມໄວໃນການອອກແບບ 80-120 Km/h ມີຈຸດເລີ່ມຕົ້ນ ແມ່ນ ຢູ່ ທາງ450 ປີ ( ເຂດ ທ່າບົກ ທ່ານາແລ້ງ ວຽງຈັນໂລຈິສຕິກ ປາກສ໌) ການ ກໍ່ສ້າງ ຈະຄູ່ຂະໜານໄປກັບທາງໝາຍເລກ13 ໃຕ້ (ທີ່ກຳລັງ ມີການປັບປຸງ ໃນຊ່ວງ ໄປ ແຂວງ ບໍລິຄຳໄຊ ໃນປັດຈຸບັນ) .

ຖ້າວ່າ ໂຄງການນີ້ ສຳເລັດ ແລະ ເຊື່ອມຈອດກັນ ແລ້ວ ການເດີນທາງ ໄປ ປາກເຊ ຈາກປົກກະຕິ 8-10 ຊົ່ວໂມງ (ຈະເຫຼືອພຽງ 4-5 ຊົ່ວໂມງເທົ່ານັ້ນ)


– ສ່ວນບັນດາ ແຂວງທາງຜ່ານ ເຊັ່ນ: ບໍລິຄໍາໄຊ ຈາກ 2 ຊົ່ວໂມງ 30 ນາທີ ຈະເຫຼືອພຽງ 1 ຊົ່ວໂມງ;
– ຄໍາມ່ວນ ເມືອງທ່າແຂກ ຈາກ6 ຊົ່ວໂມງ ກໍເຫຼືອພຽງ 3 ຊົ່ວໂມງ;
– ສະຫວັນນະເຂດ ຈາກ 8 ຊົ່ວໂມງ ກໍເຫຼືອພຽງ 4 ຊົ່ວໂມງ.

ແລະ ສາລະວັນ ເອງ ເວລາການເດີນທາງ ກໍຈະຫຼຸດລົງເຖິງ ເຄິ່ງເທົ່າໂຕ ເຊັ່ນກັນທັງເປັນການ ຫຼຸດຄ່າຫຼຸຍຫ້ຽນ,ປະຢັດພະລັງງານ,ເວລາ ແລະ ຮັກສາສິ່ງແວດລ້ອມນຳອີກ . ສ່ວນປີຈະເລີ່ມສ້າງ ແມ່ນຍັງບໍ່ແນ່ນອນເທື່ອ ໄດ້ຂ່າວລະຈະມາອັບເດດອີກຄັ້ງ

ข่าวทั่วไป