ສີລັງກາປະເຊີນວິກິດຕໍ່ເນື່ອງ ຂາດແຄນອາຫານ ແລະພະລັງງານຢ່າງຫນັກ

ສີລັງກາປະເຊີນວິກິດຕໍ່ເນື່ອງ ຂາດແຄນອາຫານ ແລະພະລັງງານຢ່າງຫນັກ

ສື່ຕ່າງປະເທດລາຍງານເມື່ອວັນທີ 18/6/2022 ວ່າ ສີລັງກາຍັງປະເຊີນວິກິດຕໍ່ເນື່ອງຍາວນານ ປະຊາຊົນຂາດແຄນອາຫານ ນ້ຳມັນເຊື້ອໄຟ ຢາຮັກສາພະຍາດ ແລະສິນຄ້ານຳເຂົ້າທີ່ຈຳເປັນຕ່າງໆ ແມ່ນວ່າຈະມີການຮຽກຮ້ອງໃຫ້ປ່ຽນຜູ້ນຳປະເທດ ແຕ່ເບິ່ງຄືວ່າ ສະຖານະການໃນສີລັງກາ ຍັງບໍ່ມີທີທ່າວ່າຈະດີຂື້ນເລີຍ ປະຊາຊົນຈຳນວນຫລາຍຕ້ອງຕໍ່ຄິວຫລາຍຊົ່ວໂມງ ເພື່ອຕື່ມນ້ຳມັນ ແລະແກ໊ສຫູງຕົ້ມ

ທາງການສີລັງກາໄດ້ອະນຸຍາດໃຫ້ເຈົ້າຫນ້າທີ່ລັດເຮັດວຽກ 4 ມື້ຕໍ່ອາທິດ ເປັນໄລຍະເວລາ 3 ເດືອນ ເພື່ອເປີດໂອກາດໃຫ້ພະນັກງານລັດຖະກອນ ແບ່ງເວລາເຮັດການຜະລິດ ເພື່ອເປັນການບັນເທົາພາວະການຂາດແຄນອາຫານໄດ້ອີກທາງຫນຶ່ງ ນອກຈາກນີ້ລັດຖະບານຍັງມີນະໂຍບາຍສະຫນັບສະຫນຸນໃຫ້ປະຊາຊົນໄປເຮັດວຽກຢູ່ຕ່າງປະເທດ ເພື່ອນຳເງິນກັບມາຍັງສີລັງກາ

ข่าวทั่วไป