ວິເຄາະຂ່າວດີ ລາວ ຢູ່ດັບ6 ໃນອັດຕາເງິນເຝີ້ ບໍ່ແມ່ນຄວາມຈິງ

ວິເຄາະຂ່າວດີ ລາວ ຢູ່ດັບ6 ໃນອັດຕາເງິນເຝີ້ ບໍ່ແມ່ນຄວາມຈິງ

ສ ປປລາວ ຈະບໍ່ມີວັນພາດເຖິງຈຸດນັ້ນຢ່າງແນ່ນອນເພາະຍັງມີຫລັກຄ້ຳປະກັນທີ່ດີກວ່າຫລາຍປະເທດ

1. ພື້ນຖານປະເທດລາວມີທີ່ຕັ້ງ ແລະ ພູມີສາດແຕກຕ່າງຈາກບັນດາປະເທດທີ່ຫລົ້ມລະລາຍຢ່າງສິ້ນເຊີງ.

2. ປະເທດລາວມີພົນລະເມືອງໜ້ອຍ ຄວາມຕ້ອງການດ້ານສິນຄ້າຍຸດທະສາດໃນປະລິມານບໍ່ສູງ ຖ້າທຽບໃສ່ບັນດາປະເທດທີ່ຫລົ້ມລະລາຍ.

3. ຕົ້ນທຶນທີ່ມີໃນການຕໍ່ລອງຂອງລາວເຮົາຍັງສູງ ເຊັ່ນ: ຊັບພະຍາກອນປ່າໄມ້, ແຮ່ທາດ ແລະ ໄຟຟ້າ. ຊັບໃນດິນສິນໃນນ້ຳຍັງມີພຽງພໍໃນການຊຳລະສະສາງ.

4. ປະເທດລາວຍັງມີເພື່ອນຮ່ວມຍຸດທະສາດຄືຫວຽດນາມ ແລະ ເພື່ອນຮ່ວມຊາຕາກຳຄືຈີນ ມີເພື່ອນຄູ່ຄ້າຂາຍທີ່ເຫັນອົກເຫັນໃຈ ແລະ ຜ່ອນຜັນກັນໄດ້ຄືໄທໃນຍາມເພື່ອນຕົກທຸກ ຕ້ອງຫາທາງອອກຮ່ວມກັນ.

5. ແຫລ່ງອາຫານທຳມະຊາດພາຍໃນປະເທດຍັງມີພໍກິນພໍໃຊ້ສູງ, ຂົງເຂດການກະເສດ-ກະສິກຳແບບດັ້ງເດີມຍັງມີຫລາຍໃນທົ່ວປະເທດ.

6. ລາວມີໄຟຟ້າຊົມໃຊ້ພາຍໃນກວມໃນອັດຕາສູງ.

7. ການນຳພັກ-ລັດຖະບານພວມສຸມໃສ່ຖືເປັນວຽກງານບູລິມະສິດ ແກ້ໄຂບັນຫາຄວາມເດືອດຮ້ອນໃຫ້ຕົກໄປໃນໄລຍະເວລາອັນໃກ້ນີ້.

– ເໜືອສິ່ງອື່ນໃດສິ່ງທີ່ປວງຊົນລາວບັນດາເຜົ່າຕ້ອງອົດທົນ, ເສຍສະຫລະ ຄືບໍ່ເອົາປຽບເອົາລັດກັນ ມີແຕ່ຄວາມເຫັນອົກເຫັນໃຈກັນ, ຊ່ວຍເຫລືອກັນ, ແບ່ງປັນກັນຕາມກຳລັງ, ບໍ່ສວຍໃຊ້ໂອກາດທີ່ປະເທດຊາດປະເຊີນບັນຫາດູດເລືອດເພື່ອນຮ່ວມຊາດດຽວກັນແລະ ຮ່ວມກັນປະຕິບັດຕາມມາດຕະການຕ່າງໆ ທີ່ພັກ-ລັດຖະບານກຳນົດໄວ້ຮ່ວມກັນຢ່າງເຂັ້ມງວດ ພວກເຮົາກໍ່ຈະກ້າວຂ້າມພົ້ນວິກິດໄປດ້ວຍກັນດ້ວຍພະລັງໄຊໂຍ.

Cr. Kongchit.

ข่าวทั่วไป