ອາຊຽນ ຈະໄດ້ຮັບການໜູນຊ່ວຍ 670 ລ້ານໂດລາ ອົດສະຕຣາລີ

ອາຊຽນ ຈະໄດ້ຮັບການໜູນຊ່ວຍ 670 ລ້ານໂດລາ ອົດສະຕຣາລີ

ຂປລ.ຕາມ​ຂ່າວ​ຈາກ VOVWORLD, ວັນ​ທີ7 ​ມິຖຸນາ​ນີ້,ທ່ານ Anthony Albanese, ນາຍົກ ລັດຖະມົນຕີ ອົດສະຕຣາລີ ໃຫ້ຄຳໝັ້ນ ສັນຍາ ຈະໜູນຊ່ວຍ ອາຊີ ຕາເວັນອອກ ສ່ຽງໃຕ້(ອາ​ຊຽນ) 670 ລ້ານ​ໂດ​ລາ ​ອົດ​ສະຕຣາລີ (ປະມານ 482 ລ້ານ​ໂດ​ລາ​ ສະຫະລັດ)​ ເພື່ອເພີ່ມທະວີ ການ​ຮ່ວມ​ມື​ ຢ່າງ​ແໜ້ນ​ແຟ້ນ​ ໃນພາກພື້ນນີ້ ພາຍ ຫລັງ ​ໄດ້​ພົບ​ປະ​ກັບ ທ່ານ Joko Widodo, ປະທານາ ທິບໍດີ ອິນໂດເນເຊຍ ຢູ່ທຳນຽບ Bogor ຢູ່ນອກເມືອງ Jakarta.

ຈາກ​ນັ້ນ ທ່ານ Anthony Albanese ​ໄດ້​ເນັ້ນໜັກ​ວ່າ: ຄວາມສະໜິດ ຕິດພັນ ຢ່າງເລິກເຊິ່ງ ກັບ​ອາ​ຊຽນ ແມ່ນບຸລິມະສິດ ​ແຖວ​ໜ້າ. ອາຊຽນ ແລະ ບັນດາ ກົດບັນຍັດ ແມ່ນໃຈກາງ ຂອງມູງມອງ ວິໄສທັດ ອັນ​ດີ ຕໍ່ກັບ ອິນ ເດຍ ປາຊີຟິກ-ອາຊີ ປາຊີຟິກ.

ນອກນີ້ ທ່ານ Anthony Albanese ໃຫ້ຮູ້ວ່າ:ອົດ​ສະຕຣາລີ ຈະແຕ່ງຕັ້ງ ຄະນະ ຜູ້ແທນ ຂັ້ນສູງ ອາຊຽນ ແລະ ສ້າງຕັ້ງ ກົມອາຊີ ຕາເວັນອອກ ສ່ຽງໃຕ້ ຂຶ້ນກັບ ກະຊວງ ການຕ່າງ ປະເທດ ແລະ ການຄ້າ ​ແລະ ຈະກະກຽມ ຍຸດທະສາດ ເສດຖະກິດ ອາຊຽນ 2040 ​ໂດຍເນັ້ນ​ໃສ່ “ເປັນຂີດໝາຍ ບັນດາ ໂອກາດ ການສົ່ງອອກ ແລະ ການລົງທຶນ ໃນປະຈຸບັນ ກໍ່ຄື ອະນາຄົດ ຕໍ່ກັບ ບັນດາ ຕະຫລາດ ທີ່ສຳຄັນ ຂອງອາຊຽນ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ข่าวทั่วไป