ສົ່ງຕົວຜູ້ກໍ່ເຫດຊິງຊັບ ໃຫ້ ປກສ ເມືອງໄຊທານີ ດໍາເດີນຄະດີ

ສົ່ງຕົວຜູ້ກໍ່ເຫດຊິງຊັບ ໃຫ້ ປກສ ເມືອງໄຊທານີ ດໍາເດີນຄະດີ

ວັນທີ 1 ມິຖຸນາ 2022, ສະຖານີຮັບແຈ້ງ ແລະ ແກ້ໄຂເຫດສຸກເສີນ 1191 ສະພັງເມີກ ເມືອງໄຊທານີ ໄດ້ສົ່ງຜູ້ກໍ່ເຫດຊິງຊັບພົນລະເມືອງ (ດືງເອົາໂທລະສັບ) ຈໍານວນ 2 ຄົນ ສົ່ງໃຫ້ກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ດໍາເນີນຄະດີ.


ພັທ ບຸນເລີງ ໄຊຍະລາດ ຮອງຫົວໜ້າ ສນ 1191 ສະພັງເມີກ ໃຫ້ຮູ້ວ່າ: ເວລາ 16:44 ໂມງ ຂອງວັນທີ 1 ມິຖຸນາ 2022 ພວກກ່ຽວໄດ້ຂັບຂີ່ລົດຈັກມາແຕ່ເສັ້ນທາງຕະຫຼາດຕານມີໄຊ ພໍຮອດໄຟອໍານາດ ພົບເຫັນຍິງຄົນໜຶ່ງທີ່ເອົາໂທລະສັບໄວ້ຖົງໂສ້ງ ຈາກນັ້ນພວກກ່ຽວໄດ້ຂັບຂີ່ລົດໄປຈອດຮຽງ ແລະ ລົງມືດືງເອົາໂທລະສັບ ແລ້ວຂັບຂີ່ລົດໜີໄປທາງໜອງພະຍາ ແຕ່ມີພົນລະເມືອງດີ ແລະ ຜູ້ເສຍຫາຍ ໄດ້ຂັບຂີ່ລົດນໍາໄປຮອດເຂດບ້ານນາສ້ຽວ ເມືອງນາຊາຍທອງ

ພົນລະເມືອງດີກໍ່ສາມາດຈັບຕົວພວກກ່ຽວໄດ້ ສໍາລັບເປົ້າໝາຍທີ່ຮ່ວມຂະບວນການຄັ້ງນີ້ແມ່ນມີ 3 ຄົນ ແຕ່ກັກຕົວໄດ້ 2 ຄົນຄື: ທ້າວ ເລີງສັນ ຢູ່ບ້ານໄຜ່ລ້ອມ ແລະ ທ້າວ ອາລຸນເດັດ ຢູ່ບ້ານ ນາລ້ອມ ເມືອງໄຊທານີ ສ່ວນອີກຄົນໜຶ່ງ ແມ່ນໄດ້ເອົາຕົວຫຼົບໜີ.

ข่าวทั่วไป