ທະນາຄານກາງມຽນມາ ຫ້າມໜ່ວຍງານລັດໃຊ້ເງິນຕາຕ່າງປະເທດ

ທະນາຄານກາງມຽນມາ ຫ້າມໜ່ວຍງານລັດໃຊ້ເງິນຕາຕ່າງປະເທດ

ຂປລ.ຕາມ​ຂ່າວ​ຈາກ ນະຄອນຫລວງ ​ເນ​ປີ​ດໍ, ທະນາຄານ​ກາງ ​ມຽນມາ ມີ​ຄຳ​ສັ່ງ​ ບໍ່​ອະນຸຍາດ ​ໃຫ້​ກະຊວງ​ ທຸກ​ແຫ່ງ ​ແລະ ໜ່ວຍ​ງານ​ ທ້ອງ​ຖິ່ນ ທັງ​ໝົດ ​​ເຮັດ​ທຸລະ​ກຳ​ ພາຍ​ໃນ ​ປະ​ເທດ ດ້ວຍ​ການ​ໃຊ້ ​ສະກຸນ ​ເງິນຕາ ​ຕ່າງປະ​ເທດ ພວມ​ເປັນ​ທີ່ ​ຕ້ອງການ ​ເພີ່ມ​ຂຶ້ນ​ ໃນ​ມຽນມາ ເພື່ອ​ຫວັງ​ເພີ່ມ ​ຄ່າ​ໃຫ້​ກັບ​ ສະກຸນ​ ເງິນ​ຈ໋າດ(kyat).

​ແຕ່​ຢ່າງ​ໃດ​ກໍ່​ດີ ການ​ຊື້​ ສິນຄ້າ ​ແລະ ບໍລິການ ພາຍ​ໃນ​ປະ​ເທດ ດ້ວຍ​ການ​ໃຊ້ ສະກຸນ​ເງິນ ຕ່າງປະ​ເທດ ອາດ​ກາຍ ​ເປັນ​ການ​ສ້າງ ຄວາມ​ຜັນ​ຜວນ ​ໃຫ້​ກັບ​ ອັດຕາ ​ແລກປ່ຽນ​ ໄດ້​ເຊັ່ນ​ກັນ.ການ​ຖະ​ແຫລ​ງ ດັ່ງກ່າວ ລະບຸ​ ຕໍ່​ໄປວ່າ ບໍ່​ພຽງ​ແຕ່​ ໂຮງ​ແຮມ, ຮ້ານ​ອາຫານ,ຮ້ານ​ຈຳໜ່າຍ ຂອງ​ທີ່​ລະນຶກ ​ແລະ ​ໂຮງຮຽນ ນານາ​ຊາດ ​ເທົ່າ​ນັ້ນ ທີ່​ໃຊ້​ເງິນຕາ​ ຕ່າງປະ​ເທດ ຫລາຍ​ກວ່າ ​ເງິນ​ຈ໋າດ

ຊຶ່ງ​ເປັນ​ສະ​ກຸນ​ ເງິນ​ຫລັກ ​ແຕ່ໜ່ວຍງານ​ ​ແລະ ອົງການ ທີ່​ຂຶ້ນ​ກັບ ​ພາກ​ລັດ ກັບ​ມາ​ໃຊ້ ​ເງິນ​ຈ໋າດ ສຳລັບ​ ທຸລະ​ກຳ ພາຍ​ໃນ​ປະ​ເທດ ​ແລະ ຜູ້​ຊີ້​ນຳ ​ຂອງ​ໜ່ວຍ​ງານ​ລັດ ຄວນ​ມີ​ ລະບຽບ ​ການ​ຄຸ້ມ​ຄອງ ຢ່າງ​ເປັນ​ ທາງ​ການ. ປັດຈຸບັນ ອັດຕາ​ ແລກປ່ຽນ ​ເງິນ​ຈ໋າດ ລະດັບ 1.850 ຈ໋າດ ຕໍ່1​ໂດ​ລາ​ ສະຫະລັດ./.

(ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ข่าวทั่วไป