ເສດຖະກິດໂລກ ພວມວຸ້ນວາຍຢ່າງໜັກເມື່ອ 30ປະເທດຈຳກັດການສົ່ງອອກ

ເສດຖະກິດໂລກ ພວມວຸ້ນວາຍຢ່າງໜັກເມື່ອ 30ປະເທດຈຳກັດການສົ່ງອອກ

ຂປລ.ວັນ​ທີ26​ພຶດສະພາ​ນີ້, ກອງ​ທຶນ​ ການເງິນ ​ສາກົນ (IMF) ​ໄດ້​ເຕືອນ​ວ່າ: ​ເສດຖະກິດ​ໂລກ ​ພວມ​ຕົກ​ ຢູ່​ໃນ ​ຄວາມ​ວຸ້ນວາຍ ຢ່າງ​ໜັກ ​ເມື່ອ 30ປະ​ເທດ ທົ່ວ​ໂລກ ຈຳກັດ ​ການສົ່ງອອກ ອາຫານ​ ​ແລະ ພະລັງງານ ທ່າມກາງ ການລະບາດ ​ໂຄ​ວິດ-19, ຄວາມຂັດແຍ້ງກັນ ​ໃນ​ຫລາຍ ​ປະ​ເທດ,ຕະຫລາດ ການເງິນ ທີ່ອ່ອນແອ ລວມທັງ ບັນຫາ ລະບົບ ຕ່ອງໂສ້ ການສະໜອງ ຈຳກັດ ກາຍ​ເປັນ​ ບົດ​ທົດ​ສອບ ​ຄັ້ງ​ໃຫຍ່​ ຂອງ​ໂລກ ນັບ​ຕັ້ງ​ແຕ່​ ສົງຄາມ​ໂລກ ຄັ້ງທີ2​ ຜ່ານ​ມາ.

ຂະນະ​ນີ້ ມີ30​ປະ​ເທດ ທົ່ວ​ໂລກ ທີ່​ໃຊ້​ມາດ​ຕະການ ​ຈຳກັດ ​ການ​ສົ່ງ​ອອກ ອາຫານ, ພະລັງງານ ​ແລະ ສິນຄ້າ​ ບໍລິ​ໂພ​ກ.ນອກ​ນີ້ ຄົວ​ເຮືອນ ​ທົ່ວ​ໂລກ ພວມ​ຜະ​ເຊີນ​ ໜ້າກັບ ລາຄາ ​ອາຫານ ​ແລະ ລາຄາ ​ພະລັງງານ ​ເພີ່ມ​ສູງ​ຂຶ້ນ ຢ່າງ​ຫລວງ​ຫລາຍ ສ້າງ​ຄວາມ​ສ່ຽງ ​ເຮັດ​ໃຫ້ ​ເສດຖະກິດ​ໂລກ ກ້າວ​ເຂົ້າສູ່​ ຄວາມ​ຫຍຸ້ງຍາກ ​ຫລາຍ​ທີ່​ສຸດ ​ໃນ​ຕໍ່ໜ້າ

ພາຍຫລັງ ທ່ານ ຄຣີສຕີ​ນາ ຈີ​ໂອ​ຈີ​ວາ (Christina Geojeeva),ຜູ້ອຳ ນວຍ ການ IMF ​ໄດ້​ຕໍ່​ ກອງ​ປະຊຸມ ເວທີ​ ປາ​ໄສ ​ເສດຖະກິດ​ໂລກ (World Economic Forum (WEF)) ຢູ່​ນະຄອນ Davos ຂອງ​ປະ​ເທດ ສະວິດ ​ໂດຍ​ມີ ບັນດາ ຜູ້ນໍາຂອງໂລກ​ແລະ​ ບັນດາ​ ຜູ້​ນຳ​ ວິ​ສາ​ຫະກິດ ​​ເຂົ້າຮ່ວມ ​ຢ່າງ​ພ້ອມ ພຽງ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ข่าวทั่วไป