ຄຳມ່ວນ ຍັງວິກິດ ເຖິງຂັ້ນແບ່ງນໍ້າມັນກັນໃຊ້

ຄຳມ່ວນ ຍັງວິກິດ ເຖິງຂັ້ນແບ່ງນໍ້າມັນກັນໃຊ້

ທ່ານ ວົງສອນ ພິມມະວົງສາ ຫົວໜ້າລັດວິສາຫະກິດ
ນໍ້າມັນເຊື້ອໄຟລາວສາຂາ ແຂວງຄຳມ່ວນ ໃຫ້ຮູ້ວ່າ: ແຂວງຄຳມ່ວນ ປັດຈຸບັນພົບບັນຫານໍ້າມັນບໍ່ພຽງພໍ ສະນັ້ນໄດ້ຈັດແບ່ງນໍ້າມັນໃຫ້ປໍ້າຕົວແທນພາຍໃນເທດສະບານແຂວງ, ບັນດາເມືອງໃນທົ່ວແຂວງ, ໃນການສະໜອງນໍ້າມັນສະເລ່ຍ ປະມານ ອາທິດລະ 1-2 ຄັ້ງ ແລະ ໃຫ້ຈຳນວນໜ້ອຍ ໄດ້ຫ້າມບໍ່ໃຫ້ຂາຍໃສ່ຕຸກເພື່ອນຳໄປຂາຍຕໍ່ເກນກຳໄລຢ່າງເດັດຂາດ.

ສຳລັບເມືອງໃນເທດສະບານແຂວງ ປໍ້າແບບຢ່າງຂອງລັດ ( ປໍ້າຫລັກ 2 ) ໄດ້ກຳນົດໃຫ້ຈຳໜ່າຍ : ລົດໃຫຍ່ແມ່ນ ບໍ່ເກີນ 4 ແສນກີບ/ຄັນ, ສ່ວນປະຊາຊົນສ່ວນໜຶ່ງທີ່ຮຽກຮ້ອງຂໍຊື້ໃສ່ຕຸກເພື່ອນຳໃຊ້ເຂົ້າໃນການຜະລິດ ( ໄຖນາ ) ພວກເຮົາກໍ່ໄດ້ກຳນົດໃຫ້ບໍ່ເກີນ 20 ລິດ/ຄົນ.

ข่าวทั่วไป