ພະພຸດທະຮູບ 34 ອົງ ທີ່ປະຊາຊົນພົບເຫັນຢູ່ບ້ານໂພງງາມ ໄດ້ຂຶ້ນທະບຽນເປັນມໍລະດົກຂອງຊາດ

ພະພຸດທະຮູບ 34 ອົງ ທີ່ປະຊາຊົນພົບເຫັນຢູ່ບ້ານໂພງງາມ ໄດ້ຂຶ້ນທະບຽນເປັນມໍລະດົກຂອງຊາດ

ເມື່ອວັນທີ 11-12 ພຶດສະພາ ຜ່ານມາ, ທ່ານ ເງິນທອງ ສີວິໄລ ຢູ່ບ້ານໂພນງາມ ເມືອງປາກລາຍ ແຂວງໄຊຍະບູລີ ໄດ້ໄປໄຖສວນຂອງຕົນເອງຢູ່ເຂດແກ້ງຕ້ອງລ້ອງນໍ້າພູນ ພົບພະພຸດທະຮູບຈຳນວນຫຼາຍທີ່ຝັງຢູ່ດິນສວນ ຕໍ່ມາໄດ້ມາແຈ້ງຕໍ່ອົງການປົກຄອງບ້ານໂພນງາມ ໄປກວດກາຕົວຈິງພົບພະທີ່ຫຼອມດ້ວຍສີເງິນ ຈຳນວນ 34 ອົງ ແລ້ວອັນເຊີນມາປະດິດສະຖານໄວ້ຢູ່ທີ່ວັດບ້ານໂພນງາມ ເມືອງປາກລາຍ ແຂວງໄຊຍະບູລີ ເພື່ອກາບໄຫວ້ບູຊາ.

ດັ່ງນັ້ນ, ມາໃນວັນທີ 18 ພຶດສະພາ ນີ້ ທາງພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງ, ນໍາໂດຍ ທ່ານ ບຸນທະວີ ບຸນຊູຮັກ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງ ພ້ອມດ້ວຍວິຊາການຈາກພະແນກ,

ຈາກຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ຮ່ວມກັບ ອົງການປົກຄອງບ້ານໂພນງາມ ລົງກວດກາຕົວຈິງ ພ້ອມທັງຂຶ້ນທະບຽນເປັນມໍລະດົກຂອງຊາດ ແລະ ພ້ອມທັງມອບໃຫ້ບ້ານເປັນຜູ້ຄຸ້ມຄອງປົກປັກຮັກສາ ເພື່ອເປັນບ່ອນກາບໄຫວ້ບູຊາຂອງປະຊາຊົນໃນທົ່ວສັງຄົມ.

(ຂ່າວ: ກ່າ ຄຸດທະວົງສັກ)

ข่าวทั่วไป