ຄະນະນັກກິລາປັນຈັກສີລັດ ເດີນທາງເຖິງ ສປປ ລາວ ພ້ອມຜົນງານ 3 ຫຼຽນທອງ

ຄະນະນັກກິລາປັນຈັກສີລັດ ເດີນທາງເຖິງ ສປປ ລາວ ພ້ອມຜົນງານ 3 ຫຼຽນທອງ

ຄະນະນັກກິລາປັນຈັກສີລັດທີມຊາດລາວ ເດີນທາງກັບເຖິງນະຄອນຫຼວງວຽງຈັນ ສປປ ລາວ ດ້ວຍຄວາມສະຫວັດດີພາບ ເມື່ອວັນທີ 17 ພຶດສະພາ 2022 ຜ່ານມາທີ່ສະໜາມບິນສາກົນວັດໄຕ ພ້ອມຜົນງານ 3 ຫຼຽນທອງ ມາຝາກແຟນກິລາລາວ ຈາກງານມະຫະກຳກິລາຊີເກມ ຄັ້ງທີ 31 ທີ່ສສ ຫວຽດນາມ ເປັນເຈົ້າພາບ.

ສຳລັບການແຂ່ງຂັນກິລາປັນຈັກສີລັດ ໃນງານມະຫະກຳກິລາຊີເກມ ຄັ້ງທີ 31 ຫຼື ຮ່າໂນ້ຍ ເກມ 2021 ທີ່ສສ ຫວຽດນາມ ເປັນເຈົ້າພາບ ໄດ້ຈັດຂຶ້ນລະຫວ່າງວັນທີ 7-16 ພຶດສະພາ 2022 ໂດຍມີການຊີງໄຊຫຼຽນຄຳທັງໝົດ 17 ລາຍການ ແລະ ມີນັກກິລາຈາກບັນດາປະເທດສະມາຊິກອາຊຽນ ເຂົ້າຮ່ວມຊີງໄຊ 8 ຊາດ ຄື: ໄທ, ມາເລເຊຍ, ອິນໂດເນເຊຍ, ສິງກະໂປ, ຟີລິບປິນ, ບຣູໄນ, ສປປ ລາວ ແລະ ຫວຽດນາມ ເຈົ້າພາບ. ໃນນີ້ສະເພາະ ສປປ ລາວ ສົ່ງເຂົ້າຮ່ວມທັງໝົດ 9 ລາຍການ, ແບ່ງເປັນປະເພດຟ້ອນ 3 ລາຍການ ແລະ ປະເພດຕໍ່ສູ້ປ້ອງກັນຕົວ 6 ລາຍການ.

ຜ່ານການແຂ່ງຂັນຜົນປະກົດວ່າ: ນັກກິລາປັນຈັກສີລັດທີມຊາດລາວເຮົາ ຍາດມາໄດ້ທັງໝົດ 3 ຫຼຽນທອງ ຈາກ ນາງ ປຸກກີ້ ສະເຫຼີມບຸຜາ ປະເພດຟ້ອນດ່ຽວຍິງ, ທ້າວ ຈັນສະໝອນ ພົມໂຊພາ ປະເພດຕໍ່ສູ້ ຮຸ່ນນ້ຳໜັກ 60 ກິໂກກຣາມ ແລະ ທ້າວ ບົວວັນ ຄູນແພງແກ້ວ ປະເພດຕໍ່ສູ້ ຮຸ່ນນ້ຳໜັກ 60-65 ກິໂລກຣາມ.

ຂ່າວ-ພາບ: ລູກນ້ຳເຊ ອິນທະດາລິນ

ข่าวทั่วไป