ເຈົ້າໜ້າທີ່ຢືນຢັນ ຄະດ້ປຸ້ນຊັບ ຢູ່ບ້ານດົງນາໂຊກ ຍັງຈັບຕົວຜູ້ກໍ່ເຫດບໍ່ທັນໄດ້

ເຈົ້າໜ້າທີ່ຢືນຢັນ ຄະດ້ປຸ້ນຊັບ ຢູ່ບ້ານດົງນາໂຊກ ຍັງຈັບຕົວຜູ້ກໍ່ເຫດບໍ່ທັນໄດ້

ໃນເວລາ 1:30 ຫາ 2:00 ໂມງ ຕອນກາງຄືນຂອງວັນທີ 16-17 ພຶດສະພາ 2022 ໄດ້ມີຄົນຮ້າຍຈຳນວນ 5 ຄົນ ( ຮູບຕາມກ້ອງວົງຈອນ ) ຈີ້ຍິງສາວ ອາຍຸ 30 ປີ, ເຮືອນຢູ່ຮ່ອມ 3 ບ້ານດົງນາໂຊກເຫນືອ ເມືອງສີໂຄດຕະບອງ ນະຄອນຫຼວງວຽງ ຈັນ ບັງຄັບເມືອເຮືອນ ແລ້ວບອກລະຫັດໄຂຕູ້ເຊັບກວດເອົາຊັບສິນມີຄ່າຈຳນວນຫຼາຍລາຍການແລ້ວຫລົບຫນີໄປ.

ເຫດການໃນເບື້ອງຕົ້ນ ເວລາ 19:00 ໂມງ ຂອງວັນທີ 16 ພຶດສະພາ ຜູ້ເສຍຫາຍໄດ້ຂັບລົດ ໂຕໂຍຕ້າ ແລນກຸຍເຊິ້ ໄປກິນເບຍ ກັບໝູ່ ຢູ່ຫຼາຍຮ້ານ, ຕໍ່ມາໄດ້ຍ້າຍມາກິນຢູ່ຮ້ານແຄມຂອງ ເຊີ່ງເປັນຮ້ານສຸດທ້າຍ. ຮອດທ່ຽງຄືນຜູ້ເສຍຫາຍຈະກັບເຮືອນ ຍ່າງມາຫາລົດຢູ່ບ່ອນຈອດລົດ.ໃນຂະນະນັ້ນ,ມີຜູ້ຊາຍ 5 ຄົນ ໄດ້ເອົາປຶນຈິ້ຜູ້ກ່ຽວບັງຄັບໃຫ້ພາເມືອເຮືອນ ພໍຮອດເຮືອນບັງຄັບໃຫ້ບອກລະຫັດຕູ້ເຊັບຢູ່ຊັ້ນລຸ່ມເຮືອນ. ຈາກນັ້ນ, ກໍໄຂເອົາຊັບສິນທີ່ມີຄ່າ, ຄົນຮ້າຍກໍຂີ່ລົດຫຼົບໜີ ໂດຍນຳໃຊ້ລົດກະ ບະ ແລະ ລົດເກັງ ລວມ 2 ຄັນ ໃນການກໍ່ເຫດ. ສ່ວນຍິງສາວປອດໄພ ບໍ່ໄດ້ຮັບບາດເຈັບໃດໆ.

ຕໍ່ມາ ກໍຄືວັນທີ 18 ພຶດສະພາ 2022, ໄດ້ມີຂ່າວອອນລາຍ ໂດຍສະເພາະ ເພຈຂ່າວຕ່າງໆຈຳນວນໜຶ່ງເຜີຍແຜ່ຮູບພາບ ຜູ້ຊາຍສາມຄົນທີ່ມີລາຍສັກເຕັມໂຕ ວ່າເປັນກຸ້ມແກ້ງປຸ້ນຊັບຄັ້ງນີ້ ຖືກເຈົ້າໜ້າທີ່ຈັບຕົວໄດ້ແລ້ວ; ເຊິ່ງເຈົ້າໜ້າທີ່ ຜູ້ຮັບຜິດຊອບຄະດີດັ່ງກ່າວ ໄດ້ຢືນຢັນວ່າ:

ຊາຍສາມຄົນ ທີ່ສື່ອອນລາຍລົງຂ່າວອ້າງວ່າ ເຈົ້າໜ້າທີ່ຈັບຕົວຜູ້ກໍ່ເຫດປຸ້ນຊີງຊັບ ຢູ່ບ້ານດົງນາໂຊກເໜືອ ນັ້ນແມ່ນເປັນຂ່າວປອມ ແລະ ພວກກ່ຽວບໍ່ໄດ້ກ່ຽວ ຂ້ອງກັບຄະດີປຸ້ນຊັບຄັ້ງນີ້ ແລະ ປັດຈຸບັນ, ເຈົ້າ ໜ້າທີ່ ຍັງຈັບຕົວຜູ້ກໍ່ເຫດບໍ່ໄດ້ເທື່ອ ແລະ ກຳລັງເລັ່ງສືບສວນ-ສອບສວນຫາກຸ່ມຄົນຮ້າຍມາລົງ ໂທດ ແລະ ຂໍຮຽກຮ້ອງນຳສື່ສັງຄົມອອນລາຍຢ່າສ້າງກະແສໃຫ້ສັງຄົມປັ່ນປ່ວນ.

ທີ່ມາ: ໜັງສືພິມຄວາມສະຫງົບ

ข่าวทั่วไป