ການນໍາ ແຂວງບໍລິຄໍາໄຊ ເຂົ້າຮ່ວມພິທີຈັດສົ່ງອັດຖິ ທະຫານອາສາສະໝັກຫວຽດນາມ

ການນໍາ ແຂວງບໍລິຄໍາໄຊ ເຂົ້າຮ່ວມພິທີຈັດສົ່ງອັດຖິ ທະຫານອາສາສະໝັກຫວຽດນາມ

ເມື່ອບໍ່​ດົນ​ມານີ້ ທີ່ສະໂມສອນໃຫຍ່ຂອງແຂວງບໍລິຄໍາໄຊ, ບັນດາສະ​ຫາຍການນໍາຂອງແຂວງ​ບໍ​ລິ​ຄຳ​ໄຊ, ນໍາໂດຍ ທ່ານ ສຸວັນນີ ໄຊຊະນະ ປະທານສະພາປະຊາຊົນແຂວງ ພ້ອມດ້ວຍຄະນະປະຕິບັດງານພິເສດ ແຂວງບໍລິຄໍາໄຊ ສປປ ລາວ ແລະ ແຂວງຮ່າຕິ້ງ ສສ ຫວຽດນາມ ຕະຫຼອດຮອດຫົວໜ້າພະແນກການ – ກົມກອງທີ່ກ່ຽວຂ້ອງທັງສອງຝ່າຍເຂົ້າຮ່ວມ

ໄວ້ອາໄລອັດຖິທະຫານອາສາສະໝັກ ຊ່ຽວຊານຫວຽດນາມ ທີ່ເສຍສະ ຫຼະຊີວິດໃນປາງສົງຄາມຢູ່ລາວ ທີ່ຄະນະປະຕິບັດງານພິເສດທັງສອງຝ່າຍ ສາມາດຂຸດຄົ້ນໄດ້ ຈໍານວນ 11 ອັດຖິ ໃນໄລຍະລະດູແລ້ງ ປະຈໍາປີ 2021 – 2022 ຢູ່ ສປປ ລາວ ເປັນຄັ້ງສຸດທ້າຍ ກ່ອນທີ່ຈະເຄື່ອນຍ້າຍອັດຖິຈໍານວນດັ່ງກ່າວກັບຄືນ​ປະເທດ.

ພິທີເຄືອນຍ້າຍອັດຖິຈໍານວນດັ່ງກ່າວ, ໄດ້ເລີ່ມຂຶ້ນໃນເວລາ 6 ໂມງ ຂອງວັນ​ທີ 15 ພຶດ​ສະ​ພາ ເພຶ່ອທໍາພິທີທາງສາສະໜາ. ຫຼັງຈາກນັ້ນ, ບັນດາການນໍາທັງສອງຝ່າຍລາວ – ຫວຽດນາມ ຍັງໄດ້ຮ່ວມຍົກອັດຖິ ຈໍານວນດັ່ງກ່າວ ເພື່ອເຄື່ອນຍ້າຍໄປຕາມຂະບວນ ຊຶ່ງຕ່າງໜ້າໃຫ້ກັບການນໍາຂອງແຂວງ ໂດຍທ່ານ ຄໍາແຫວນ ປັນຍານຸງວົງ ຮອງຫົວໜ້າຄະນະປະຕິບັດງານພິເສດ ແຂວງບໍລິຄໍາໄຊ

ພ້ອມດ້ວຍຄະນະ, ມີບັນດາ ການນໍາພັກ-ລັດ, ນັກຮຽນ, ນັກສຶກສາ ແລະ ຊາວຫວຽດນາມ ເຂົ້າຮ່ວມຕ້ອນຮັບຂະບວນດັ່ງກ່າວ ຢູ່ຂອບເຂດເສັ້ນທາງສາຍຕ່າງໆ ທີ່ຂະບວນລົດໄດ້ແລ່ນຜ່ານ. ທັງນີ້, ກໍເພື່ອເປັນການສະແດງຄວາມຮູ້ບຸນຄຸນ ຄຸນງາມ ຄວາມດີ ຄັ້ງສຸດທ້າຍ ຕໍ່ກັບອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ເສຍສະຫຼະເລືອດເນື້ອໃນການຕໍ່ສູ້ໃນປາງສົງຄາມຢູ່ລາວ ກັບຄືນປະເທດຢ່າງສົມກຽດ.

(ຂ່າວ-ພາບ: ແຂວງ​ບໍ​ລິ​ຄຳ​ໄຊ)

ข่าวทั่วไป