ອ່າງນໍ້າງື່ມ ແຂວງ ວຽງຈັນ! ງົດກິດຈະກຳທ່ອງທ່ຽວຊົ່ວຄາວ 18 ເດືອນ

ອ່າງນໍ້າງື່ມ ແຂວງ ວຽງຈັນ! ງົດກິດຈະກຳທ່ອງທ່ຽວຊົ່ວຄາວ 18 ເດືອນ

ຫົວໜ້າ ພະແນກຖະແຫຼງຂ່າວ, ວັດທະນາທຳ ແລະ ທ່ອງທ່ຽວແຂວງວຽງຈັນ ໄດ້ໃຫ້ຮູ້ວ່າ: ນັບແຕ່ວັນທີ 6 ພຶດສະພາ 2022 ເປັນຕົ້ນໄປ ການບໍລິການທ່ອງທ່ຽວ ແລະ ກິດຈະກຳຕ່າງໆ ຢູ່ອ່າງນ້ຳງື່ມ, ເຂດເມືອງ ແກ້ວອຸດົມ, ແຂວງ ວຽງຈັນ ຈະໄດ້ໂຈະການບໍລິການຊົ່ວຄາວເປັນເວລາ 18 ເດືອນ ເພື່ອອຳນວຍຄວາມສະດວກໃຫ້ແກ່ວຽກງານການກໍ່ສ້າງຂອງໂຄງການ.

ໂດຍອົງການຈັດຕັ້ງທີ່ກ່ຽວຂ້ອງ, ນັກທ່ອງທ່ຽວທີ່ສົນໃຈມາໃຊ້ບໍລິການກິດຈະກຳການທ່ອງທ່ຽວ ຢູ່ອ່າງນໍ້າງື່ມ ແຂວງວຽງຈັນ ແມ່ນໃຫ້ໄປໃຊ້ບໍລິການຢູ່ຈຸດທີ່ໄດ້ຮັບອະນຸຍາດເປີດບໍລິການເຊັ່ນ: ທ່າເຮືອເຂດແດນສະຫວັນ ນໍ້າງື່ມຣິສອດ, ທ່າເຮືອບ້ານນາເພີຍ ເມືອງທຸລະຄົມ ແລະ ທ່າເຮືອເຂດບ້ານທ່າເຮືອ ເມືອງວັງວຽງ

ສ່ວນບັນດາ ກິດຈະການ-ການທ່ອງທ່ຽວ, ປະຊາຊົນຜູ້ໄດ້ຮັບຜົນກະທົບຢູ່ອ່າງນ້ຳງື່ມ, ເມືອງ ແກ້ວອຸດົມ, ແຂວງ ວຽງຈັນ ແມ່ນໄດ້ຍົກຍ້າຍອອກຈາກພື້ນທີ່ຂອງໂຄງການເປັນທີ່ຮຽບຮ້ອຍແລ້ວ, ພາຍຫຼັງການກໍ່ສ້າງສຳເລັດຈຶ່ງຈະໄດ້ກັບມາເປີດການບໍລິການ ແລະ ຢູ່ອາໃສ ໄປຕາມແຜນການຈັດສັນຂອງໂຄງການທີ່ກໍານົດໄວ້.

ข่าวทั่วไป