ຢ່າສວຍໂອກາດຊື້ກັກຕຸນໄວ້ຂາຍເປັນແກ້ວດ້ວຍລາຄາສູງ

ຢ່າສວຍໂອກາດຊື້ກັກຕຸນໄວ້ຂາຍເປັນແກ້ວດ້ວຍລາຄາສູງ

+ ໃນສະພາບປັດຈຸບັນ ລາວເຮົາກຳລັງຂາດແຄນນໍ້າມັນເຊື້ອໄຟ ເນື່ອງມາຈາກຫຼາຍປັດໃຈ ເຊິ່ງໃນມື້ນີ້ກໍຄືວັນທີ 10 ພຶດສະພາ 2022 ເປັນມື້ທີ່ສອງທີ່ປະຊາຊົນໃນນະຄອນ ຫຼວງວຽງຈັນ ພ້ອມກັນລຽນຄິວລໍຖ້າໃສ່ນໍ້າມັນຢູ່ບັນດາປໍ້າຕ່າງໆທີ່ຍັງພໍມີນໍ້າມັນໃຫ້ບໍລິການຢູ່ ເຮັດໃຫ້ລົດຕິດຢູ່ຫຼາຍຈຸດ.

+ ສະພາບການດັ່ງກ່າວນັ້ນ, ກໍເຮັດໃຫ້ມີປະຊາຊົນຈຳນວນໜຶ່ງ ສວຍໂອກາດຊື້ນໍ້າມັນໄວ້ໃນຈຳນວນຫຼາຍເພື່ອມາບັນຈຸໃສ່ແກ້ວ ຫຼື ກະຕຸກນໍ້າດື່ມແລ້ວຂາຍຢູ່ຕໍ່ໜ້າປໍ້ານໍ້າມັນ ຫຼື ບໍ່ກໍຂາຍຢູ່ຕາມແຄມທາງ ເຊິ່ງລາຄາແມ່ນເພີ່ມສູງຂຶ້ນຫຼາຍເທົ່າຕົວ ບາງບ່ອນຂາຍໃສ່ກະຕຸກນໍ້າດື່ມຫົວເສືອຂະໜາດກາງໃນລາຄາ 25.000-30.000 ກີບ/ ຂະໜາດໃຫຍ່ ໃນລາຄາ 70.000 ກີບຂຶ້ນໄປ

ແຕ່ຜູ້ຊົມໃຊ້ກໍຈຳໃຈຊື້ເນື່ອງຈາກບໍ່ມີນໍ້າມັນໃສ່ລົດໃນການເດີນທາງ. ເຮັດໃຫ້ສັງຄົມວິພາກວິຈານ ແລະ ສຽງສ່ວນຫຼາຍຈົ່ມວ່າ ເປັນຫຍັງສະຖານະ ການແບບນີ້ສັງຄົມລາວເຮົາຄືບໍ່ຄວນເຫັນໃຈເຊິ່ງກັນ ແລະ ກັນ ໃນເມື່ອຜູ້ໄດ້ໃສ່ນໍ້າມັນພຽງພໍແລ້ວ ກໍຄວນຈົ່ງໄວ້ໃຫ້ຄົນອື່ນໆໄດ້ຊົມໃຊ້ນຳກັນ, ບໍ່ຄວນຊື້ກັກຕຸນໄວ້ຂາຍເພື່ອສ້າງກຳໄລແບບບໍ່ຄິດເຫັນໃຈຄົນອື່ນ.

+ ຜູ້ໄປຕໍ່ຄິວລໍຖ້າໃສ່ນໍ້າມັນລົດຢູ່ປໍ້າແຫ່ງໜຶ່ງໃຫ້ທັດສະນະກ່ຽວກັບບັນນີ້ຕໍ່ໜັງສືພິມຄວາມສະຫງົບວ່າ: ເລື່ອງບັນຫານໍ້າມັນເປັນຫາວິກິດການໂລກ, ຄົນລາວເຮົາບໍ່ສາມາດກຳນົດລາຄານໍ້າມັນໄດ້ເອງ ຕ້ອງອີງໃສ່ກົນໄກຕະຫລາດໂລກ. ແຕ່ບັນທີ່ສັງຄົມສົນໃຈແມ່ນກຽວກັບນໍ້າແກ້ວໃນສັງຄົມລາວໄລຍະນີ້ໃຜກະວ່າມີເງິນຊື່ແຕ່ບໍ່ມີນໍ້າມັນຂາຍ.

ແຕ່ເປັນຫຍັງນໍ້າມັນແກ້ວຄືມີຂາຍ, ແລ້ວນໍ້າແກ້ວເອົາມາແຕ່ໃສ່ ?, ໃນສະພາບເສດຖະກິດແບບນີ້ຄວນເຫັນໃຈກັນ ແລະ ບໍ່ຄວນຫາໂອກາດນີ້ສ້າງຄວາມຮັ່ງມີເຫັນແກ່ໂຕ.ອີກຢ່າງຢາກໃຫ້ພາກສ່ວນຄຸ້ມຄ້ອງກຽວກັບນໍ້າມັນຕ້ອງມີມາດຕະການຕໍ່ຜູ້ເຫັນແກ່ຜົນປະໂຫຍດຕົນເອງໂດຍບໍ່ຄີດເຫັນໃຈສັງຄົມ.

+ ໃນຂະນະດຽວກັນ ພາກລັດກໍໄດ້ມີການປະກາດປັບເພີ່ມ ແລະ ປັບຫຼຸດລາຄານໍ້າມັນໃນຂອບເຂດທົ່ວປະເທດ ແຕ່ບັນຫາຄືນໍ້າມັນມີບໍ່ພຽງພໍກັບຄວາມຕ້ອງການຂອງປະຊົນ.

+ ເຖິງແນວໃດກໍຕາມ, ສະຖານະການແບບນີ້ຄົນລາວເຮົາທຸກຄົນຄວນເຫັນໃຈເຊິ່ງກັນ ແລະ ກັນ, ບໍ່ຄວນເຫັນແກ່ໂຕລອງສຳນຶກເຖິງຄຳເວົ້າທີ່ວ່າ ” ຄົນລາວເປັນຄົນມີນໍ້າໃຈໂອບເອື້ອອາລີ, ມີຄວາມສາມັກຄີ ຊ່ວຍເຫຼືອເບິ່ງແຍງເຊິ່ງກັນ ແລະ ກັນ” ແລະ ກໍເຊື້ອວ່າ ອີກບໍ່ພໍເທົ່າໃດມື້ຂ້າງໜ້າສະພາບນໍ້າມັນໃນແຕ່ລະປໍ້າຈະກັບມາເປັນປົກກະຕິ.

Cr: ໜັງສືພິມຄວາມສະຫງົບ

ข่าวทั่วไป