ປີ 2022 ເຂື່ຶອນໄຟຟ້ານ້ຳອູ ສາມາດຜະລິດພະລັງງານໄຟຟ້າ ບັນລຸໄດ້ 1.000 GWh

ປີ 2022 ເຂື່ຶອນໄຟຟ້ານ້ຳອູ ສາມາດຜະລິດພະລັງງານໄຟຟ້າ ບັນລຸໄດ້ 1.000 GWh

ເມື່ອບໍ່ດົນມານີ້, ກຸ່ມບໍລິສັດ ພາວເວີ ໄຊນາ, ໂຄງການເຂື່ອນໄຟຟ້ານ້ຳອູ ສາມາດບັນລຸການຜະລິດພະລັງງານໄຟຟ້າ ໄດ້1.000 GWh ຊຶ່ງເປັນຄັ້ງທຳອິດ ທີ່ເຂື່ອນໄຟຟ້ານ້ຳອູ ສາມາດຜະລິດພະລັງງານໄດ້ສູງສຸດ ເມື່ອທຽບກັບໄລຍະດຽວກັນ ນັບຕັ້ງແຕ່ເຂື່ອນໄຟຟ້ານ້ຳອູ ເລີ່ມເປີດການຜະລິດພະລັງງານເປັນຕົ້ນມາ ດ້ວຍໝາກຜົນອັນດີເລີດດັ່ງກ່າວ ຖືວ່າເປັນການຊົມເຊີຍວັນກຳມະກອນສາກົນ ຄົບຮອບ 136 ປີ (1 ພຶດສະພາ) ແລະ ເປັນການສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງ ສອງຊາດ ລາວ-ຈີນ ຄົບຮອບ 61 ປີ.

ທັງນີ້, ເມື່ອວັນທີ 1 ຕຸລາ 2021, ເຂື່ອນໄຟຟ້ານ້ຳອູ 1, 3, 4 ແລະ ເຂື່ອນ 7 ໄດ້ເປີດດຳເນີນການຜະລິດພະລັງງານໄຟຟ້າຢ່າງເປັນທາງການ ແລະ ເຂື່ອນໄຟຟ້ານ້ຳອູ ທັງໝົດ 7 ເຂື່ອນ ໄດ້ດໍາເນີນການຜະລິດກະແສໄຟຟ້າຢ່າງເຕັມຮູບແບບ ເລີ່ມແຕ່ມື້ນັ້ນມາ. ໃນນັ້ນເຂື່ອນໄຟຟ້ານໍ້າອູ ລະດັບທີ 7 ເປັນເຂື່ຶອນທີ່ມີອ່າງເກັບນ້ຳໃຫຍ່ສຸດ ໃນບັນດາເຂື່ອນໃນສາຍນ້ຳອູ ສາມາດເກັບ​ກັກປະລິມານນ້ຳໄດ້​ເຖິງ 1.313 MCM ແລະ ສາມາດ​ສະໜອງ​ນ້ຳ​

ເພື່ອຜະລິດພະລັງງານໄຟຟ້າ ໃຫ້ແກ່ເຂື່ອນໄຟຟ້າທັງ 7 ​ແຫ່ງໄດ້​ຢ່າງ​ຕໍ່​ເນື່ອງ​ ເຮັດໃຫ້ສາມາດ​ຜະລິດ​ພະລັງງານ​ໄຟຟ້າ​ໃນ​ລະດູ​ແລ້ງ​ໄດ້​ຢ່າງ​ຫຼວງ​ຫຼາຍ ​ພ້ອມທັງສາມາດຕອບສະໜອງຄວາມຕ້ອງການກະແສໄຟຟ້າໄດ້ເປັນຢ່າງດີ. ບັນດາເຂື່ອນໄຟຟ້ານ້ຳອູ ໄດ້ນຳໃຊ້ອ່າງເກັບນ້ຳຮ່ວມກັນ ເພື່ອດຳເນີນການຜະລິດກະແສໄຟຟ້າ, ເປັນການປ່ຽນແປງຄຸນນະພາບພະລັງງານໂດຍພື້ນຖານ ແລະ ສາມາດແກ້ໄຂບັນຫາການຂາດແຄນໄຟຟ້າໃນລະດູແລ້ງ ໄດ້ຢ່າງມີປະສິດທິຜົນ.


ພ້ອມກັນນັ້ນ, ເຂື່ອນໄຟຟ້ານ້ຳອູ ຍັງມີ​ບົດບາດ​ສຳຄັນ​ ໃນການຄຸ້ມຄອງຄວາມປອດໄພ ເຮັດໃຫ້ລະບົບ​ສາຍ​ສົ່ງ​ໄຟຟ້າ​ຢູ່​ພາກ​ກາງ ​ແລະ ​ພາກ​ເໜືອ​ຂອງ​ລາວ ມີສະຖຽນລະພາບ ແລະ ເປັນການຊ່ວຍ​ໃຫ້​ ສປປ ລາວ ​ມີ​ລາຍ​ຮັບ​ເງິນຕາ​ຕ່າງປະ​ເທດ​ຈາກ​ການ​ສົ່ງ​ອອກ​ໄຟຟ້າ ແລະ ຍັງເປັນການສະໜອງ​ພະລັງງານ ໃຫ້​ແກ່​ການ​ເຄື່ອນ​ໄຫວ​ທາງ​ລົດ​ໄຟ​ ລາວ-ຈີນ ​ຢ່າງ​ປອດ​ໄພດ້ວຍຄຸນນະພາບສູງ ແລະ ​ໝັ້ນຄົງ​; ຮັບປະກັນໃນການສະໜອງພະລັງງານໄຟຟ້າເຂົ້າໃນອຸດສາຫະກຳ ແລະ ທີ່ຢູ່ອາໄສໃນພາກກາງ ແລະ ພາກເໜືອຂອງລາວ ໂດຍພື້ນຖານ.

ໂຄງການເຂື່ອນໄຟຟ້ານ້ຳອູ ແມ່ນໂຄງການທຳອິດທີ່ກຸ່ມບໍລິສັດພາວເວີໄຊນາ ໄດ້ວາງແຜນລົງທຶນໃນການກໍ່ສ້າງເຂື່ອນໄຟຟ້ານ້ຳຕົກໃນໜຶ່ງສາຍນ້ຳ ແລະ ໃນຮູບແບບ BOT, ໂດຍມີ “1 ອ່າງ 7 ເຂື່ອນ” ແບ່ງການກໍ່ສ້າງອອກເປັນສອງໄລຍະ, ມີກໍາລັງຕິດຕັ້ງລວມ 1.272 MW ແລະ ສາມາດຜະລິດກະໄຟຕໍ່ປີໄດ້ 5.000 GWh.

ຂ່າວ-ພາບ: ບໍລິສັດ ນ້ຳອູ

ข่าวทั่วไป