“ເລ່​ລຽມ​ໃໝ່” ຕາມ​ແນວ​ຄິດ​ສົງ​ຄາມ​ເຢັນ​ຈະ​ຕ້ອງ​ປະ​ສົບ​ຄວາມຫຼົ້ມ​ເຫຼວ​ໃນ​ທີ່​ສຸດ

“ເລ່​ລຽມ​ໃໝ່” ຕາມ​ແນວ​ຄິດ​ສົງ​ຄາມ​ເຢັນ​ຈະ​ຕ້ອງ​ປະ​ສົບ​ຄວາມຫຼົ້ມ​ເຫຼວ​ໃນ​ທີ່​ສຸດ

ວັນ​ທີ 16 ເມ​ສາ​ຜ່ານ​ມາ​ນີ້, ລັດ​ຖະ​ບານ​ອາ​ເມ​ຣິ​ກາ​ປະ​ກາດ​ວ່າ​ຈະ​ຈັດ​ກອງ​ປະ​ຊຸມ​ສຸດຍອດ​ສະ​ໄໝ​ພິ​ເສດ​ອາ​ເມ​ຣິ​ກາ-ອາ​ຊຽນ ຢູ່​ນະ​ຄອນຫຼວງວໍ​ຊິງ​ຕັນ​​ລະ​ຫວ່າງ​ວັນ​ທີ 12 ຫາ 13 ພຶດ​ສະ​ພາ​ນີ້ ເພື່ອ​ລະ​ນຶກວັນ​ສ້າງ​ຕັ້ງ​ສາຍ​ພົວ​ພັນ​ການ​ສົນ​ທະ​ນາອາ​ເມ​ຣິ​ກາ-ອາຊຽນ​ຄົບ​ຮອບ 45 ປີ ແລະ ໃຫ້​ຄຳ​ໝັ້ນ​ສັນ​ຍາ​ຖາ​ວອນ​ແກ່​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ.

ກ່ອນ​ໜ້າ​ນີ້, ອາ​ເມ​ຣິ​ກາ​ເຄີຍ​ປະ​ກາດ​ພຽງ​ແຕ່​ຝ່າຍ​ດຽວ​ວ່າ: ຈະ​ຈັດ​ກອງ​ປະ​ຊຸມ​ສຸດຍອດອາ​ເມ​ຣິ​ກາ-​ອາ​ຊຽນ​ໃນ​ວັນ​ທີ 28 ຫາ 29 ມີ​ນາ​ຜ່ານ​ມາ​ນີ້. ແຕ່​ທ່າ​ທີ​ຈອງ​ຫອງ​ຂອງ​ອາ​ເມ​ຣິ​ກາ​ໄດ້​ເຮັດ​ໃຫ້​ຜູ້​ນຳ​ປະ​ເທດ​ຕ່າງໆ​ໃນ​ອາ​ຊຽນ​ເກີດ​​ຄວາມ​ບໍ່​ພໍ​ໃຈ ເຊິ່ງ​ເຮັດ​ໃຫ້​ກອງ​ປະ​ຊຸມ​ສຸດຍອດ​ບໍ່​ໄດ້​ຈັດ​ຂຶ້ນ​ຕາມ​ເວ​ລາ​ກຳ​ນົດ.

“ໜັງ​ສື​ພິ​ມ​ຈ​າ​ກາ​ຕາ​ໂພ​ສ” ຂອງ​ປະ​ເທດ​ອິນ​ໂດ​ເນ​ເຊຍ​ໄດ້​ລົງ​ພິມ​ບົດ​ຄວາມ​ໂດຍ​ຊີ້​ອອກວ່າ: ເມື່ອ​ຮອດ​ເວ​ລາ​ນັ້ນ, ຄາດ​ວ່າ: ທ່ານ​ໂຈ ໄບ​ເດັນ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ຈະ​ທວງ​ໃຫ້​ຜູ້​ນຳ 10 ປະ​ເທດ​ສະ​ມາ​ຊິກ​ອາ​ຊຽນ​ກ່າວ​ປະ​ນາມ​ຣັດ​ເຊຍ​ໃນ​ບັນ​ຫາ​ອູ​ແກ​ຣນ ໃນ​ໄລ​ຍະ​ຈັດ​ກອງ​ປະ​ຊຸມ​ສຸດຍອດ, ແຕ່​ອາ​ເມ​ຣິ​ກາ​ຈະ​ເນັ້ນ​ໃສ່​ປຶກ​ສາ​ຫາ​ລື​ບັນ​​ຫາ​ກ່ຽວ​ກັບ​ຈີນ​ກັບ​ຜູ້​ນຳ​ບັນ​ດາ​ປະ​ເທດ​ໃນ​ອາ​ຊຽນ.

ນີ້​ກໍ​ແມ່ນ​ຈຸດ​ປະ​ສົງ​​ທີ່ແທ້​ຈິງ​ຂອງ​ອາ​ເມ​ຣິ​ກາ​ທີ່​ຕັ້ງ​ໃຈ​ຢາກ​ຈັດ​ກອງ​ປະ​ຊຸມ​ສຸດຍອດ​ສະ​ໄໝ​ພິ​ເສດ​ອາ​ເມ​ຣິ​ກາ-ອາ​ຊຽນ, ນັ້ນ​ກໍ​ຄື: ຊັກ​ຊວນ​ບັນ​ດາ​ປະ​ເທດ​ໃນ​ອາ​ຊຽນ​ໃຫ້​ກາຍ​ເປັນ “ກອງ​ໜ້າ” ໃນ​ການ​ເປັນ​ປໍ​ລະ​ປັກ​ກັບ​ປະ​ເທດ​ຈີນ, ຖື​ເອົາ​ພາກ​ພື້ນ​ອາ​ຊີ​ຕາ​ເວັນ​ອອກ​ສຽງ​ໃຕ້​ເປັນ “ລູກ​ໝາກ​ເສິກ” ທີ່​ຖ່ວງ​ດຶງ​ຈີນ ເພື່ອຢັບ​ຢັ້ງອິດ​ທິ​ພົນ​ຂອງ​ຈີນ​ທີ່​ນັບ​ມື້​ນັບ​ສູງ​ຂຶ້ນ.

ແຕ່​ວ່າ, ການ​ພັດ​ທະ​ນາ​ຈິ່ງ​ແມ່ນ​ຄວາມ​ຮຽກ​ຮ້ອງ​ຕ້ອງ​ການ​ທີ່​ແທ້​ຈິງ​ຂອງ​ບັນ​ດາ​ປະ​ເທດ​ໃນ​ອາ​ຊຽນ.
ທ່ວງ​ທ່າ​ຂອງ​ການ​ພັດ​ທະ​ນາ​ເສດ​ຖະ​ກິດ​ທີ່​ດີ​ງາມ ແລະ ຕະຫຼາດ​ທີ່​ໃຫຍ່ຫຼວງ​ຂອງ​ຈີນ, ບັນ​ດາ​ປະ​ເທດ​​ສະ​ມາ​ຊິກອາ​ຊຽນ​ຈະ​ປະ​ຕິ​ເສດ​ບໍ່​ໄດ້. ຕະຫຼອດ​ເວ​ລາຫຼາຍ​ສິບ​ປີ​ຜ່ານ​ມາ, ຍ້ອນ​ໄດ້​ຮັກ​ສາ​ການ​ພົວ​ພັນ​ດ້ານ​ເສດ​ຖະ​ກິດ​ການ​ຄ້າ​ທີ່​ດີ​ງາມ​ກັບ​ຈີນ, ການ​ພັດ​ທະ​ນາ​ເສດ​ຖະ​ກິດ​ຂອງ​ບັນ​ດາ​ປະ​ເທດ​ໃນ​ອາ​ຊຽນ​ໄດ້​ມີ​ຄວາມ​ກ້າວ​ໜ້າ​ຢ່າງ​ໃຫຍ່ຫຼວງ.

ປັດ​ຈຸ​ບັນ, ໄດ້​ກາຍ​ເປັນ​ກຳ​ລັງ​ການ​ເມືອງ​ແລະ​ເສດ​ຖະ​ກິດ​ທີ່​ມີ​ອິດ​ທິ​ພົນ​ໃນ​ພາກ​ພື້ນ​ນີ້. ການ​ເຊັນ “ສັນ​ຍາ​ຄູ່​ຮ່ວມ​ເສດ​ຖະ​ກິດ​ຮອບ​ດ້ານ​ຂອງ​ພາກ​ພື້ນ” ຫຼື RCEP, ການ​ເປີດ​ນຳ​ໃຊ້​ທາງ​ລົດ​ໄຟ​ລາວ-ຈີນ ແລະ ອື່ນໆ ໄດ້​ນຳ​ເອົາ​ໂອ​ກາດ​​ທາງ​ດ້ານເສດ​ຖະ​ກິດ​ແລະ​ການ​ຄ້າ​ອັນ​ມະ​ຫາ​ສານ​ມາ​ໃຫ້​ແກ່​ອາ​ຊຽນ, ເສດ​ຖະ​ກິດ​ຂອງ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ​ຈະ​ສາ​ມາດ​ຟື້ນ​ຟູ​ຄວາມ​ຈະ​ເລີນ​ຮຸ່ງ​ເຮືອງ​ໂດຍ​ໄວ, ການ​ພົວ​ພັນ​ລະ​ຫວ່າງ​ຈີນ​ແລະ​ບັນ​ດາ​ປະ​ເທດ​ໃນ​ອາ​ຊຽນ​ກໍ​ນັບ​ມື້​ນັບ​ແໜ້ນ​ແຟ້ນ.

ອີກ​ດ້າ​ນ​ໜຶ່ງ, ເວົ້າ​ສຳ​ລັບ​ບັນ​ດາ​ປະ​ເທດ​ໃນ​ອາ​ຊຽນ​ແລ້ວ, ທຸກ​ສິ່ງ​ທຸກ​ຢ່າງ​ທີ່​ໄດ້​ມາ​ຈາກ​ອາ​ເມ​ຣິ​ກາ​ລ້ວນ​ແຕ່​ຈະ​ຕ້ອງ​ເສຍ​ຄ່າ​ຕອບ​ແທນ: ຖ້າ​ຢາກ​ໄດ້​ຮັບ​ຜົນ​ປະ​ໂຫຍດ​ທີ່​ສົມ​ຄູ່​ກັນ​ຈາກ​ອາ​ເມ​ຣິ​ກາ, ກໍ​ຕ້ອງ​ກາຍ​ເປັນ​ລູກ​ມື​ຂອງ​ອາ​ເມ​ຣິ​ກາ, ຈົນ​ເຖິງ​ຂັ້ນ​ເສຍ​ຄ່າ​ຕອບ​ແທນ​ທົບ​ເທົ່າ​ໃນ​ການ​ເປັນ​ປໍ​ລະ​ປັກ​ກັນ​ລະ​ຫວ່າງ​ປະ​ເທດ​ໃຫຍ່. ອາ​ຊຽນ​ຍິ​ນ​ດີ​ໃຫ້​ອາ​ເມ​ຣິ​ກາ​ເຂົ້າ​ຮ່ວມ​ການ​ຮ່ວມ​ມື​ໃນ​ພາກ​ພື້ນ, ແຕ່​ກໍ​ບໍ່​ຢາກ​ທຳ​ລາຍ​ການ​ພົວ​ພັນ​ດ້ານ​ເສດ​ຖະ​ກິດ​ການ​ຄ້າ​ກັບ​ຈີນ.

ທ່ານ​ໂຣດ​ຣີ​ໂກ ດູ​ເຕີ​ເຕ ປະ​ທາ​ນາ​ທິ​ບໍ​ດີ​ຟີ​ລິບ​ປິນ​ທີ່​​ໃຫ້ຈະ​ໝົດ​ວາ​ລະ​​ໃນ​ການ​ດຳ​ລົງ​ຕຳ​ແໜ່ງຂອງ​ຕົນ​ກໍ​ໄດ້​ກ່າວ​ຢ່າງ​ຈະ​ແຈ້ງວ່າ: ຈະ​ບໍ່​ເຂົ້າ​ຮ່ວມກອງ​ປະ​ຊຸມ​ສຸດຍອດ​ຄັ້ງ​ນີ້. ວັນ​ທີ 19 ເມ​ສາ​ຜ່ານ​ມາ​ນີ້, ໂຄ​ສົກ​ຂອງ​ຄະ​ນະ​ກຳ​ມະ​ການ​ການ​ທະ​ຫານ​ມຽນ​ມາ​ກໍ​ຢືນ​ຢັນ​ວ່າ: ມຽນ​ມາ​ບໍ່​ໄດ້​ຮັບ​ການ​ເຊື້ອ​ເຊີນ​ຈາກ​ອາ​ເມ​ຣິ​ກາ ແລະ ມຽນ​ມາ​ກໍ​ຈະ​ບໍ່​ເຂົ້າ​ຮ່ວມກອງ​ປະ​ຊຸມ. ໃນ​ຂະ​ນະ​ດຽວ​ກັນ, ບໍ​ລິ​ສັດ​ນ້ຳ​ມັນ​ເຊື້ອ​ໄຟ​ແຫ່ງ​ຊາດ​ອິນ​ໂດ​ເນ​ເຊຍ​ກໍ​ໄດ້​ພິ​ຈາ​ລະ​ນາ​ຈະ​ຊື້​ນຳ​ມັນ​ເຊື້ອ​ໄຟ​ຈາກ​ຣັດ​ເຊຍ, ອາ​ເມ​ຣິ​ກາ​ຈະ​ສາ​ມາດ​ຊຸກ​ຍູ້​ໃຫ້​ອາ​ຊຽນ​ກ່າວ​ປະ​ນາມ​ຣັດ​ເຊຍ​ໃນ​ບັນ​ຫາ​ອູ​ແກ​ຣນ​ໄດ້​ຫຼື​ບໍ່, ດຽວ​ນີ້​ກໍ​ຍັງ​ບໍ່​ທັນ​ຮູ້​ເທື່ອ.

ໂລກ​ນີ້​ໄດ້​ພັດ​ທະ​ນາ​ກ້າວ​ໄປ​ຂ້າງ​ໜ້າ​ຢ່າງ​ບໍ່​ຢຸດ​ຢັ້ງ, ຖ້າ​ຢາກ​ແກ້​ໄຂ​ສິ່ງ​ທ້າ​ທາຍ​ໃໝ່​ຕ່າງໆ, ຈະ​ບໍ່​ມີ​ວິ​ທີ​ຮັບ​ມື​ແບບ​ຕາຍ​ໂຕ​ຄື​ເກົ່າ. ແຕ່​ອາ​ເມ​ຣິ​ກາ​ຈັດ​ກອງ​ປະ​ຊຸມ​ສຸດຍອດ​ສະ​ໄໝ​ພິ​ເສດ​ອາ​ເມ​ຣິ​ກາ-ອາ​ຊຽນ​ຄັ້ງ​ນີ້, ຍັງ​ເປັນ“ເລ່​ລຽມ​ໃໝ່” ​ທີ່​ໄດ້​ມາ​ຈາກ​ແນວ​ຄິດ​ສົງ​ຄາມ​ເຢັນ​​ເທົ່າ​ນັ້ນ, ການ​ກະ​ທຳ​ແບບຫຼ້າ​ຫຼັງ​ແບບ​ນີ້, ຈະ​ຕ້ອງ​ປະ​ສົບກັບ​ຄວາມຫຼົ້ມ​ເຫຼວ​ໃນ​ທີ່​ສຸດ​ຢ່າງ​ແນ່ນອນ.

ข่าวทั่วไป