ຮູບພາບໃນໄລຍະທີ່ມີການກໍ່ສ້າງຫໍຄຳ ( ພຣະຣາຊວັງຫລວງພຣະບາງ ) ເມື່ອລະຫວ່າງປີ ຄສ 1904-1909

ຮູບພາບໃນໄລຍະທີ່ມີການກໍ່ສ້າງຫໍຄຳ ( ພຣະຣາຊວັງຫລວງພຣະບາງ ) ເມື່ອລະຫວ່າງປີ ຄສ 1904-1909

ຮູບພາບໃນໄລຍະທີ່ມີການກໍ່ສ້າງຫໍຄຳ ( ພຣະຣາຊວັງຫລວງພຣະບາງ ) ເມື່ອລະຫວ່າງປີ ຄສ 1904-1909 ເປັນແບບແຜນການກໍ່ສ້າງປະສົມໃນຮູບແບບລາວລ້ານຊ້າງ ກັບຮູບແບບແຜນຜັງຝຣັ່ງເສດ ຢ່າງລົງຕົວແລະເປັນເອກະລັກທີ່ງົດງາມອ່ອນຊ້ອນ.

ຝຣັ່ງເສດມີການແຕ່ງຕັ້ງໃຫ້ນາຍທະຫານຮັກສາເມືອງ ຊື່ : ປັລລິເປ M.Pliller ຄຸມເອົານາຍຊ່າງຫວຽດນາມ ມາສ້າງຫໍຄຳຫລັງນີ້ເພື່ອຖວາຍມະຫາເຈົ້າຊິວິດສີຼສະຫວ່າງວົງສ໌ ໂດຍມີການເບີກເອົາເງິນຄຳ ຈາກຄັງມະຫາສົມບັດ ( ໃນຕອນນັ້ນໄດ້ມີເຫດການຍົກເລີກຊ່າງໄມ້ ຊ່າງເລື່ອຍ ຊ່າງກໍ່ ແລະກຳມະກອນຂອງສົມເດັດມະຫາອຸປະຣາຊ ທີ່ເຄີຍຕັ້ງໄວ້ນັ້ນ ) ຈາກນັ້ນກໍ່ໄດ້ມີການຕັ້ງໂຮງການໂຍທາ ໃສ່ຫໍຄຳເກົ່າ ຂອງສົມເດັດເຈົ້າອຸ່ນຄຳຫລັງມີການມ້າງ ແລ້ວນຳໄປສ້າງກຸດຕິໃສ່ວັດວິຊຸນນະຣາຊ ໂດຍທ່ານບັດເດີ M.Baatteur ເປັນຫົວຫນ້າ

ເພາະຫໍຄຳຫລັງເກົ່າໃນຍຸກສະໄຫມເຈົ້າອຸ່ນຄຳ ນັ້ນແມ່ນຖືກພວກໂຈນຫໍ້ມາປຸ້ນບ້ານເຜົາເມືອງ ເຜົາຫໍຄຳຫລັງເກົ່າໄປ ຫລັງຈາກນັ້ນມາ ກໍ່ມີການສ້າງແບບບໍ່ເປັນທາງການພໍໃຊ້ຊົ່ວຄາວ ແຕ່ກໍ່ມາເກີດການແບ່ງປັນດິນແດນລາວລະຫວ່າງຝຣັັ່ງເສດກັບສະຫຍາມເກີດຂຶ້ນ

ຈຶ່ງເຮັດໃຫ້ແຜນການສ້າງຫໍຄຳແບບຄືເກົ່າກ່ອນຖືກເຜົາໃນຕອນນັ້ນກໍ່ຖືກຢຸດໄປ ຍ້ອນສະພາບຄວາມຫຍຸ້ງຍາກການທາງການເມືອງ ແລະເສດຖະກິດ ບໍ່ເອື້ອອຳນວຍ ສ່ວນຫໍຄຳທີ່ສ້າງໃນໄລຍະນັ້ນກໍ່ພໍແຕ່ຢູ່ໄດ້ ບໍ່ງົດງາມປານໃດ ຕົກມາຍຸກຕົ້ນຂອງເຈົ້າມະຫາຊິວິດສຼີສະຫວ່າງວົງສ໌ ຈຶ່ງເລິ່ມມີແນວທາງແລະສ້າງຫໍຄຳຂຶ້ນໃຫມ່ ໂດຍປະສົມປະສານລະຫວ່າງສິລະປະຂອງລາວແລະເຈົ້າອານານິຄົມ ແທນແບບເກົ່າດັ່ງທີ່ເຫັນທຸກມື້ນີ້ແລ.

ງານຈັດສະແດງອາຄານເກົ່າໃນລາວ ຄັ້ງນີ້ເພິ່ນຈັດຂຶ້ນພຽງມື້ເທົ່ານັ້ນ ຄືຈັດວັນເສົາ-ອາທິດ ກົງກັບວັນທີ 08-09/05/2022 ເຮັດໃຫ້ຫລາຍຄົນບໍ່ທັນໄດ້ເຂົ້າໄປຊົມໄປສຶກສາ ເພາະບາງຕົນຫາກໍ່ຮູ້ຂ່າວ ຈຶ່ງເປັນຫນ້າເສຍດາຍ ຫວັງວ່າຄັ້ງຕໍ່ໄປເພີ່ນຄົງຈະຈັດອີກຕື່ມ ແລະເພີ່ມວັນຈັດອີກ ເພາະເປັນງານທີດີຫລາຍ.

ຂໍ້ມູນຈາກເພຈ : ນະຄອນຫລວງພຣະບາງ Luangprabang City ແລະບົດບັນທຶກຈາກເຈົ້າຄຳໝັ້ນ ວົງກົດຣັດຕະນະ.
ຮູບພາບຖ່າຍຈາກ : EFEO ຂອງງານວາງສະແດງອາຄານເກົ່າໃນລາວ ທີ່ຮ້ານອາຫານຫໍສະມຸດເພື່ອສຸຂະພາບ ເມື່ອວັນທີ 07 ພຶດສະພາ 2022 .

ข่าวทั่วไป