ນາຍົກ ແນະນຳໃຫ້ເຈລະຈາຊື້ນ້ຳມັນລາຄາຖືກຈາກ ຣັດເຊຍ

ນາຍົກ ແນະນຳໃຫ້ເຈລະຈາຊື້ນ້ຳມັນລາຄາຖືກຈາກ ຣັດເຊຍ

ອີງໃສ່ແຈ້ງການສະບັບເລກທີ 621/ຫສນຍ ລົງວັນທີ 6 ພຶດສະພາ 2022 ເລື່ອງທິດຊີ້ນຳສະເໜີມາດຕະການຮັກສາສະຖຽນລະພາບ ຂອງລາຄານ້ຳມັນເຊື້ອໄຟໃນສະພາບທີ່ນ້ຳມັນເຊື້ອໄຟເໜັງຕີງຂຶ້ນສູງ ທ່ານນາຍົກລັດຖະມົນຕີໄດ້ມີທິດຊີ້ນຳດັ່ງນີ້:

ເຫັນດີຕາມການສະເໜີຂອງກະຊວງການເງິນ ຄື: 1. ໃຫ້ກະຊວງອຸດສາຫະກໍາ ແລະ​ການຄ້າ​ເປັນໃຈກາງສົມທົບກັບກະໍວງການເງິນ​ແລະ​ພາກສ່ວນທີ່ກ່ຽວຂ້ອງ ຄົ້ນຄວ້າກົນໄກການນໍາເຂົ້ານໍ້າມັນເຊື້ອໄຟ​ຜ່ານບໍລິສັດໃດຫນຶ່ງ ໃນການເຈລະຈາຕໍ່ລອງຊື້ນໍ້າມັນເຊື້ອໄຟ,​ໃຫ້ສາມາດລວມສູນການນໍາເຂົ້າ​ແລະ​ແຈກຍາຍນໍ້າມັນເຊື້ອໄຟເຊັ່ນ​ ໃຫ້ລັດວິສາຫະກິດນໍ້າມັນເຊື້ອໄຟຮ່ວມກັບລັດວິສາຫະກິດເຊື້ອໄຟເອກະຊົນຈໍານວນຫນຶ່ງໃຫ້ຕັ້ງເປັນບໍລິສັດນໍ້າມັນເຊື້ອໄຟແຫ່ງຊາດ ເພື່ອນໍາເຂົ້າ ແລະ​ແຈກຢາຍນໍ້າມັນໃຫ້ມີຄວາມຄ່ອງຕົວ,​ ກວດກາ ແລະ​ ສະດວກໃນການຕິດຕາມການເກັບລາຍຮັບ,​ພ້ອມທັງເຈລະຈາຊື້ນໍ້າມັນໃນລາຄາຍ່ອມເຍົາຈາກປະເທດລັດເຊຍ​ເພື່ອຫລຸດຕົ້ນທືນການນໍາເຂົ້ານໍ້າມັນເຊື້ອໄຟ;

2. ໃຫ້ກະຊວງການເງິນ ສົມທົບກັບທະນະຄານແຫ່ງ ສປປລາວ​ແລະ​ພາກສ່ວນທີ່ກ່ຽວຂ້ອງ​ຄົ້ນຄວ້າກົນໄກການຄຸ້ມຄອງອັດຕາແລກປ່ຽນເງິນຕາຕ່າງປະເທດ ແລະ​ສະຫນອງເງິນຕາຕ່າງປະເທດໃຫ້ພຽງພໍ​ ເພື່ອຮັບປະກັນໃຫ້ມີນໍ້າມັນເຊື້ອໄຟໃຫ້ພຽງພໍກັບຄວາມຕ້ອງການ​ແ້ວລາຍງານໃຫ້ ທ່ານ​ນາຍົກລັດຖະມົນຕີ ມີທິດຊີ້ນໍາໃນເວລາອັນຄວນ.

ข่าวทั่วไป