ແຈ້ງການເພີ່ມຖ້ຽວລົດໄຟ EMU ຊ່ວງວັນພັກສະເຫຼີມສະຫຼອງວັນກຳມະກອນສາກົນ

ແຈ້ງການເພີ່ມຖ້ຽວລົດໄຟ EMU ຊ່ວງວັນພັກສະເຫຼີມສະຫຼອງວັນກຳມະກອນສາກົນ

ເພື່ອຕອບສະໜອງຄວາມຕ້ອງການໃນການເດີນທາງຂອງຜູ້ໂດຍສານໃນໄລຍະພັກວັນກຳມະກອນສາກົນ 1 ພຶດສະພາທີ່ຈະມາເຖິງນີ້, ບໍລິສັດ ທາງລົດໄຟລາວ-ຈີນ ຈຳກັດ ໄດ້ເພີ່ມຖ້ຽວລົດໄຟ, ໂດຍໄດ້ຕົກລົງເພີ່ມລົດໄຟຜູ້ໂດຍສານ EMU ຂະບວນທີ 3 ທີ່ມາພ້ອມຕູ້ Business Class ຖ້ຽວ C86/ C85 1 ຄູ່ ແລ່ນໄປ-ກັບລະຫວ່າງ ສະຖານີນະຄອນຫຼວງວຽງຈັນ ແລະ ສະຖານີເມືອງໄຊ

ຕັ້ງແຕ່ວັນທີ 29 ເມສາ – 2 ພຶດສະພາ, ດຳເນີນການຂົນສົ່ງຜູ້ໂດຍສານຢູ່ 5 ສະຖານີຄື: ສະຖານີນະຄອນຫຼວງວຽງຈັນ, ສະຖານີໂພນໂຮງ, ສະຖານີວັງວຽງ, ສະຖານີຫຼວງພະບາງ ແລະ ສະຖານີເມືອງໄຊ.

ນອກຈາກນີ້, ເພື່ອສືບຕໍ່ໃຫ້ຜູ້ໂດຍສານໄດ້ຮັບປະສົບການໃນການເດີນທາງທີ່ດີ, ບໍລິສັດທາງລົດໄຟລາວ-ຈີນ ຈຳກັດ ໄດ້ປັບປຸງແຜນການດຳເນີນການຂອງລົດໄຟໂດຍສານຢ່າງບໍ່ຢຸດຢັ້ງ, ກະກຽມແຜນເດີນລົດໃຫ້ພຽງພໍຕໍ່ຜູ້ໂດຍສານສຳລັບຊ່ວງໄລຍະພັກບຸນ, ປັບປຸງຈຳນວນມື້ ແລະ ຈຳນວນປີ້ທີ່ສາມາດຊື້ລ່ວງໜ້າຢູ່ຈຸດຂາຍປີ້ໃນນະຄອນຫຼວງວຽງຈັນ ແລະ ຫຼວງພະບາງ

ກຳນົດມາດຕະຖານ ແລະ ປັບປຸງການບໍລິການຂອງບ່ອນນັ່ງຊັ້ນທຸລະກິດຂອງລົດໄຟ EMU ແລະ ຕູ້ຕຽງນອນຂອງລົດໄຟທຳມະດາ, ຮັບປະກັນໃຫ້ຂະບວນລົດໄຟມີຄວາມພ້ອມໃນການໃຫ້ບໍລິ ການທັງດ້ານຄວາມສະອາດ ພ້ອມທັງສິ່ງອຳນວຍຄວາມສະດວກ, ເພື່ອສ້າງສະພາບແວດລ້ອມທີສະດວກສະບາຍໃນການນຳໃຊ້ລົດໄຟ, ສະໜອງເຄື່ອງດື່ມ ແລະ ອາຫານພາຍໃນສະຖານີ ແລະ ໃນລົດໄຟຢ່າງພຽງພໍ ເພື່ອຕ້ອນຮັບວັນກຳມະກອນສາກົນທີ່ຈະມາເຖິງ.

ข่าวทั่วไป