ເຂື່ອນໄຟຟ້ານຳ້ເທີນ1ຂອງບໍລິສັດພາວເວີໄຊນາລາວ ໄດ້ສຳເລັດການຕິດຕັ້ງປະຕູລະບາຍນໍ້າ6 ປ່ອງ

ເຂື່ອນໄຟຟ້ານຳ້ເທີນ1ຂອງບໍລິສັດພາວເວີໄຊນາລາວ ໄດ້ສຳເລັດການຕິດຕັ້ງປະຕູລະບາຍນໍ້າ6 ປ່ອງ

ວັນທີ 28 ເມສາ ປີ2022, ບໍລິສັດພາວເວີໄຊນາລາວ ໄດ້ສຳເລັດການຕິດຕັ້ງກໍ່ສ້າງປະຕູລະບາຍນຳ້ຈຳນວນ 6 ປ່ອງຢູ່ທີ່ເຂື່ອນໄຟຟ້ານໍາ້ເທີນ1, ເປັນການສະໜອງຮັບປະກັນທີ່ສຳຄັນສຳລັບການບັນລຸເປົ້າໝາຍການດຳເນີນການຄ້າ COD ຂອງເຂື່ອນໄຟຟ້າ.

ໂຄງການເຂື່ອນໄຟຟ້ານຳ້ເທີນ 1 ເປັນເຂື່ອນໄຟຟ້າສຸດທ້າຍໃນຈໍານວນ 4 ເຂື່ອນໄຟຟ້າພະລັງນ້ໍາຂອງນໍ້າເທີນ-ນ້ໍາກະດິງ. ທີ່ຕັ້ງຂອງໂຄງການແມ່ນຢູ່ສາຍນຳ້ກະດິງຂອງແຂວງບໍລິຄຳໄຊ, ເປັນໂຄງການປະເພດ 1, ເຂື່ອນກັ້ນນຳ້ເປັນເຂື່ອນຄອນກີດອັດແຮງ, ຈຸດສູງສຸດຂອງສັນເຂື່ອນແມ່ນ 177 ແມັດ, ເນື້ອທີ່ໜ້າອ່າງເກັບນໍ້າ 9360 ເຮັກຕາ, ສາມາດບັນຈຸນໍ້າໄດ້ປະມານ 3 ຕື້ ແມັດກ້ອນ.

ປະຕູລະບາຍນໍ້າຂອງເຂື່ອນປະກອບດ້ວຍ: ບານພັບ, ຊ່ອງປະຕູລະບາຍນ້ຳ, ບານປະຕູ, ຄານຄໍ້າ ແລະ ອຸປະກອນເສີມລວມເຖິງຈັກໄຮໂດລິກ ແລະ ສ່ວນປະກອບອື່ນໆ, ຂະໜາດຮູ 17.3m×20m(W×H), ນໍ້າໜັກຂອງປະຕູຮູດ່ຽວປະມານ 331ໂຕນ.

ນັບແຕ່ວັນທີ່ 23 ມັງກອນ ປີ 2022 ເລີ່ມຕິດຕັ້ງປະຕູລະບາຍນ້ຳ ໂຄງການດັ່ງກ່າວກໍ່ໄດ້ພົບຫຼາຍບັນຫາເຊັ່ນ:ການລະບາດພະຍາດໂຄວິດ 19, ເຈິກັບລົມແຮງ, ອາກາດທີ່ມີອຸນຫະພູມສູງ, ໜ້າວຽກພາກສະໜາມຖືກສະຫຼັບກັນໄປມາ, ໜ້າວຽກທີ່ຮີບດ່ວນ ແລະ ຄວາມຫຍຸ້ງຍາກອື່ນໆ. ແຕ່ກໍ່ຍັງສືບຕໍ່ປະຕິບັດໜ້າວຽກຢ່າງຕັ້ງໜ້າໄດ້ມີການຈັດຕັ້ງວິທະຍາສາດ, ຈັດລະບຽບ ແລະ ວາງແຜນການກໍ່ສ້າງໂຄງການລ່ວງໜ້າ, ເຂັ້ມງວດໃນການເຮັດບົດລາຍງານຄວາມຄືບໜ້າປະຈຳວັນ,ອາທິດ ແລະ ເດືອນ

ໂດຍຜ່ານກິດຈະກຳຕ່າງໆເຊັ່ນ: ເພື່ອບັນລຸສອງເປົ້າໝາຍມີການແຂ່ງຂັນແຮງງານດີເດັ່ນປະຈຳປີ, ເປັນການກະຕຸ້ນເຮັດໃຫ້ພະນັກງານມີຄວາມກະຕືລືລົ້ນໃນການເຮັດວຽກ, ຜ່ານການອົດທົນພະຍາຍາຍາມ ເອົາຊະນະອຸປະສັກຕ່າງໆ, ໂດຍໃຊ້ເວລາ 96 ມື້ ສຳເລັດ 6 ປະຕູລະບາຍນ້ຳມີມາດຕະຖານສູງຂອງຄູກັນນ້ຳ ເຂື່ອນໄຟຟ້ານ້ຳເທີນ 1, ແຕ່ລະປະຕູໄດ້ສຳເລັດການຕິດຕັ້ງ, ນີ້ກໍ່ເປັນຂີດໝາຍສຳຄັນທີ່ເຮັດໃຫ້ເຫັນວ່າ ໜ້າວຽກຍ່ອຍທີ່ສຳຄັນຂອງໂຄງການເຂື່ອນໄຟຟ້ານ້ຳເທີນ 1 ໃກ້ຈະສຳເລັດສົມບູນແລ້ວ.

ข่าวทั่วไป