ສ.ເກົາຫລີ ວາງແຜນສ້າງສະໜາມບິນລອຍນ້ຳແຫ່ງທຳອິດ

ສ.ເກົາຫລີ ວາງແຜນສ້າງສະໜາມບິນລອຍນ້ຳແຫ່ງທຳອິດ

ຂປລ.ຕາມ​ຂ່າວ​ຈາກ ເຊ​ອຸນ,ວັນ​ທີ26​ເມສາ​ນີ້ ກະຊວງ​ ສາທາລະນະ​ສຸກ ຂອງ ສ.​ເກົາຫລີ ​ໄດ້​ຊີ້​ແຈງ ​ແຜນ​ການກໍ່ສ້າງ ​ສະໜາມ​ບິນ​ ລອຍ​ນ້ຳ​ ແຫ່ງ​ທຳ​ອິດ ​ຂອງ​ປະ​ເທດ​ ​ໃນ​ເມືອງ​ ປູຊາ​ນ ​ເປັນ​ເມືອງ​ໃຫຍ່ ​ທີ່​ສຸດ​ ທາງ​ພາກ​ໃຕ້​ ຂອງ​ປະ​ເທດ ​ເຊິ່ງ​ເປັນ​ໂຄງການ​ຂະໜາດ​ໃຫຍ່ ມີ​ມູນ​ຄ່າ​ ປະມານ 13,7 ​ພັນ​ຕື້​ວອນ ​​ຢູ່​​ເທິງເກາະ​Gadok ທີ່​ເປັນ​ເກາະ​ໃຫຍ່​ທີ່​ສຸດ​ ຂອງ​ເມືອງ​ປູ​ຊານ

ເພື່ອຮອງຮັບ ຄວາມຕ້ອງການ ເດີນທາງ ທາງອາກາດ ທີ່ເພີ່ມຂຶ້ນ ​ແລະ ​ຊຸກຍູ້​ ຄວາມ​ຈະ​ເລີ​ນ ຮຸ່ງ​ເຮືອງ ​ຢູ່​ພາກ​ພື້ນ ​ຕາ​ເວັນ ​ອອກ​ສ່ຽງ​ໃຕ້ ລັດຖະບານ ພວມຊຸກຍູ້ ​ໃຫ້​ຍົກ​ເວັ້ນ ການສຶກສາ ຄວາມເປັນໄປໄດ້ ​ໃນເບື້ອງຕົ້ນ ເພື່ອເລັ່ງ ຂະບວນ ການກໍ່ສ້າງ. ​ໂຄງການ​ ດັ່ງກ່າວ​ ຢູ່​ນອກ​ແຄມ​ຝັ່ງ ​ໂດຍ​ສ້າງ​ຢູ່​ເທິງ​ໂຄງ​ສ້າງ ລອຍ​ນ້ຳ​ ກາງ​ທະ​ເລ ​ແລະ ຈະ​​ເລີ່​ມ ຮ່າງ​ລາຍ​ລະອຽດ ​ແຜນການ​ກໍ່ສ້າງ ພາຍ​ໃນ​ທ້າຍ​ປີ​ນີ້

ຫລັງ​ຈາກ ສຶກສາ​ ເລື່ອງ​ສິ່ງ​ແວດ​ລ້ອມ ຖ້າ​ຫາກ ຂະ​ບວນການ​ທັງ​ໝົດ ຜ່ານ​ໄປ​ດ້ວຍ​ດີ ຄາດ​ວ່າ ຈະ​ເລີ່​ມ ກໍ່ສ້າງ​ໃນ​ປີ 2025 ແລະ ເປີດໃຫ້ບໍລິການ ໃນເດືອນມິຖຸນາ 2035. ຜົນການ​ສຶກສາ ໄດ້ຮັບສະແດງ ໃຫ້ເຫັນວ່າ:ສະໜາມ​ບິນ​ດັ່ງກ່າວ ​ຈະ​ຮອງຮັບ ​ຜູ້​ໂດຍສານ ທັງໝົດ 23,36 ລ້ານ​​ເທື່ອຄົນ​​ ແລະ​ ຮັບຮອງ ສິນຄ້າ ດ້ວຍ​ນ້ຳໜັກ 286,000 ​ໂຕນ ​ໃນ​ປີ 2065./.(ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ข่าวทั่วไป