ข่าวทั่วไป

ຄອບຄົວຖືກໄຟໄໝ້ເຮືອນຢູ່ບ້ານຫວ້ຍງູ ເມືອງປາກລາຍໄດ້ຮັບເຄືອງຊວ່ຍເຫລືອ

ຄອບຄົວຖືກໄຟໄໝ້ເຮືອນຢູ່ບ້ານຫວ້ຍງູ
ເມືອງປາກລາຍໄດ້ຮັບເຄືອງຊວ່ຍເຫລືອ

ຂປລ. ໃນວັນທີ 30 ກໍລະກົດ ຜ່ານມາ, ທ່ານ ກອງສີ ວົງສີ ເຈົ້າເມືອງປາກລາຍ ແລະ ຂະແໜງການກ່ຽວຂ້ອງຂອງເມືອງໄດ້ນໍາເອົາເຄື່ອງໃຊ້ໃນຄົວເຮືອນ, ເຄື່ອງນຸ່ງຫົ່ມ, ເຂົ້າສານ 100 ກິໂລ, ສັງກະສີ 80 ແຜ່ນ, ພ້ອມດ້ຍເງິນສົດ 1 ລ້ານກວ່າກີບ ໄປມອບໃຫ້ແກ່ຄອບຄົວທີ່ຖືກໄຟໄໝເຮືອນ ທ້າວ ສົມໝາຍລີ ຢູ່ບ້ານຫວ້ຍງູ ເມືອງປາກລາຍ ລວມມູນຄ່າເສຍຫາຍທັງໝົດ 79 ລ້ານກ່ວາກີບ.

ໂອກາດນີ້, ທ່ານ ກອງສີ ວົງສີ ໄດ້ຕາງໜ້າຄະນະພັກອົງການປົກຄອງເມືອງ ສະແດງຄວາມເສຍໃຈ ຕໍ່ກັບຄອບຄົວຜູ້ທີ່ຖືກເຄາະຮ້າຍ ເກີດເຫດໄຟໄໝ້ເຮືອນໃນຄັ້ງນີ້, ພ້ອມທັງຊຸກຍູ້ໃຫ້ກໍາລັງໃຈຕໍ່ກັບຄອບຄົວດັ່ງກ່າວ, ພ້ອມຮຽກຮ້ອງໃຫ້ຂະແໜງການກ່ຽວຂ້ອງ ແລະ ອໍານາດການປົກຄອງບ້ານ ແລະ ສັງຄົມ ຈົ່ງໃຫ້ການຊຸກຍູ້ຊວ່ຍເຫລືອແກ່ຄອບຄົວດັ່ງກ່າວ ໃຫ້ມີເຮືອນຢູ່, ມີຊີວິດການເປັນຢູ່ທີ່ດີຂຶ້ນ ແລະ ຈົ່ງພ້ອມກັນມີສະຕິ ເພື່ອບໍ່ໃຫ້ເກີດເຫດການນີ້ຂຶ້ນຕື່ມ.

ຂໍຂອບໃຈ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *