ข่าวทั่วไป

ຂໍກຳລັງໃຈໃຫ້ປະຊາຊົນ 7 ບ້ານແຄມນໍ້າຊອງ ໄດ້ຮັບຜົນກະທົບຈາກໄພນໍ້າຖ້ວມ

ຂໍກຳລັງໃຈໃຫ້ປະຊາຊົນ 7 ບ້ານແຄມນໍ້າຊອງ ໄດ້ຮັບຜົນກະທົບຈາກໄພນໍ້າຖ້ວມ

ຂປລ. ໃນລະຫວ່າງວັນທີ 13-14 ມິຖຸນາ 2021 ນີ້, ມີຝົນຕົກໜັກຕິດຕໍ່ກັນລະດັບນ້ຳຊອງເພີ່ມຂຶ້ນຫລາຍ ເຮັດໃຫ້ນ້ຳໄຫລຖ້ວມຫລາຍຈຸດ ແລະ ສ້າງຄວາມເສຍຫາຍພໍສົມຄວນ ໂດຍສະເພາະຂົວສີສົ້ມ ຫລື ຂົວຂ້າມສະຖານທີ່ທ່ອງທ່ຽວຂອງ ລີສອດຖ້ຳຈັງຫັກຂາດອອກຈາກກັນ, ປະຊາຊົນ 7 ບ້ານທີ່ອາໄສຢູ່ແຄມນໍ້າຊອງ ໄດ້ຮັບຜົນກະທົບ. ປັດຈຸ ບັນ, ອຳນາດການປົກຄອງເມືອງວັງວຽງ ໄດ້ລົງຕິດຕາມຢ່າງໃກ້ຊິດ ແລະ ຊ່ວຍເຫລືອໃນເບື້ອງຕົ້ນ ໂດຍໄດ້ຄົ້ນຄວ້າເຮືອທີ່ເປັນພາຫະນະ ມາຊ່ວຍຂົນເຄື່ອງອອກຈາກເຮືອນທີ່ຢູ່ບ່ອນຕ່ຳ.

ທ່ານ ອໍາພອນ ອຸໄທທິດ ຫົວໜ້າຫ້ອງການແຮງງານ ແລະ ສະຫວັດດີການ ສັງຄົມ ໄດ້ໃຫ້ຂໍ້ມູນເບື້ອງຕົ້ນຕໍ່ສື່ມວນຊົນ ເມືອງວັງວຽງ ໃນວັນທີ 14 ມິຖຸນາ ນີ້ວ່າ: ຈາກການລົງໄປເກັບກ້ຳຂໍ້ມູນຕົວຈິງ ບັນດາບ້ານທີ່ຢູ່ແຄມນ້ຳຊອງທີ່ນ້ຳໄຫລຖ້ວມນັ້ນມີ ຈຳນວນ 7 ບ້ານຄື: ບ້ານຂັນໝາກ ມີ 80 ຄອບຄົວ, ບ້ານໂພນຊູ 30 ຄອບຄົວ, ບ້ານວັງຊອງ 86 ຄອບຄົວ. ສ່ວນຢູ່ບ້ານຫ້ວຍງາມ, ບ້ານວຽງໄຊ-ນາຫລວງ, ບ້ານເມືອງຊອງ ແລະ ບ້ານຫ້ວຍແຍ້ ແມ່ນກຳລັງເກັບກຳຂໍ້ມມູນຄອບຄົວທີ່ໄດ້ຮັບຜົນກະທົບ, ຈຳນວນສັດລ້ຽງ ແລະ ຜົນຜະລິດ ແມ່ນກຳລັງສັງລວມປະເມີນຜົນເສຍຫາຍ.

ຖ້າຫາກທ່ານໃດທີ່ກໍາລັງຈະເດີນທາງມາເມືອງວັງວຽງ ແຂວງວຽງຈັນ ແມ່ນໃຫ້ເດີນທາງເຂົ້າທາງດ່ວນຈຸດບ້ານວັງຄີ, ເພາະວ່າເສັ້ນທາງ ເລກທີ 13 ເໜືອ (ທາງເກົ່າ) ນັບແຕ່ສົນຂົວບ້ານວັງຄີ ເມືອງຫີນເຫີບ ຫາ ບ້ານຂັນໝາກ ເມືອງວັງວຽງ ສະພາບເສັ້ນ ທາງແມ່ນນ້ຳຖ້ວມເປັນບາງຈຸດເຮັດໃຫ້ສະພາບການເດີນທາງຕິດຂັດ.

ຂໍກຳລັງໃຈ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *