ข่าวทั่วไป

ຂ່າວ​ປອມ ເຫດຄົນໂດດຕຶກຂ້າຕົວຕາຍ ຢູ່ຄາຊີໂນ ເຂດສາມຫຼ່ຽມຄຳ

ຂ່າວ​ປອມ ເຫດຄົນໂດດຕຶກຂ້າຕົວຕາຍ ຢູ່ຄາຊີໂນ ເຂດສາມຫຼ່ຽມຄຳ

ຈາກຂໍ້ມູນທີ່ສື່ສັງຄົມອອນລາຍ ໄດ້ນຳເອົາຄຣິບ ວ່າມີເຫດການຄົນໂດດຕຶກຈົບຊີວິດ ຢູ່ເຂດເສດຖະກິດ ສາມຫຼ່ຽມຄຳ ແຂງບໍ່ແກ້ວນັ້ນ ໄດ້ແຜ່ອອກໄປ ກໍ່ເຮັດໃຫ້ປະຊາຊົນທີ່ບໍ່ຮູ້ ຫຼົງເຊື່ອ ແລະ ຄິດວ່າແມ່ນຄວາມຈິງ.

ດັ່ງນັ້ນຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ໄດ້ເຮັດໜັງສືລາຍງານຫຍໍ້ ເລກທີ 194/ຄຂສພ.ບກ, ລົງວັນທີ 6 ພຶດສະພາ 2021.ເລື່ອງ: ຂໍລາຍງານສະພາບການ ປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ ອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ-I9 ທີ່ເຂດເສດຖະກິດພິເສດສາມຫຼ່ຽມຄຳ.

ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ຂໍຖືເປັນກຽດຮຽນລາຍງານມາຍັງທ່ານ ກ່ຽວກັບຄລິບທີ່ລົງທາງສື່ອອນລາຍ ເຫດການ ຄົ້ນໂດດຕຶກ (ຂ້າຕົວຕາຍ) ທາງຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ໄດ້ມອບໃຫ້ເຈົ້າໜ້າທີ່ ປກຊ-ປກສ ລົງກວດກາຕົວຈິງ ສາມາດຢັ້ງຢືນໄດ້ວ່າ: ຄຣິບດັ່ງກ່າວບໍ່ໄດ້ເກີດຂຶ້ນ ຢູ່ພາຍໃນເຂດເສດຖະກິດພິເສດ ສາມຫຼ່ຽມຄຳ ແລະ ຕຶກດັ່ງກ່າວກໍບໍ່ໄດ້ມີຢູ່ພາຍໃນເຂດເສດຖະກິດພິເສດ ສາມຫຼ່ຽມຄຳ.

ຂໍ້ມູນທີ່ລົງທາງສື່ອອນລາຍນີ້ ເປັນການສ້າງຄວາມປັ່ນປວນ ແລະ ໃສ່ຮ້າຍປ້າຍສີໃຫ້ແກ່ເຂດຂອງພວກເຮົາ. ສະນັ້ນ ທາງຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ຈຶ່ງຂໍຢັ້ງຢືນອີກຄັ້ງ ຂ່າວດັ່ງກ່າວ ເປັນພຽງ (ຂ່າວປອມ) ບໍ່ມີມູນຄວາມຈິງ.

ຂໍຂອບໃຈ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *