ข่าวทั่วไป

ຂ່າວໄຟຟ້າຫົງສາຈໍາກັດ ຊ່ວຍເຫລືອສຸເສີນໄພນໍ້າຖ້ວມ ຢູ່ແຂວງໄຊຍະບູລີ

ຂ່າວໄຟຟ້າຫົງສາຈໍາກັດ ຊ່ວຍເຫລືອສຸເສີນໄພນໍ້າຖ້ວມ ຢູ່ແຂວງໄຊຍະບູລີ

ຂປລ. ແຫລ່ງຂ່າວຈາກແຂວງໄຊຍະບູລີ ໃຫ້ຮູ້ວ່າ: ບໍລິສັດ ໄຟຟ້າ ຫົງສາຈໍາກັດ ເປັນພາກສ່ວນໜຶ່ງທີ່ປະກອບສ່ວຍຊ່ວຍເຫລືອສຸກເສີນ ແລະ ຕອບໂຕ້ ໄພພິບັດ ນໍ້າຖ້ວມແຂວງໄຊຍະບູລີ ໃນກາງເດືອນມິຖຸນາ ທີ່ຜ່ານມາ ໂດຍສະເພາະແມ່ນໄດ້ສົ່ງທີມງານ ແລະ ພາຫະນະ ເປັນລົດສະແຕັກນໍ້າ, ເຂົ້າສານ, ອາຫານແຫ້ງ, ນໍ້າດື່ມ ແລະ ເງິດສົດ 30 ລ້ານກີບ ລວມມູນຄ່າທັງໝົດ 45 ລ້ານກີບ, ເຊິ່ງການຊ່ວຍເຫລືອມື້ນໍ້າຖ້ວມ ບໍລິສັດ ໄຟຟ້າ ຫົງສາຈໍາກັດ ໄດ້ແຈກຍາຍນໍ້າດື່ມ ແລະ ອາຫານແຫ້ງ ແລະ ຫລັງນໍ້າຖ້ວມ ກໍໄດ້ນໍາລົດສະແຕັກນໍ້າມາຊ່ວຍລ້າງທາງ, ລ້າງເຮືອນປະຊາຊົນ ແລະ ໂຮງຮຽນ ໃຫ້ມີຄວາມສະອາດ
ສຳລັບພິທີມອບ-ຮັບການຊ່ວຍເຫລືອທາງການໄດ້ຈັດຂຶ້ນເມື່ອບໍ່ດົນມານີ້,ເຊິ່ງຕາງໜ້າບໍລິສັດ ມອບໂດຍ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ບໍລິສັດ ໄຟຟ້າຫົງສາ ຈໍາກັດ ແລະ ຮັບໂດຍ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ແລະ ໃນໂອກາດດັ່ງກ່າວ ທ່ານເຈົ້າແຂວງ ກໍໄດ້ສະແດງຄວາມຂອບໃຈມາຍັງບໍລິສັດ ໄຟຟ້າ ຫົງສາ ຈໍາກັດ ທີ່ໄດ້ມອບເງິນ, ເຄື່ອງອຸປະໂພກ ແລະ ໃຫ້ການຊ່ວຍເຫລືອໃນມື້ນໍ້າຖ້ວມ ແລະ ຫລັງນໍ້າຖ້ວມ ເຊິ່ງໄດ້ປະກອບສ່ວນສຳຄັນເຮັດໃຫ້ເຂດທີ່ຖືກນໍ້າຖ້ວນກັບຄືນສູ່ສະພາບປົກກະຕິ.

ຂໍຂອບໃຈ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *