ข่าวทั่วไป

ຂ່າວອິດສະຣາແອນ ພັດທະນາວັກຊິນຕ້ານໂຄວິດ-19ແບບຮັບປະທານ

ຂ່າວອິດສະຣາແອນ ພັດທະນາວັກຊິນຕ້ານໂຄວິດ-19ແບບຮັບປະທານ

ຂປລ.ຕາມ​ຂ່າວ​ຈາກ ນະຄອນຫລວງ ​ແຕນ​ອາ​ວີ​ບ,​ເມື່ອ​ບໍ່​ດົນ​ມາ​ນີ້, ບໍລິສັດ​ ການ​ຢາ ​ໃນ​ອິດສະຣາ​ແອນ ພວມ​ພັດທະນາ​ ວັກ​ຊິນ ​ປ້ອງ​ກັນ​ ໂຄ​ວິດ-19 ​ແບບ​ຮັບ​ປະທານ ກຽມ​ທົດ​ລອງ ​ທາງ​ຄລີ​ນິກ ​ໄລຍະ​ທຳ​ອິດ​ ໃນຕົ້ນ​ເດືອນ​ ສິງຫາ​ນີ້.ຂະນະ​ທີ່ ​ທົ່ວ​ໂລກ​ ສັກ​ວັກ​ຊິນ ​ປ້ອງ​ກັນ ​ໂຄ​ວິດ-19ຄົບ​ໂດ​ສ ພຽງ15% ການ​ຕໍ່ສູ້ ​ກັບ​ການ ​ແພ່ລະບາດ ​ໂຄ​ວິດ-19 ຍັງ​ອີກ​ຍາວ​ໄກ ​ໃນ​ຕໍ່ໜ້າ ຖ້າ​ຫາກມີ ວັກ​ຊິນ​ແບບ​ຮັບ​ປະທານ ບໍ່​ຈຳ​ເປັນ​ຕ້ອງ​ ມີ​ບຸກຄະລາ​ກອນ​ ທາງ​ການ​ແພດ ມາ​ສັກ​ໃຫ້ ​ແລະ ສາມາດ ​ຈັດ​ສົ່ງ ​ຮອດ​ເຮືອນ​ໄດ້ ​ໂດຍ​ກົງ ຈະ​ເປັນ​ ຜົນ​ປະ​ໂຫຍ​ດຫລາຍ ​ສຳລັບ ປະ​ເທດ​ ພວມ​ພັດທະນາ ​ເພາະ​ຊ່ວຍ​ຫລຸດ​ ພາລະ ​ດ້ານ​ການ​ຂົນ​ສົ່ງ ​ໄດ້​ຫລາຍທີ່​ສຸດ ​ແລະ ອາດ​ເພີ່ມ​ອັດຕາ ​ການ​ຮັບ​ວັກ​ຊິນ ​ໃນ​ປະ​ເທດ​ ພັດທະນາ​ແລ້ວ ທີ່​ປະຊາຊົນ​ບາງ​ສ່ວນ ລັງ​ເລ​ທີ່​ຈະ​ຮັບ​ວັກ​ຊິນ ​ແບບ​ສັກ.ສຳລັບ ຜົນ​ການ​ສຳ​ຫລວດ ລ້າ​ສຸດ ຊາວ ອາ​ເມຣິກາ ​ເກືອບ19​ລ້ານ​ຄົນ ບໍ່​ຍອມ​ສັກ ຍິນ​ດີ ​ຮັບ​ວັກ​ຊິນ ​ແບບ​ຮັບ​ປະທານ.ນອກ​ຈາກ​ນີ້ ຍັງ​ຊ່ວຍຫລຸດ ຂີ້​ເຫຍື້ອ ທາງ​ການ​ແພດ ​ໂດຍ​ສະ​ເພາະ ​ເຂັມ​ສັກ​ຢາ ​ແລະ ຫລອດ​ສັກ​ຢາ​ ປະ​ເພດ​ຢາງ ​ແລະ ອາດ​ມີ​ຜົນ​ ຂ້າງຄຽງ​ ໜ້ອຍ​ກວ່າ ​ຢາ​ສັກ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *